ރިލީފް ފަންޑާ ގުޅޭ ގޮތުން ސަރުކާރުން މައުލޫމާތުދެނީ-- ފޮޓޯ: އަހުމަދު އަވްޝަން އިލިޔާސް/ މިހާރު
12 މެއި 2020 - 14:34
25 comments
ސަރުކާރުންގެ ރިލީފް ފަންޑުން މިހާތަނަށް 73 މީހަކަށް 100 މިލިއަން ރުފިޔާގެ ލޯނު ދޫކޮށްފައިވާ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފި އެވެ.
ބޭންކުން ބުނީ، އިވެލުއޭޓް ކުރުމަށްފަހު 92 މީހަކަށް ލޯނު ދިނުމަށް ފިނޭންސް މިނިސްޓްރީން ލިޔުން ދީފައިވާ ކަމަށެވެ. މީގެ ތެރެއިން ލޯނު ދޫކޮށްފައިވަނީ 73 މީހަކަށެވެ.
ބޭންކުން ލޯނު ދީފައި ވަނީ ރިސޯޓުތަކާއި އަހަރެއްގެ މައްޗަށް އާމްދަނީގެ ގޮތުގައި 10 މިލިއަނަށް ވުރެ މަތީ އަދަދެއް ލިބޭ ވިޔަފާރިތަކަށެވެ. ލޯނަށް ފައިސާ ދޫކުރުމުގެ މަރުހަލާ ނިމޭނީ ކަސްޓަމަރުން ބޭންކަށް އަނބުރާ ފޮނުވަންޖެހޭ ލިޔުންތައް ލިބުމުން ކަމަށް ވާތީ އެކު، ކަސްޓަމަރުން ވީހާ ވެސް އަވަހަކަށް މި ލިޔުންތައް ފޮނުވުމަކީ ވެސް ބޭންކުގެ އިލްތިމާސް އެކެވެ.
މި ފައިނޭސިން ފެސިލިޓީ ދޫކުރަނީ ރަހުނަކާ ނުލައި، އަހަރަކު ހަ ޕަސެންޓް އިންޓަރެސްޓްގަ އެވެ. މި ފައިނޭންސިން އަނބުރާ ދެއްކުމަށް ހަ މަހުގެ ގްރޭސް ޕީރިއަޑެއް ލިބޭނެ އެވެ. އަދި ފައިސާ އެއްކޮށް ދެއްކުމަށް ތިން އަހަރުގެ މުއްދަތެއް ލިބޭނެ އެވެ. މި ގްރޭސް ޕީރިއަޑްގައި އިންޓްރެސްޓް އަދި ޕްރިންސިޕަލް ޕޭމަންޓް ދައްކާކަށް ނުޖެހޭނެ އެވެ.
އަމިއްލަ ފަރުދުންނާއި ވިޔަފާރިތަކަށް ދިމާވާ ދަތިތަކުން އަރައިގަތުމަށް އެހީވުމަށް ހިދުމަތްތަކަށް ބަދަލުތައް ގެންނަމުންނެވެ. އެގޮތުން ބީއެމްއެލް މެދުވެރިކޮށް ނަގާފައިވާ ލޯނުތައް ހަ މަސް ދުވަހަށް ފަސްކޮށްދިނުމާއި، ރާއްޖޭ އިން ބޭރުގައި ދަތިތަކާ ދިމާވެފައިވާ ދިވެހިންނަށް ފައިސާގެ މުއާމަލާތްކުރުމުގައި ލުއިތަކެއް ހޯދައި ދިނުމުގެ ގޮތުން އޭޓީއެމުން ފައިސާ ނެގޭ އަދަދު އިތުރުކޮށްފައިވެ އެވެ.
ބީއެމްއެލް މެދުވެރުކޮށް ދޫކުރާ ފައިނޭންސިން ފެސިލިޓީގެ އިތުރުން އެސްއެމްއީ ބޭންކް ބެދުވެރިކޮށް ރިލީފް ފަންޑުގެ ތެރެއިން އެހީއަށް އެދި ހުށަހެޅި 90 ޕަސެންޓް މީހުންނަށް މިހަފްތާގެ ތެރޭގައި ފައިސާ ދޫކުރާނެ ކަމަށް ސަރުކާރުން ބުނެ އެވެ.
ކޮވިޑް-19 އާ ގުޅިގެން ސަރުކާރުން އެކުލަވައިލި ރިލީފް ފަންޑުގެ ދަށުން ވިޔަފާރިތަކަށް އެހީތެރިކަން ފޯރުކޮށްދިނުމަށްޓަކައި 2.5 ބިލިއަން ރުފިޔާ ކަނޑައަޅާފައިވެ އެވެ. މީގެ ތެރެއިން 400 މިލިއަން ރުފިޔާ ހާއްސަކޮށްފައިވަނީ އެސްއެމްއީތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންބެ.
13 May 2020
ލޯނު ދިންމީހުންނަކީ ރައިޔަތުންނަށް ސިއްރެއް. އެެގެންޖެހެނީ ސަރުކާރުގެ މަތީފަޑީގެ މީހުންނަށާއި ރައިޔަތުންގެ މަޖިލީހުގެ ވަކި ކޮމެޓީއެއްގެ މީހުންނަށް. ބަލަ ތިލާރި އަކީ މަގޭވެސް ހައްގެކޭ. ކަންމަތީފިހާރައިންގަންނަކޮންމެ އެއްޗަކަށް %6 ޓެކްސްއެބަދައްކަން. ސައިކަލްފީއެބަދައްކަން އިސްޓިކާފީއެބަދައްކަން ކައިވެނީގެ ސެޓްފިކެޓްގަޑު އާކުރަން 100ރ އެބަދެން. ދެންޖެހުނުކަމަކަށް އެބަލާރިދައްކަން.
އައުވާން
13 May 2020
ކޮންބައެއްތޯ ތިޔަނަންތައް ހާމަކޮށްލައިފިނަމަ ޔަގީން ގިނަވާނީ ޕާޓީގެ ކުދިންކޮޅު އަދި ސަރުކާރުގެ ކޮންމެވެސް ބޮޑަކާއި ގުޅިފައި ހުރިކުންފުންޏެއް ނުވަތަ އެބައެއްގެ ތަނެއް މިބަލި މަޑުކަމުގެ ހިޔަނީގައި މިސަރުކާރުގެ ބައިވެރިންދަނީ އިންތިހާއަށް ފައިދާ ނަގަމުން
ބާ
13 May 2020
މީކޮން ބައެއްކަން ނޫސްވެރިން ސާފުކޮށްދީބަލަ.
އެސްކޮބާރ
13 May 2020
ވަޒީފާއިން ކަނޑާނުލުމަށް ޝަރުތުކޮށްފައި ރިސޯޓުތަކަށް ލޯނުދޫކުރާއިރު މިހާރުވެސް ގިނަ ރިސޯޓުތަކުން ވަނީ މުވައްޒަފުން ކަނޑާލާފައި. އެމުވައްޒަފުން ވަރަށް ދަތިހާލުގައި އެބައުޅޭ މާލޭގައި. ރަށަށްވެސް ނުފުރިފައި. ސަރުކާރުން މިވަގުތު ލޯނުދޭންވީ ރިސޯޓުން ކަނޑާލި މުވައްޒަފުންނަށް އެމީހުންގެ ރަށްރަށުގައި އާމަސައްކަތްތަކެއް ފެށުމަށް. އެކަމަށް ފައިސާ ދޫކުރުމަކީ މުހިއްމުކަމަކަށް ނުވަނީ ކީއްވެ؟
މިވަރެއްނެތް
13 May 2020
އަޅެ ކޮންމެވެސް ރިޕޯޓަރަކު ނުވަތަ މަޖިލީހުގެ މެންބަރަކު މި ލިސްޓުގެ ތަފްޞީލު ހޯދާހަމަކޮށްދީބަލަ. ވަރަށްބޮޑަށް ބަލާލަން ބޭނުން އެއްވެސް ބަޔަކަސް ފައިސާ ލިބުނުތޯ؟ ލިބުނުނަމަ އެ ލިބުނު މީހުން ނިސްބަތްވާ ސިޔާސީ ޕާޓީތައް
އައިސް
12 May 2020
މަށަށް ހީވަނީ ކުންފުނި ތަކަށް ލޯނު ދިނީމަ ހެން އެ ކުންފުނިތައް އެތައް މުވައްޒަފެއްގެ މުސާރައިން ބައެއް ވެސް ދެވޭނީ މި ހާލަތުގަ. ކޮމެންޓް ތަކުން އިގެނީ މިއަށް ނުވިސްނާ ލިޔެފަ ހުރިކަން.
ހަންޑިކުޑަ
12 May 2020
ރައްޔިތުން ލައްވާ ލޮކްޑައުން ލޮކްޑައުން އޭ ދެންތިބޭ! ރައްޔިތުން މިތިބީ ރާކަނި މަސްކައިގެން. ވާނެ ހަތަރެއްޗެއް މިއޮތީ ވެ ނިމިފާ!
ބައިތުލްމާލު
12 May 2020
މި ލޮކަޑައުންގެ ސަބަބުން އަތުގައި ފައިސާ ހުސްވުމުން އާޢިލާތައް ރޫލެން ފަށައި. އަނބިން ، ފިރިން ވަކިވާ ހިސާބަށް ހިގައްޖެ. ކޮޓަރީގެ ކުލި ދެއްކޭނެ ގޮތެއްނެތް. ކާނެ އެއްޗެއްނެތް. އަދިވެސް މިވެރިންގެ ވިސްނުން ހުރީ މިކަން ދިގު ދަންމައި މިވެރިންގެ އެކައުންޓް ތައް ފުރޭތޯދޮތަ! މެދު ފަންތީގެ ވިޔަފާރިތައް ފުނޑިއްޖެ. ފިހާރަކަށް ކުލި ދެއްކޭނެ ގޮތްހުސްވެއްޖެ. ރައްޔިތުންގެ ހާލަތު ދަނީ ދުވަހަކަށްވުރެ ދުވަހެއް ދަށައް.
ވައަތުފުއްކިނބަ
12 May 2020
ކުދިންނޭ މި ލޮކްޑައުންއެއް ނުނަގާނެ އަވަހަކަށް އެވެރިންގެ ޖީބުތައް ނުފުރޭހާ ހިނދަކު. މިހާރު މިއީ އަނބުރާ ގޭސްގަޑެއްގެ ގޮތުގައި ސިފަވަނީ. ރައްޔިތުން ހަނާވިއަސް އޯކޭ. ވެރިކަމުގެ ކޮންޓޮރޯލް އޮތީ މަދު 6 މީހުންގެ އަތުގަެި ކަމަށް ދެކެން. ރައީސް އިބޫ އަކީ ހަމަ ނަމެއްގައި ހުރި ވެރިއެއްގެ ގޮތުގައި މަމެން ސިފަކުރަނީ.
ދަތްނެތްކުއްޖާ
12 May 2020
މޑޕ އަށް އެނގޭ ދެނެއް ރައްޔިތުންނެއް ވޯޓެއް ނުދޭނޭކަން އަދި ކައުންސިލް އިންތިޙާބުންވެސް ބޮޑު ތަނުން ވާނީ ފެއިލްކަން. ކަންމިހެން ހުރުމުން އެވެރިންނަށް އަތުޖެހުނު އެއްޗެއް ނަގައި އެވެރިންގެ މީހުނަށް ބަހައި ހުސްކުރަނީ އޭ ބުނާއަޑު އަހަނމު. ތިޔަ ވެންޓިލޭޓަރު ކަންތަކުގަވެސް އެވެރިންނާއި އެވެރިން ތަލާ ފޮލަނީޔޯވެސް ބުނާއަޑު އަހަނމު. ބައެއް ޑޮކްޓަރުންވެސް މިދަނޑިވަލުގައި އެވެރިންގެ ހިއްސާވާ ކުންފުނިތަކުން ފައިދާނަގަމުން ދަނީޔޯ! ރައްޔިތުން ތިބީ ރޯނާވެފާ!