އެސްޓީއޯގެ އަގުތަކާ ގުޅޭގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމެއްގައި ކުންފުނީގެ އެމްޑީ އަމްރު ވާހަކަދައްކަވަނީ-- ފޮޓޯ: އަހުމަދު އައުޝަން އިލްޔާސް/މިހާރު
29 މާޗް 2020 - 16:08
20 comments
އެސްޓީއޯ އިން ރާއްޖެ އަށް އެތެރެކުރާ އަލުއްވާއި ފިޔާ އަދި ބިހުގެ އަގު ބޮޑު ނުވާނެ ކަމަށް އެ ކުންފުނިން މިއަދު ބުނެފި އެވެ.
އެސްޓީއޯގެ މީޑިއާ ކޯޑިނޭޓަރު އަބްދުﷲ މުހައްމަދު ވިދާޅުވީ އަގަށް ބަދަލެއް ނައި ނަމަވެސް ބާޒާރުގައި އަގު ކޮންޓްރޯލް ކުރުމުގެ ގޮތުން އެސްޓީއޯ އިން މި ބާވަތްތައް ވިއްކާނީ ލިމިޓްކޮށްގެން ކަމަށެވެ. އެގޮތުން އައިޑީ ކާޑަކަށް ކިލޯއެއްގެ އަލުއްވާއި ފިޔާ އަދި ބިސް ޓްރޭއެއް ވިއްކާ ގޮތަށް ލިމިޓް ކޮށްފައިވާކަމަށް އޭނާ ވިދާޅުވި އެވެ.
މި ބާވަތްތަކުގެ އަގު ބާޒާރުގައި މިދިޔަ ހަފުތާގައި ވަނީ އުފުލިފަ އެވެ. އެގޮތުން 12ރ. އަށް ލިބޭ ފިޔާ އަދި އަލުވި ކިލޯއެއް ބާޒާރުގައި މިހާރު ލިބެން ހުރީ 25ރ. އަށެވެ. ނަމަވެސް އެސްޓީއޯ އިން އަދިވެސް މި ދެ ބާވަތް ވިއްކަމުން އަންނަނީ 12ރ. އަށް ކިލޯ އެކެވެ.
ބާޒާރުގައި ބިހުގެ އަގު 2.50ރ އަށް. އެރި ނަމަވެސް މިހާރު އަގު ވަނީ 1.50ރ. އަށް ވެއްޓިފަ އެވެ. ބާޒާރުގައި ކުރިއަށް އޮތް ދުވަސްތަކުގައި ވެސް އަގުތަކަށް ބަދަލު އަންނާނެ ކަަމަށް ވިޔަފާރިވެރިން ލަފާކުރެ އެވެ. މި ބަދަލުތައް އައި ނަމަވެސް އެސްޓީއޯ އިން ކާބޯތަކެތި ވިއްކާ އަގަކަށް ބަދަލު ނާންނާނެ ކަމަށް އެ ކުންފުނިން ބުނެ އެވެ.
އަބްދުﷲ ވިދާޅުވި ގޮތުގައި މި ދަނޑިވަޅުގައި އެސްޓީއޯ އިން ކާބޯތަކެތި ހުސްނުވެ ލިބެން ހުންނާނެ އެވެ. ނަމަވެސް ލިމިޓު ކުރަން ޖެހުނީ އެސްޓީއޯއިން އަގުހެޔޮކޮށް ގަނެގެން ބާޒާރުގައި އަގު ބޮޑުކޮށް ތަކެތި ވިއްކަމުން އަންނަކަން ފާހަގަކުރެވޭތީ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހާ
30 March 2020
ކިޔު ގަ ޖެހިގެން އައިޑީ ހިފާގެން ދިޔާމަ 1 ކިލޯ ފިޔާ އެޙާ ހަޑި އަދި
އަލި
29 March 2020
މާލޭގަވެސް 30 ރުފިޔާ އަށް ފިޔާ ކިލޯ ހުރީ.
ހާމަ333
29 March 2020
ކޮބާ މިއޮތީ އަހަރުމެން ބުނިތަން އައިއްސަ...މުދާ ހުސްނުވެ ލިބެން ހުންނާނެ ކަމަށް ބުނި އިރު މީހަކަށް ކިލޯއެއް މީހަކަށް ބިސްޓްރޭއެއް...ދެން އަހަރުމެންވީ ބޮޑު ކިއުހަދާފަ އެސްޓީއޯ ދޮށަށް ދާންތަ...މިވަރުން ދަންޏާ އަދި ބޮލަކަށް ބިހެއްވެސް ޖެހޭނެ ދުވަސް އަންނާނެ...
Ekamaku
29 March 2020
ކަލޯ.. ޝުކުރު ކޮށްބަލަ މިވަރުވެސް ވާކަމަށް. މުޅި ދުނިޔެއެންމެން އުޅޭ ހާލުބަލާބަލަ. ކާބޯތަކެތި އުފައްދާ ގައުމުތައްވެސް އުޅެނީ މިއައްވުރެ ހާލުގަ. ކަލޭ ނުބުންނަސް ތިހުރިހާ ކަމެއްވާނެ ކަން އެންމެނަށްވެސް އެނގޭ. ސަރުކާރުން އެހެންބުންނަސް މިގޮތަށް ގިނަދުވަހު ދަންނާ މުޅި މިރާއްޖެއިންވެސް މިކަހަލަ ހަލާކުވާއެއްޗެހި ހުސްވާނެ.
މުއަސްލުހަގީގަތް
30 March 2020
ބަލަ މިހެން ނުވީސް ގުދަން ނުކުރިނަމަ. އޭރުވެސް ގޮވަމުން ދިޔައީ މަދުން ގަންނާށޭ. އެކަ މަކު ބުނާ ގޮތެއް ނުހެދި. ކަންތައްތައް ގޯސް ވީ މަ ދެން ޖެހޭނީ ލި މިޓްކުރަން.
ހަމްދު
30 March 2020
އުފެދުން ތެރިކަން ނެތްތަނެއްގާ ދުނިޔެ ހުއްޓިފަވާ ދަޑިވަޅެއްގާ ކަލޭބުނިތަނެއްނޫން މިއަކީ. މިއީފުދި އިތުރުވެސް ވާވަރު. ލިމިޓުކުރީ މީގެން ނާޖާއިޒް ފައިދާބަޔަކު ނަގާތީ އޭބުނެފަވަނިކޮއް މިކޮމަންޓު ޖެހީތީވެސް މަހާރާންވެއްޖެ. މިކޮމެންޓު ޕޯސްޓުނުކުރާނެކަން އެގޭހާލު ސުކުރީން ސޮޓައްފަހު ފޮނުވާލަން .
އަބްދުލްފައްތާޙް
29 March 2020
މައްސަލައަކީ ވިޔަފާރިތަކަށް ދޫނުކުރާތީ. ކައްކާ ތެޔޮ ވެސް އެސްޓީއޯ އިން ހުސްވެފާ ހުރީ. އެސްޓީއޯގެ ދައުރު މިއަށް ވުރެ ފުރިހަމަ ވާންޖެހޭ.
އެޓޮމް
29 March 2020
އަ މުރޫ ރާއްޖެ ތެރޭ 30 ރ އަށް ފިޔާކިލޯ ވިއްކަނީ ވިޔަފާރިތަކަށް އެސްޓީ އޯއިން ނުލިބެއޯ
ތަކެތި އަގުބޮޑު
29 March 2020
މިއަދުވެސް ތަކެތީގެ އަގު ލޯކަލް މާރުކޭޓުގައި ހުރީ ކުރީހަފްތާއަށް ވުރެ %30 ބޮޑުވެފައި މިކަން ބަލާ ހަމަމަގަށް އަޅުވާނެ ބަޔަކު ނެތް އަދި އެތަނުގެ މުޑުދާރު ކަމުގެ ވާހަކަ ރަގަޅުވާނީ ނުދެއްކިއްޔާ
ބޮޑުމީހާ
29 March 2020
ރައްޔިތުން މުދަލަށް ނުޖެހޭނެޔޭ ބުނި ގްރޫޕު މީ، އަދި މަސްދުވަސް ނުވޭ
ރަބަރޭ
29 March 2020
ފިޔާ އަލުވި ބިސް ގެނައިމަ ޤައުމުގެ ހުރިހާކަމެއް ފުރިހަމަވޭ. ޑޮލަރުހުރީ 17 ގަ. މޮޅުވާހަކަދައްކަނީ.
މިމު
30 March 2020
އިންސާނަކަށްވީތީވެސް އިންސާނެއްގެ ސިކުނޑިން ވިސްނަބަލަ. ބަލާއާފާތުގެ ވަގުތުގައި ތިމާމެން އެއަށްވުރެ ބޮޑު ބަލާއާފާތަކަށް ވީމަ ކަމަކު ނުދާނެ
ރަދީފް
29 March 2020
''އައިޑީ ކާޑަކަށް ކިލޯއެއްގެ އަލުއްވާއި ފިޔާ އަދި ބިސް ޓްރޭއެއް ވިއްކާ ގޮތަށް ލިމިޓް ކޮށްފައިވާކަމަށް އޭނާ ވިދާޅުވި އެވެ.'' ގޯހެއް ނޫން.
ވިސްނާލުމަށް އެދެމޭ
29 March 2020
އެސްޓިއޯއިން ވިއްކާ އަގުހެޔޮތަކެތި ރައްރަށުގަތިބި ރައްޔިތުން ގަންނަންދާންވީ ދެކޮޅުޓިކެޓްނަގައިގެން މާލެއަށްތައް...ތަންކޮޅެ ހެޔޮވިސްނު މެނެތްތަ..އަތޮޅުތެރޭގަހުރި އެސްޓިއޯގެ ފިހާރަތަ މެދުވެރިކޮށް އަތޮޅުގެ ރައްރަށުގެ ކޮއް މެވެސް ވިޔަފާރި އެޖެންޓެ މެދުވެރިކޮށް ރައްޔިތުންނަ ލިބޭގޮތް ހެދީ މަނޫންތަ އެސްޓިއޯއިން އަގު ކޮންޓްރޯލުކުރަން މަސައްކަތެކުރާ ކަ މަށްބުނެވޭނީ..ކިޔުޖެހިގެން މީހަކަށް އެއްކިލޯ ފިޔާ ވިއްކީ މަވެސް ބުނަންވީ ތަކެތިހުސްނުވެ ލިބެޔޭތަ..