ބީއެމްއެލް އިސްލާމިކްގެ ހެޑް އޮފީސް-- ފޮޓޯ: ހުސައިން ވަހީދު/މިހާރު
07 އެޕްރީލް 2020 - 08:34
5 comments
ކޮވިޑް-19 އާ ގުޅިގެން، ސަރުކާރުން އިއުލާންކުރި އިކޮނޮމިކް ރިކަވަރީ ޕެކޭޖުގެ ދަށުން، ބީއެމްއެލް އިސްލާމިކުން ފައިނޭންސިން ނަގާފައިވާ ފަރާތްތަކަށް އެ ފެސިލިޓީތައް ފަސްކުރަން އެދުމުގެ ފުރުސަތު މިއަދު ހުޅުވާލައިފި އެވެ.
މިދިޔަ ހަފްތާގައި ބީއެމްއެލުން ވަނީ ކޮންވެންޝަނަލް ލޯނުތައް ފަސްކުރަން އެދުމުގެ ފުރުސަތު ހުޅުވާލައިފަ އެވެ. މި ހުރިހާ ފުރުސަތަކަށް ވެސް އޮންލައިންކޮށް ހުށަހެޅެ އެވެ.
Loan Moratorium
ލޯން މޮރެޓޯރިއަމް އަށް ހުށަހެޅޭނެ ލިންކް
ބީއެމްއެމް އިސްލާމިކް ފައިނޭންސިން އުސޫލުން ނަގާފައިވާ ފައިސާ ފަސްކޮށްދޭ މުއްދަތުގައި މި ފެސިލިޓީ ނަގާފައިވާ ފަރާތުން އެއްވެސް ފައިސާއެއް ބޭންކަށް ދައްކާކަށް ނުޖެހޭނެ އެވެ. އަދި މި މުއްދަތުގައި ފައިސާ ނުދެއްކުމުގެ ސަބަބުން ކަސްޓަމަރުގެ ކްރެޑިޓް ހިސްޓްރީ އަށް އެއްވެސް އަސަރެއް ވެސް ނުކުރާނެ އެވެ.
ފައިނޭންސް ފެސިލިޓީ ހަ މަސް ދުވަހަށް ފަސްކުރުމުން ފުރަތަމަ ހަ މަސް ދުވަހުގެ މުއްދަތުގައި ބޭންކަށް ފައިސާ ދައްކާކަށް ނުޖެހޭނެ އެވެ. ނަމަވެސް މި މުއްދަތުގައި ފައިދާއަށް ވާ ފައިސާ ޗާޖުކުރާނެ އެވެ. މި މުއްދަތުގައި ކާފުލް ޗާޖެއްގެ ގޮތުގައި ކަސްޓަމަރު ކޮންމެ މަހަކު ދައްކާ ފައިސާ އަކީ ފައިނޭންސިން ފެސިލިޓީގައި އެކުލެވިގެންވާ ބައެއް ނޫން ކަމަށް ވާތީ އެ ފައިސާ ކަސްޓަމަރުގެ އެކައުންޓުން ކެނޑޭނެ އެވެ.
މީގެ އިތުރުން ދެން އަންނަ ހަ މަސް ދުވަހު ފައިސާ އަނބުރާ ދައްކަން ޖެހޭނީ 20 ޕަސެންޓަށް ވުރެ ކުޑަ އަދަދެކެވެ.
https://www.bankofmaldives.com.mv/system/file/3510/originals/BMLI_Moratorium_FAQ_dhivehi.pdf
ބީއެމްއެލް އިސްލާމިކް ފައިނޭންސިން ފަސް ކުރާ ގުޅޭ އިތުރު މައުލޫމާތު
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަފުސްވާ ފަހުން ލިބޭ ލޯނު
07 April 2020
ލޯނު އެޕްލިކޭޝަން ޕޮރޮސެސީންގ ވާން ފަށާނީ ވެސް 45 ދުވަސް ފަހުން ނެވެ. 45 ދުވަސް ފަހުން ގެންގޮސްފައި ކުށެއް އިސްލާހުކުރަން ޖައްސާނެއެވެ.އިސްލާހު ކޮށްފައި ސަބްމިޓެޑް ކުރާ ލިޔުން ކަރެކެއްޓްކަން އެގޭނީ 7 ދުވަސް ފަހުން ނެވެ. އޭގެ ކުރިން އިތުރު މައްސަލައެއް އޮތް ކަމަކަށް ނާންގާނެ އެވެ.މިގޮތަށް 7ދުވަހުން، 7 ދުވަހުން 2މަސް ވަންދެކަށް ޕޮރޮސެސިން ވާނެ އެވެ.މިގޮތަށް 3މަސް ވަންދެން ތަޅުވާފައި "އެޕްރޫވަލް" އަށް ފޮނުވާނެއެވެ.
ދިޔަރެސް
07 April 2020
މިވެސް ވާނުވާގަ ތިބޭ ބައެއް.ލޯނަށް އެޕޮއިންޓްމެންޓެއް ހޯދަން އުޅޭތާ އެއްމަސްވީ. ގުޅާއިރަށް ބުނާނެ މިދުވަހަށް ހަމަޖެހިފައޭ. އެކަމު އެދުވަހު ގުޅީމަބުނަނީ ނެތޭ
މެއިން ބްރާންތި
07 April 2020
ކުރީ ޒަމާނުގައި ލޯނު ނަގަން ހާދަ ފަސޭހަ އެވެ. މިހާރު ވާއެއް ނުވާއެއް ނޭގެވެ. އުދަގޫ ކުރުން އިންތިހާއެވެ ކޮމިއުނިކޭޝަން އެހާމެ ދަށެވެ. ސާފު ކޮށްދިނިން އެހާމަ ކަޑައެވެ. ދެ ހީހުން ބުނާނީ ދެގޮތަށެވެ.ލަޑު ލިބޭނީ ރައްޔިތު މީހާ އަށެވެ. ޒިންމާ ނެގުމެއް ނޯންނާނެއެވެ. ރައްޔިތު މީހާ ޝަކުވާ ކުރާނެ ނިޒާމެއް ފުރުސަތެއް ނެސް ނުލިބޭނެއެވެ.
ލަޑެއް ލިބޭނީ
07 April 2020
އެއްވެސް އުފަލެއް ނުވެއެވެ.
ލޭބޯ މޯލްޑިވުސް ޕްރައިވެޓްލމޑ
07 April 2020
ލޯނު ލިބިއްޖެ އެވެ. އެކަމަކު ލޯނުގެ ފައިސާ ގައި އަދި އަތް ލެވޭ ގޮތެއް ނުވެއެވެ ކޫސަނި ކަންތަށް ތަށް ފުރިހަމަ ކުރަން ވަޤުތު ބޭކާރު ކުރާތީ އެވެ އެކަން ވެސް އޮންނަނީ ބޭންކަށް ފައިދާ ވާގޮތަށެވެ.ލޯނުގައި އަތް ނުލެވުނަސް އިންޓަރެސްޓް ހިގަން ފަށާފިއެވެ. ފުލް ކޮށެވެ.