ވިޔަފާރި / މޯލްޑިވްސް އިސްލާމިކް ބޭންކް

ހޯމައިން ބުރާސްފައްޗަށް އެމްއައިބީގެ ހިދުމަތް ލިބޭނެ

އިސްލާމިކް ބޭންކްގެ ހެޑް އޮފީސް

ފާތިމަތު ޝަނާ މުހައްމަދު، މިހާރު

14 ޖޫން 2020 - 14:45

1 comments

މި ހަފްތާގެ ހޯމައިން ބުރާސްފަތީގެ ނިޔަލަށް މޯލްޑިވްސް އިސްލާމިކް ބޭންކް (އެމްއައިބީ) ގެ ހިދުމަތްތައް ލިބޭނެ އެވެ.

އެމްއައިބީން ބުނީ މި މުއްދަތުގައި ބޭންކްގެ ހުރިހާ ހިދުމަތްތަކެއް ވެސް ލިބޭނެ ކަމަށާއި ހެޑް އޮފީހާއި މެއިން ބްރާންޗާއި ހުޅުމާލޭ ބްރާންޗު ވެސް ހުޅުވާފައި ހުންނާނެ ކަމަށެވެ. ހިދުމަތްތައް ހޯދަން ޖެހޭނީ އެޕޮއިންޓްމަންޓް އުސޫލުންނެވެ. އެޕޮއިންޓްމަންޓް ހެއްދުމަށްޓަކައި އެމްއައިބީގެ 7970202 އަށް އެސްއެމްއެސް ކުރަން ޖެހެ އެވެ.

އެސްއެމްއެސް ކުރާ އިރު ހިދުމަތް ހޯދަން ބޭނުންވާ ބްރާންޗާއި ހޯދަން ބޭނުންވާ ހިދުމަތެއް ޖެހުމަށްފަހު ހިދުމަތް ހޯދަން އަންނަ މީހާގެ ނަމާއި އައިޑީ ކާޑު ނަންބަރު ޖަހަން ޖެހެ އެވެ.

އިސްލާމިކް ބޭންކްގެ ހިދުމަތް އެޕޮއިންޓްމަންޓް މެދުވެރިކޮށް ލިބުނު ނަމަވެސް، އެ ބޭންކްގެ ގިނަ ހިދުމަތްތައް އޮންލައިންކޮށް ލިބޭނެ އެވެ. އެގޮތުން އެކައުންޓް ހުޅުވުމާއި ޓީޓީގެ ހިދުމަތާއި ރީޓެއިލް އަދި ހައުސިން ފައިނޭންސްގެ ހިދުމަތްތައް ވެސް އޮންލައިންކޮށް ލިބޭނެ އެވެ. މީގެ އިތުރުން އިންޓަނެޓް ބޭންކިން އާއި ކާޑަށް އެޕްލިކޭޝަން ވެސް އޮންލައިންކޮށް ހުށަހެޅޭނެ އެވެ.

ކޮވިޑް-19 ގެ ހާލަތާ އެކު މާލެ ސަހަރައްދުގެ ލޮކްޑައުނަށް ލުއިތަކެއް ގެނައުމާ އެކު ބޭންކިން ހިދުމަތްތައް ދޭ ދުވަސްތައް ވެސް ވަނީ އިތުރުކޮށްފަ އެވެ.