ދާއޫދު (މެދުގައި ވާހަކަ ދައްކަވަނީ) އާއި ސިފައިންގެ ބައެއް އެހެން ވެރިން މަޖިލީހުގެ ކޮމެޓީ ބައްދަލުވުމެއްގައި: އޭނާއާ ގުޅޭގޮތުން ދައްކާ ވާހަކަތައް ދޮގު ކުރައްވާ
28 ޖުލައި 2020 - 13:15
20 comments
ކުރީގެ ރައީސް އަބްދުﷲ ޔާމީން ޖަލަށް ހުކުމް ކުުރެއްވީ ޖުޑިޝަރީ އަށް އަތް ބާނައިގެން ކަމަށް ބުނާ ވާހަކަ އަށް ފުލުހުންގެ ޗީފް ސުޕްރިންޓެންޑެންޓް މުހައްމަދު ދާއޫދު ތާއީދުކުރައްްވައި، ކޮމެންޓްކުރެއްވި ކަމަށް ބުނެ ސޯޝަލް މީޑިއާގައި ދައްކާ ވާހަކަ އޭނާ ދޮގުކުރައްވައިފި އެވެ.
މިހާރު އިދިކޮޅު ފަރާތްތަކާ ގުޅިވަޑައިގެންފައިވާ ކުރީގެ ނައިބު ރައީސް މުހައްމަދު ޖަމީލް އަހުމަދު ރޭ ކުރެއްވި ޓްވީޓަކަށް ދާއޫދު "ލައިކް" ދެއްވި ކަމަށް ބުނެ ބައެއް މީޑިއާތަކުން ވަނީ ހަބަރު ގެނެސްފަ އެވެ. އަދި "ލައިކް" ދެއްވާފައި ވަނިކޮށް ފެންނަ ސްކްރީން ޝޮޓްތަކެއް ވެސް ސޯޝަލް މީޑިއާގައި ދައުރުވި އެވެ.
ސޯޝަލް މީޑިޔާގައި ސިޔާސީ އެއްވެސް ޕޯސްޓަކަށް އަޅުގަނޑު ކޮމެންޓްކޮށް އަދި ލައިކް ދީފައި ނުވާނެއެވެ. އަޅުގަނޑަށް އެނގިގެން މިފަދަ ނާތަހުޒީބު އެއްވެސް ޢަމަލެއްކޮށްފައިނުވާނެއެވެ. އަޅުގަނޑު ކޮށްގެން ހުރި ފުލުހުންގެ ހުވަޔާއި ޚިލާފުވާނެ ފަދަ އެއްވެސް ޢަމަލެއް އަޅުގަނޑު ނުކުރާނަމެވެ. pic.twitter.com/rEXADoKaeM
— Mohamed Dawood (@Dawoodseli) July 28, 2020
ޑރ. ޖަމީލް ކުރެއްވި ޓްވީޓްގައި ވިދާޅުވެފައިވަނީ ހުރިހާ ކަމެއް ބޮއްސުން ލައިފި ކަމަށާއި އިދިކޮޅު ލީޑަރު ޖަލަށް ލީ މުޑުދާރުކޮށް ޖުޑިޝަރީއަށް އަތް ބާނައިގެން ކަމަށެވެ. އަދި މިހާރު ދިމާކޮށްފައިވަނީ މިނިވަންކަން ވިއްކާލަން ކަމަށާއި ނަމަވެސް އިދިކޮޅޫ މުޒާހަރާތައް ކުރިއަށް ދާނެ ކަމަށް ވެސް ވިދާޅުވި އެވެ.
އެ ޓްވީޓަށް ދާއޫދު ތާއީދުކުރެއްވި ކަމަށް ބުނެ ސްކްރީންޝޮޓްތައް ދައުރުވާން ފެށުމާ އެކު ގިނަ ބަޔަކު ވަނީ އޭނާއަށް ވެސް ފާޑުކިޔައިފަ އެވެ.
އެކަމަކު ދާއޫދު ކުރެއްވި ޓްވީޓެއްގައި ވިދާޅުވީ ސިޔާސީ އެއްވެސް އެއްޗަކަށް ލައިކު ދީ އަދި ކޮމެންޓް ކުރައްވާފައި ނުވާނެ ކަމަށެވެ. އަދި އެނގިވަޑައިގެން އެފަދަ ނާތަހުޒީބު އެއްވެސް އަމަލެއް ނުކުރައްވާ ކަމަށް ވިދާޅުވެ އެކަން ދޮގު ކުރެއްވި އެވެ.
"އަޅުގަނޑުކޮށްގެން ހުރި ހުވަޔާ ހިލާފުވާނެ ފަދަ އެއްވެސް ކަމެއް ނުކުރާނަން،" ދާއޫދު ވިދާޅުވި އެވެ.
މިކަމާ ގުޅޭގޮތުން އިތުރު މައުލޫމާތު ސާފުކުރުމަށް އޭނާއަށް ގުޅުމުން ފޯން ނުނަންގަވާތީ ޖަވާބެއް ނުލިބުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށުމީހާ
29 July 2020
ޖަމީލް މެންނަށް ރަދަޅުވެރި ކަމެއްކުރެވޭނެ ބަޔަކު މިގައުމުން ފެންނާނެބާ.
މޯޑޭ
28 July 2020
ދާއޫދު ސަސްފެންޑް ކޮށްފަ ތިހުންނެވީ ކީއްވެތޯ ޖަވާބު ދީފާނަށްތޯ?
މުން
28 July 2020
ކާކުތަ ކޮމެންޓުކުރިއޭ ބުނީ. ތިއަޔީ މީހަކު ކަލޭ އަތިރިއަށް ގޮއްސިއޭ މަ ދުށީމޭ ބުނީމާ. ނޫނެކޭ މަދޯންޏަކަށް ނާރަމޭ ބުންކަކަލަ ބޯގަޅި ޖަވާބެއް.
ބްރޫ ބްރޫ
28 July 2020
އެއީ ތެދެއް ލައިކެއް ދިނީ،
ކަކުނިބޯ
28 July 2020
ޑޭވިޑު ސިޔާސީވުމ މަކީ އައު ކަ މެއްނޫން ތުޔައީ އެގިބައުވެފައިވާކަ މެއް
މީޑިއާ މީޑިއާތައް މީޑިއަމް
28 July 2020
މިކަން ބަލަން ކޮމިޝަނެއް އުފައްދަންވީނު
ޢިބޫ
28 July 2020
ސީޕީ ވިދާޅުވާނެ މިހާރު ވިސްނިފައޭ އެތިބީ.
ބުރުހާނީ
28 July 2020
ހަރުގެއިން އަންނަ ސިޔާސަތު ތަންފީޒްކުރަން މަގުކޮށަނީ..އެކްޓިވިސްޓުން އެޑިޓްކޮށް ޓްވީޓްކޮށްލުމާއިއެކު އެމީހުންގެ ނޫހުގައި ޖަހާނެ ހަބަރެއްގޮތައް ރައްޔިތުން ރަތަށް އަރައިފިއޭ ސުރުހީ އަޅާފަ..މިނިވަން މުއައްސަސާތަކުގެ އިސްފަރާތްތައް ބޭރުކުރަނީ މިފަދަގޮތަކަށް..ދެން އަންނާނީ ސުލޫކީ މައްސަލަ..މައްސަލަދާނީ އެމީހުން ބާރުއޮންނަ ކޮމިޓީއަށް..
ރުފްނާ
28 July 2020
ކޮމިޝަނަރއަކީ ވަކިފިކުރަކަށް ތާއީދުކުރާ މީހަކަށްވާތީ ވެރިއަކަށް ލާފަހުރީ..ކޮމިޝަނަރ ބުނާހާގޮތަކަށް ޕާޓީގެ އެންގުން ތަންފީޒްކުރަން ބާރުނާޅާ މީހުން ކޮންމެވެސް އެއްޗެއްކިޔާ ބޭރުކުރަން ޖަހާމަޅި..
ކައްކާ
28 July 2020
މާސިންގާ ބަގާވާތެއްކޮށް ދައުލަތުގެ އެތައް މުދަލެއް ރޯމާދުވާލު ރައްޔިތުންކުރިމަތީ ހަލާކުކުރިމީހުން އެތިބީ ވަޒީފާގަ މަތިމައްޗަށް ޕުރޮމޯޝަންދީފަ ތިވަރުކަމެއް މައްސަލައަކަށްވާންޖެހޭތަ.
ޔެލޯ ކަލްޓް
28 July 2020
ބަޢާވާތެއް ވިއްޔާ އެމައްސަލަ ބަލަންވީނު. ސަރުކާރާ މަޖިލީހާ ކޯޓުތަކާ އަތްދަށުލައިގެން ތިބޭތާ 2 އަހަރު. ދެން ބުނޭ ރަށު ކައުންސިލް ގޮނޑިތައްވެސް ލިބުނީމައޭ އެކަން ވާނީ.