މިއަދު ތައިލެންޑަށް ފުރި މޯލްޑިވިއަންގެ ފްލައިޓުން އެ ގައުމަށް ފުރި ބައެއް މީހުން ޗެކިން ކުރަނީ-- ފޮޓޯ: މޯލްޑިވިއަން
16 އެޕްރީލް 2020 - 10:28
1 comments
ރާއްޖޭގައި ތިބި ތައިލެންޑް މީހުންގެ ތެރެއިން އެނބުރި ގައުމަށް ދާން ބޭނުން 55 މީހުންނާ އެކު މޯލްޑިވިއަންގެ ކާގޯ ފްލައިޓެއް މިއަދު ފުރައިފި އެވެ.
މި ކާގޯ ފްލައިޓުގައި ތައިލެންޑުގެ ޓޫރިސްޓުންގެ އިތުރުން ވޯކް ޕާމިޓުގައި ރާއްޖޭގައި މަސައްކަތް ކުރާ ބައެއް މީހުން ވެސް ހިމެނެ އެވެ. މިއީ އެ ގައުމުގައި ތިބި ދިވެހި އާއިލާތަކަށް ފޮނުވާ "ކެއާ ޕެކޭޖުތަކާ" އެކު ފުރި ފްލައިޓެކެވެ.
ރާއްޖެއަށް ބޭނުންވާ ޒަރޫރީ ސާމާނު ގެންނަން މޯލްޑިވިއަނުން އަންނަނީ އެކި ގައުމުތަކަށް ކާގޯ ފްލައިޓުތައް ބާއްވަމުންނެވެ. މި ފްލައިޓުތައް ފުރުމުގެ ކުރިން އެ ގައުމެއްގައި އުޅޭ ދިވެހި އާއިލާތަކަށް ފޮނުވާ ތަކެއްޗާއި ރާއްޖޭގައި އުޅޭ އެ ގައުމެއްގެ މީހުން ގެންދަން ވެސް މޯލްޑިވިއަނުން އަންނަނީ ފޮރިން މިނިސްޓްރީއާ ގުޅިގެން މަސައްކަތް ކުރަމުންނެވެ.
A #Maldivian flight carrying Thai Nationals departed to #BKK this morning together with care packages to our families from their loved ones. #TakingYouHome #WorkingTogether#StaySafe pic.twitter.com/X38WLIBbsI
— Maldivian (@MaldivianAero) April 16, 2020
މޯލްޑިވިއަން އެއާލައިނުން ކުރި ޓްވީޓެއް--
މީގެ ކުރިން އިންޑިއާ އާއި ސްރީ ލަންކާ އަދި ޔޫއޭއީ އާއި މެލޭޝިއާއަށް ވެސް މޯލްޑިވިއަން އިން ދަތުރުތަކެއް ބޭއްވި އެވެ.
މީގެ އިތުރުން އިންޑިއާ އާއި ސްރީ ލަންކާ އަދި މެލޭޝިއާގައި ތާށިވެފައި ތިބި ދިވެހިން ވެސް މޯލްޑިވިއަންގެ ފްލައިޓުތަކުގައި އަންނަނީ ގެންނަމުންނެވެ.
އިއްޔެ މާލެ އިން ކޮވިޑް-19ގެ ބަލިމީހަކު ފެނުމުން މޯލްޑިވިއަންގެ އެތެރޭގެ އުދުހުންތައް މިހާރު ވަނީ މެދުކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލުމާން
16 April 2020
ބަނގްލަދޭސްއަށް ތިގޮތައް މިކޮޅުން މީހުން ގޮވައިގެން ދޭބަލަ...މަނަވަރު އަންނައިރުވެސް ފޮނުވާ..މަދުކުރަން ބޭނުންނަމަ އެކަން ވާނެ...