26 މާޗް 2020 - 18:19
14 comments
ރޭގަނޑު ފުރާ ފްލައިޓަކުން ފުރުން ނޫން ކަމެއްގައި އައްޑޫ ގަމަށް އާންމުން އެރުން މިއަދުން ފެށިގެން މަނާކޮށްފި އެވެ.
ގަން އިންޓަނެޝަނަލް އެއާޕޯޓް ހިންގާ ކުންފުނި އައްޑޫ އިންޓަނެޝަނަލް އެއާޕޯޓް (އޭއައިއޭ) އިން މިއަދު ނެރުނު ބަޔާނުގައި ބުނީ ކޮރޯނާވައިރަހުން ރައްކާތެރިކަން ހޯދަން އެޅި ފިޔަޅެއްގެ ގޮތުން، ގަމަށް މިއަދުން ފެށިގެން އާންމުކޮށް އެރޭނީ ހެނދުނު 6:00 އާއި އިރުއޮއްސި 6:00 އާ ދޭތެރޭ ކަމަށެވެ.
"އަދި މިއާއެކު ރޭގަނޑު ފުރުމަށް ފްލައިޓް ޝެޑިއުލްކުރެވިފައިވާ ނަމަ ޗެކިން ފެށުމުގެ 30 މިނިޓް ކުރިން [ގަން] ހުޅުވުމަށް ފަހު ފްލައިޓް ފުރާތާ 30 މިނިޓް ފަހުން [ރަށް] ބަންދުކުރެވޭނެ ވާހަކަ ވެސް ދަންނަވަމެވެ." އޭއައިއޭގެ ބަޔާނުގައި ބުންޏެވެ.
ގަމަކީ ފޭދުއާ ކޯޒްވޭއަކުން ގުޅާލާފައި އޮންނަ ރަށެކެވެ. އަދި އެ ރަށަކީ އައްޑޫގެ ވަރަށް ގިނަ މީހުން ވަޒީފާ އަދާކުރާ ތަނެކެވެ.
އެގޮތުން އެއާޕޯޓާއި އެމްއެންޑީއެފް ސަދަން އޭރިއާ އާއި ފުލުހުންގެ މަރުކަޒާއި ކަސްޓަމްސް އާއި އެސްޓީއޯ އާއި ފްލައިން ސްކޫލްގެ އިތުރުން ގަމުގައި އީކުއޭޓަ ވިލެޖްގެ ނަމުގައި ހިންގާ ގެސްޓްހައުސްގައި އައްޑޫގެ އަވަށްތަކުގެ ގިނަ ބަޔަކު ވަޒީފާ އަދާކުރެ އެވެ. އަދި ގަމުގައި އަމިއްލަ މީހުން ހިންގާ ފިހާރަތަކެއްގެ އިތުރުން އެއާޕޯޓްގެ ރެސްޓޯރަންޓަކީ ވެސް ގިނަ ބަޔަކު ހިދުމަތް ހޯދަންދާ ތަނެކެވެ.
ގަމަކީ މި ވަގުތު ކޮރޯނާވައިރަހާ ގުޅިގެން އައްޑޫން މީހަކު ކަރަންޓީނުކުރަން ޖެހޭ ފަދަ ހާލަތެއް އަތުވެއްޖެ ނަމަ ކަރަންޓީނު ފެސިލިޓީ ވެސް ގާއިމުކޮށްފައިވާ ރަށެވެ. އެއީ ކުރީގެ ދޫގަހުގަ އެވެ. ގަމަކީ އޭއައިއޭގެ ބެލުމުގެ ދަށުގައި އޮންނަ ރަށެކެވެ.
ދުނިޔޭގައި ފެތުރެމުންދާ ބަލިމަޑުކަމެއްގެ ގޮތުގައި ކަނޑައަޅާފައިވާ ކޮވިޑް-19 އަށް ރާއްޖެއިން 13 މީހަކު ޕޮޒިޓިވްވެފައި ވެ އެވެ. އޭގެ ތެރެއިން އަށް މީހަކު ވަނީ ރަނގަޅުވެފަ އެވެ. ކުރެއްދޫ ރިސޯޓުގެ ބިދޭސީ ދެ މުވައްޒަފުން ފިޔަވައި ދެން ތިބީ ޓޫރިސްޓުންނެވެ.
ރާއްޖޭގައި މި ބައްޔާ ގުޅިގެން ސިއްހީ ކުއްލި ނުރައްކަލުގެ ހާލަތު އިއުލާނުކޮށް، ސަރުކާރު އޮފީސްތަކާއި ކިޔަވައިދޭ ތަންތަން ބަންދުކޮށް ރިސޯޓްތަކާއި ރަށްރަށާ ދެމެދު ދަތުރުކުރުން މަނާކޮށް އަދި ގެސްޓް ހައުސްތަކަށް ޓޫރިސްޓުން ގެނައުން ވެސް ވަނީ މަނާކޮށްފަ އެވެ. އަދި މާލެ ސަރަހައްދުގައި ވަނީ ކާބޯތަކެތީގެ ހިދުމަތްދޭ ތަންތަނުގައި ތިބެން ކެއިންބުއިން މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Ibrahim Rashid
27 March 2020
ކޮން މެއަކަސް މުސީބާތް ﷲތަޢާލާ ޤައުމަކަށް ފޮނުއްވަނީ މީސްތަކުންގެ ޢަމަލްތަށް ނުބައިވީ މަކަން ކަށަވަރެވެ. ރާއްޖޭގައި މިފަހަކުން ފެނިގެންދިޔައީ އިސްލާ މް ދީނަށް ފުރައްސާރަކުރު މާއި ދީން ކިޔަވައިގެންއުޅޭ ޝައިޚުންނަށް ދުއްތުރާ ކުރާ މަޒަރެވެ.
ޒުވާނާ.
27 March 2020
ތީއެއްކޮއް ބަންދު ކުރަންވީ ތަނެއް މީހުންކޮޅު އެކިރައްރަށައް ބަހާލާފަ އަސްކަރީ މަރުކަޒަކައް ތިތަން ހަދަންވީ ލ އަތޮޅަށާ ގދ އަތޮޅައް އައްޑޫ މީހުން ފުވައްމުލަކު މީހުން ބަހާލަންވީ ދައުލަތައްވެސް ލުއިވާނެ މާބޮޑައް ދަނޑުވެރިކަން ކޮއްފަ ދަތިހާލު ޖެހޭއިރު ދިވެހިން ކާނެބޯނެ ބާވަތްތައް އެއްގަ މު މަސް އުފެއްދޭނެ އެގޮތުން ބަކަރި ކުކުޅުފާ މު ގާއި މުކޮއް ވަޒީފާ އިތުރު ކުރެވޭނެ
ޏަލަނަލަ
27 March 2020
ޙަޖަމް
މުސްކުޅިޔާ
27 March 2020
ބްރަދަރ ޒުވާނާ އަހަރެމެނަށްވެސް އެބަ ވިސްނެޔޭ ލޯބިވާ ވަޠަން،ނަލަނަލަ އައްޑޫ ދޫކޮށްފަ ދާންޖެހޭ ވަގުތު އައިސް ޖެހިފަކަން މިއޮތީ، އެކަމަކު ބްރަދަރ ތިބުނި ގޮތަށް “މީހުންކޮޅު” ބަހާލާނީ ކިހިނެތް؟ބޮންދްސް ބަޑީސް އާ ލައިގެން އެބައުޅޭ ބައިލައްކައެއްހާ މީހުން،މުސްކުޅި މައިންބަފައިން މަރުވެދާން ބޭނުންވަނީ އެމީހުންގެ ދަރީންއުފަންކޮށް ބަލާބޮޑެތިކުރި ފަސްގަނޑުގަ،އަނެއްކޮޅުން ރާއްޖޭގެ ކޮން ހިސާބެއްގެ ބަޔަކުތަ ހެޔޮހިތުން އައްޑޫގެ ބޮޑު އާބާދީއެއް ބަލައިގަންނާނީ،
ކާފަ.
27 March 2020
ޒުވާނާ ފަދަ ބޯހަމަނުޖެހޭ ބަލިކުދިން މި ޤައުމުގައި ކިތަންމެހާވެސް ގިނަ. އަދި ކޮވިޑް 19 ފަދަ މުސީބާތް ކުރިމަތިވެފައިވާއިރު ނުވާނާ ފަދަ މުސީބާތް ތަކުގެ މަތިންވެސް އހަރުމެން ހަދާނެއް ނުނެތޭ.
ގަންބަންދު
27 March 2020
ރަނގަޅު ކަމެއް. ރޭގަނޑު ޒުވާނުން ރޭސްޖެހުމަށާއި، ބިޓުހިއްލުމަށާއި އަދި ވައްކަން ކުރަން ގަމަށް އެބަ އަރާ. ތި އެޅި ފިޔަވަޅު ރަނގަޅު.
ާުުިމމމމމމމމެްއައްޑޫކޮއެ
27 March 2020
އަޅެ! މިހާރު މަށަށް މަގޭ އުފަން ރަށަށްވެސް ނުދެވޭނެ ރޯދަ މަހު!
ކޮރަލް
26 March 2020
މާލޭގެ މަގުތަކުގަ ރޭގަނޑު 9 ން ހެނުދުނު 6 ށް މީހުން ޒަރޫރީ ބޭނުމުގަ.ނޫނީ .މިދުވަސް ކޮޅު ނުކުމެ އުޅުން.މަނާ ކޮށްދީ ބަލާށެވެ. ފިނި ބުރު ޖަހާ މީހުން ގިނަ އެވެ.
ދުއޕާން
26 March 2020
މިނަށް ވުރެ ކަން ފަލަ ކުރަންހަދައިގެން ބޮނޑި ބޮވެނީ ކޮންމެ ފަހަރަކު.
މަށެއްނޫން
26 March 2020
އައްޑޫއަކު ނެތް ދިރުމެއް. ދިރުމެއް ނެތީ މާލޭ މީހުންނާ އައްޑޫ މީހުން ގުޅިގެން އައްޑޫ ފަޅުކުރީމަ. މިއަދުވެސް މިކަން ހިނގަމުން ދަނީ މިހެން. އައްޑޫ މީހުން އައްޑޫވެފަ ތިއްބަ ރާއްޖޭގެ އެހެން ރަށްތައް އެހެރަ ދަނީ ތަރައްގީވަމުން.
ިއިބްރާ
27 March 2020
އައްޑުއަށްވުރެ މެދުރާއްޖެތެރެ ތަރައްޤީކޮށްގެން އައްޑޫ ބޭފުޅުންވެސް އުޅުއްވަން މާބޮޑަށްވެސް ރަނގަޅުވާނެ. މާލެއާއި ކައިރިވީ މާ ގިނަ އެޑްވާންޓޭޖްތަށް ލިބޭނެ. ވަކިވެގަތު މަކީ ނިކަ މެތިކަ މެއް.
އަބްޅޮޮ
26 March 2020
ބޭކާރު ކަންކަން. ފްލައިޓްތައް ކޮންޓްރޯލްކޮށް ބޯޑަރ ބަންދުކުރީމާ ކޮން ސަކަރާތެއް
އޮނަރަބްލް އަފީފު ދީދީ
26 March 2020
ކޮވިޑް 19 ގެ ސަބަބުން މުޅިއާބާދީއަށް ނިސްބަތުން އެންމެ ބޮޑު ގެއްލުން ލިބޭނެ އެއްބަޔަކަށް މިސިޓީގެ ރައްޔަތުން ވެގެންދާނެ. މަޖުބޫރީ އެތައް ސަބަބު ތަކާއިހުރެ އައްޑޫމީހުނަށް ވަނީ މާލެއަށް ހިޖުރަކުރަންޖެހިފަ. އައްޑޫގެ ގިނަ ޒުވާނުން ތިބީ ރިޒޯޓް ވަޒީފާގައި އެތަންތަނުގެ. # މިދެންނެވި އެންމެން ކަހަލަގޮތަކަށް "ބަންދުވެފައިތިއްބާ" އަނެއްކާ ސިޓީގައި ދިރިއުޅޭ މީހުންވެސް މިއޮތީ ބޮޑު ތަޅުއަޅުވާ ބަންދު ކޮށްފަ. މިއީ ކޮން ހަމައަކުން ހިގާކަމެއް؟!
އާރޭފެ ހުސޭނު
26 March 2020
އިގިރޭސީން ފޭބުމުން ވަޒީފާ ގެއްލުމުން ރިސޯޓުތަކުން ވަޒީފާ ހޯދުމަށާއި ދަރިންނަށް ކިޔަވާދިނުމަށް މާލެއާއި ދިމާލަށް މިސްރާބު ޖެހިނަމަވެސް މިއަދު އައްޑޫގެ ގިނައަދަދެއްގެ މީހުން މާލޭގައި ދިރިއުޅެންޖެހޭ ސަބަބެއްނެތް. ޕައުންޑް އިކޮނޮމީ ހަލަކުވެގެންދިއުމުން މާލެއާއި ދިމާލަށް އައިގޮތަށް މިއަދު ކޮވިޑް19ގެ ސަބަބުން އިކޮނޮމީ ހަލާކުވާއިރު އަލުން މިސްރާބުޖަހަންވީ އައްޑޫއާއި ދިމާލަށް. ބަޔަކުމީހުން އައްޑޫއަށް އަނބުރާ ގޮސްގެން ނޫނީ އައްޑޫއަކަށް ދިރުމެއް ނުލިބޭނެ