ޓްރިވެންޑްރަމްގައި ތިބި ދިވެހިންތަކެއް މީގެ ކުރިން ރާއްޖެ އައުމަށްޓަކައި އެ ސިޓީގެ އެއާޕޯޓުގައި ޗެކިން ކުރަނީ.
06 މެއި 2020 - 17:32
15 comments
އިންޑިއާގެ ނުވަ ސިޓީއެއްގައި ތިބި 200 ދިވެއްސަކު އަންނަ ހަފުތާގައި ރާއްޖެ ގެންނަން ނިންމައިފި އެވެ.
ފޮރިން މިނިސްޓްރީން މިއަދު ބުނީ ޕަންބްޖާބު، ކަލްކަތާ، ގުރްގުއާން، ރިޝިކޭޝް، ދިއްލީ، ވެއްލޫރު، ޗެންނާއި، ޓްރިވެންޑްރަމް އަދި ކޮޗިން އިން ދިވެހިން ގެންނަނީ މޯލްޑިވިއަންގެ ޗާޓަރު ފްލައިޓެއްގައި ކަމަށެވެ. އެ މީހުން އަންނާނީ އަމިއްލައަށް ޓިކެޓު ގަނެގެންނެވެ. ޓިކެޓިންގެ ކަންކަން ކުރިއަށްގެންދާނީ މޯލްޑިވިއަނުން ކަމަށް ބުންޏެވެ.
މީހުން ގެންނަ ބޯޓު އެންމެ ފުރަތަމަ ޖައްސާނީ ދިއްލީއަށެވެ. އެއަށް ފަހު މާލެ އަންނާނީ ޓްރިވެންޑްރަމުން މީހުން ގޮވައިގެންނެވެ.
މިނިސްޓްރީގެ ކޮމިއުނިކޭޝަން ޑިރެކްޓަރު މިއުވާން މުހައްމަދު ވިދާޅުވި ގޮތުގައި އެހެން ސިޓީތަކުގައި ތިބި ދިވެހިން، ފްލައިޓް ޖައްސާ ސިޓީތަކަށް ގެންދިއުމުގައި ރާއްޖޭގެ ހައި ކޮމިޝަނުންނާއި ޓްރިވެންޑްރަމްގައި ހުންނަ ދިވެހިރާއްޖޭގެ ކޮންސިއުލޭޓް ޖެނެރަލުން އެހީތެރިކަން ފޯރުކޮށްދޭނެ އެވެ.
"ބޭސްފަރުވާއަށް އިންޑިއާ އަށް ގޮސް، ފްލައިޓް ކެންސަލްވި ފަރާތްތަކާ، ބޮޑެތި ބަލިތަކަށް ފަރުވާކުރުމަށް އިންޑިއާއަށް ދަތުރުކޮށް، ލޮކްޑައުންގެ ސަބަބުން ފަރުވާ ހުއްޓިފައިވާ ފަރާތްތަކާއި ރިޕަޓްރިއޭޝަން ފްލައިޓުތަކުގައި އައުމަށް އެއާޕޯޓުތަކަށް ދިއުމަށް ދަތި، ދުރު ހިސާބުތަކުގައި ތިބި ދިވެހިންނާއި ކުރު މުއްދަތުގެ ވިސާގައި އިންޑިއާގައި ތިބި ދިވެހިން ވެސް މި ފްލައިޓުގައި އަންނާނެ،" މިއުވާން ވިދާޅުވި އެވެ.
އިންޑިއާއިން 200 ދިވެހިން ގެނައުމަށްފަހު، ހަމަޖައްސާފައިވާ އުސޫލުގެ ތެރެއިން 14 ދުވަހަށް ކަރަންޓީން ކުރާނެ އެވެ.
އިންޑިއާގައި ތިބި ދިވެހިން ގެންނަން ކުރިއަށް އޮތް ތަނުގައި ވެސް އެފަދަ ފްލައިޓުތައް ބާއްވާނެ ކަމަށް ބުންޏެވެ.
ކޮވިޑް-19 އިން ރައްކާތެރިވުމަށް، އިންޑިއާ ލޮކްޑައުންކުރުމާ ގުޅިގެން ދަތުރުފަތުރުކުރުން ވަނީ އެއްކޮށް ހުއްޓިފަ އެވެ. އެހެންވެ އެ ގައުމުގައި ތާށިވެފައި ތިބި ދިވެހިން މީގެ ވެސް ރާއްޖެ ގެނެސްފައި ވެ އެވެ. މިހާތަނަށް އިންޑިއާއިން އެކަނި ވސް 500 އަށްވުރެ ގިނަ ދިވެހިން ގެނެސްފައި ވެ އެވެ. އޭގެ އިތުރުން ސްރީލަންކާ އާއި މެލޭޝިޔާއިން ވެސް ދިވެހިން ވަނީ ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަވާލި19
08 May 2020
މިހާލަތުގަ ރައްރަށުން މާލެއައުން ރައްކާތެރިއެއް ނޫން އެޗްޕީއޭ އެކަމަކު މިހާލަތުގަ ކޮމްމެތާކުންވެސް ސަރުކާރައް މުހިމްމު ވެއްޖެނަމަ މާލެއައް މީހުން ގެނައުން ރައްކާތެރީތޯ
ޕަންޖާބު އިއްބެ
06 May 2020
ބަލަ ދިވެހިންނަށް ހީވަނީ އަހަރެމެން މިތަނަށް އައީ ރާއްޖޭގަ ކުރާނެކަމެއް ނެތިގެންކަމަށްތަ؟ މިތަންތަނަށް އަންނަނީ އެނޫން ގޮތެއް ނެތީމަ. ތިޔައިން މީހަކު މިކަހަލަ ތަނެއްގަ ތިބިނަމަ މިހާރު މޮޔަވެގެން ތެޅޭނެ. ބައެއް ދިވެހިންނަކީ ވިސްނުންކޮށި ވަރަށް ބޮޑާ، ކަންކަން މާބޮޑަށް އެގިގެން އުޅޭ ބައެއް. އެފަދަ މީހުންނަށް ހެޔޮ ވިސްނުން ދެއްވާށި. އާމީން
ޝައްފަ
06 May 2020
މިއީ ކުރަން ހެޔޮވާވަރު ގެ ކަމެއް ނޫން. 14 ދުވަހުގެ ކަރަންޓީން އަކީ އިތުބާރު ހިފޭ އެއްޗެއް ނޫން. 28 ދުވަހަށް ލަންކާ ގައި ކަރަންޓީން ކުރަނީ. 14 ދުވަސް ކޮށްފައި އެންމެންނަށް ކޯވިޑް ޖައްސަމުން ދުވަންވީ ދޯ ؟ 39 މީހުން މިހާރު ވެސް އެބަތި ގުޅުމެއް ނެތް.
ޕޮކަޑި
06 May 2020
ރާއްޖޭގަ ތިބިމީހުން ނުބެލެހެއްޓިގެން އުޅޭއިރު ކީއްކުރަންގެންނަބަޔެއް މިފަދަ ދަނޑިވަޅުގަ ސަރުކާރުންވެސް އެބަޖެހޭ ތަންކޮޅެއް ހަރުދަނާވާން އަމިއްލައަށް ޒިންމާނަގާގޮތައް ބޭރަށްވެސް ފޮނުވިނަމަ މިފަދަ ދުވަސްކޮޅަކު
ފައިސާ ފައިސާ
06 May 2020
ޢިންޑިއާގައި އެކަނިތައް ދިވެހިން ތާށިވެފަ ތިބީ. ޢަހަރެން ލަންކާގައި ތާށިވެފައި ތިބޭތާ 2 މަސްވީ. ޢަހަރެމެންވެސް މިތަނަށް އައީ ބޭސްކުރަން. ޢަހަރެމެންނަށްވެސް ދުވަހެއް އަންނާނެ. ޢިންތިހާބު ދުވަހުގައި މިކަން ޥޯޓުން ފެންނާނެ.
މަންނާނު
06 May 2020
ބޮޑެތި ބޭސްފަރުވާއަށޭ ކިޔާފަ އަޗާތަޅަން އުޅޭމީހުންވެސް ތީގެތެރޭއުޅޭނެ
ދެކޮޅުޖެހޭތޯ
06 May 2020
ކިޔާ އެއްޗެއްގެ ދެކޮޅު ޖެހެންވާނެ. ކުރިއަށް އޮތް ދެ ހަފްތާ ވަރަށް ގޯސްވާނެ ކަމަށާ، މަސް ނިމޭ ކޮޅު ޕީކަށް ދާނެކަމަށާ، ކަރަންޓީން އަދި އައިސޮލޭޝަން ފެސިލިޓީސްއަށް ޖެހޭނެކަމަށް ބުނެފަ، މިފަދަ ދަނޑިވަޅަކާ ދިމާކޮށް 200 މީހުން ގެނެސް ކަރަންޓީން ފެސިލިޓީތަކުގެ ޖާގަ ހުސްކޮށްލުމަކީ ކޮންކަހަލަ ކަމެއްބާ؟! ރޭވުންތެރިކަން މިއަށްވުރެ ރަނގަޅުވާން ޖެހޭނެކަމަށް ފެނޭ.
ބޮޑުމީހާ
06 May 2020
މާލޭގެ ހާލުގައިޖެހިފަ ތިބި ފަރާތްތައް ރަށަށް ދާން އެތައް ޝަރުތެއް ފުރިހަމަވާން އެބަޖެހޭ. ރާއްޖެއިން ބޭރުގަ ތިބި މީހުން ގެނެސް ދައުލަތުގެ ހަރަދުގައި ކަރަންޓީނުކޮށް، 4 އިރު ކާންދީ، ރިސޯޓުގައި ބޭތިއްބޭ. މާލޭގައި އުޅުމަކީ އެމެރިކާގެ ނިއުޔޯކުގައި އުޅުންފަދަ ޚަރަދު ބޮޑު ކަމެއް. ރަށްކައިރު ފަޅުރަށްތަކުގަ 20 ދުވަހަށްވެސް އަމިއްލައަށް ކަރަންޓީނުވާންވެސް، އަހަރުމެން ފޮނުވާ، ކުލި އިތުރަށް ދެއްކޭކަށްނެތް!
އަނެއްހަކަންތަށް
06 May 2020
އާ ގެނޭ! ގެނެސްފަ ބަހައްޓާ! އޭރުންތާ ވައިރަސްގެ އިތުރު ވައްތަރުތަށް ރާއްޖެ އަށް އައުމުގެ ފުރުސަތު ބޮޑުވާނީ! މަގޭ ހިތަށް އަރަނީ ހަމަ ނުވިސްނެނީ ބާއޭ ނޫނީ ބޭރުގަ މިއޮތްހާދުވަހު ތިބިމީހުން މިފަދަ ނުރައްކާތެރި ވަގުތެއްގަ އަދި ކޮރަންޓީނު ފެސިލިޓީތަށް ފުރިފަ އޮއްވާ ކޮންކަމަކާ ބާއޭ ރާއްޖެ އަންނަން މިއުޅެނީ. ކީއްވާނީ ތިބިތާ ތިބިއްޔާ؟ ރާއްޖެ އަންނަން ދަތުރު ކުރުމަކީ ވެސް އިތުރު ނުރައްކަލެއްކަން ނުވިސްނެނީބާ؟ ކުސް ތެޅިޔަސް ސަރުކާރުން ނުޖެހޭ މިމީހުން ގެންނަން!
އަލީ ބަލީ ބަނޑަށްބަލީ
06 May 2020
އެކަމަކު އަހަރެމެންނަށް އޯކޭ އިންޑިއާ މީހުންނާއި ބަންގާޅުމީހުން ބޯޓުތަކަށް ލާފައި ފޮނުވާލަން؟
ކޮކަޑަކޭ ހިބަރު
06 May 2020
އިންޑިޔާއިން އަންނަ މަނަވަރުގަ ދިވެހިން ނުގެނެވެނީ ކީއްވެ؟ ތިޔަމަނަވަރުގަ އަންނަބަޔަކު އެންގިދާނެތީތަ؟ ކަރައްޓީނުވާން ގެންނަނީތަ ބަޔަކު؟؟ ސޯނޫގެ ރިސޯޓުވެސް ތައްޔާރުތަ؟ ހަމަހިތަށް އަރަނީ އިންޑިޔާއިން މަނަވަރެއް ގެނެސްގެންބާވައޭ ރާއްގޭގަ ތިބިއިންޑިޔާ މީހުންކޮޅުގެންދެވޭނީ!؟ ބަޔަކުގެނަޔަސް އެގޭނެގޮތެއްވެސް ނޯންނާނެ، ކަނޑުމަތީގަވެސް ބަޔަކުފާރަލާކަށް ނޫޅޫނެ. ސިފައިން ހުރިހާ ޓްރާންސްޕޯޓެއް ހަމަޖައްސާނެ. އެހެންނު...