ކުޅިވަރު / މެމްބަރު އަހުމަދު ތޯރިގް (މަހިބަދޫ)

ރައީސް ޔާމީނާއި ސަރުކާރުގެ ތާއީދު އެބައޮތް: ޓޮމް

އެފްއޭއެމް ހައުސްގައި އިއްޔެ ބޭއްވި ނޫސްވެރިންގެ ބައްދަލުވުމުގެ ތެރެއިން އެފްއޭއެމްގެ ރައީސް އަހުމަދު ތޯރިގު ވާހަކަ ދައްކަވަނީ.-- ފޮޓޯ: ހުސެއިން ޝަޔާހު / މިހާރު

މުހައްމަދު ހަމްދޫން، މިހާރު

24 އޮކްޓޯބަރ 2016 - 22:15

10 comments

ފުޓްބޯޅަ އެސޯސިއޭޝަނުގެ އިންތިހާބުގައި ވާދަކުރަނީ ރައީސް އަބްދުﷲ ޔާމީނާއި ސަރުކާރުގެ ފުރިހަމަ ތާއީދާ އެކު ކަމަށް އެ އެސޯސިއޭޝަނުގެ ރައީސްގެ މަގާމަށް ކުރިމަތިލައްވާފައިވާ އަހުމަދު ތޯރިގް (ޓޮމް) ވިދާޅުވެއްޖެ އެވެ.

ތޯރިގުގެ ރަސްމީ ފޭސްބުކް ޕޭޖުގައި މިރޭ ކުރައްވާފައިވާ ޕޯސްޓެއްގައި ލިޔުއްވާފައިވާ ގޮތުގައި ރައީސް ޔާމީނާއި ސަރުކާރުގެ އިތުރުން ވޯޓްލުމުގެ ހައްގު ލިބިފައިވާ ގިނަ އަދަދެއްގެ ކްލަބްތަކުގެ ތާއީދު އެބައޮތް ކަމަށާއި ފުޓްބޯޅަ އާއިލާގެ ގިނަ ބަޔެއްގެ އެހީތެރިކަން ވެސް އޭނާ އަށް ލިބޭ ކަމަށެވެ.

"މާތްﷲ ގެ ވާގިފުޅާ އެކު އަޅުގަނޑު، އެފްއޭއެމްގެ އިންތިހާބު ކާމިޔާބުކުރާނަން،" ވެރިކަންކުރާ ޕީޕީއެމް އަށް ނިސްބަތްވާ މަޖިލިސް މެމްބަރު ތޯރިގް ލިޔުއްވާފައިވެ އެވެ.

ތޯރިގް މިހެން ވިދާޅުވިއިރު، އޭނާއާ ވާދަކުރައްވާ ކެންޑިޑޭޓް ބައްސާމް އަދީލް ޖަލީލް ވަނީ ރައީސް ޔާމީނާ އަރިސް މަޖިލިސް މެމްބަރުންތަކެއް ހިމަނުއްވައިގެން ރޭ އެކްސްކޯ އިއުލާންކުރައްވައިފަ އެވެ. އަދި ބައްސާމްގެ ސީނިއާ ވައިސް ޕްރެޒިޑެންޓުގެ މަގާމަށް ނޮމިނޭޓްކުރައްވާފައިވަނީ ރައީސާ ގާތްގުޅުމެއް އޮންނަ ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފެވެ.

ނޮވެމްބަރު 20 ވަނަ ދުވަހު ބާއްވާ އިންތިހާބަށް ކުރިމަތިލުމަށް ތޯރިގް ފޯމު ހުށަހެޅީ 21 ކްލަބުގެ ތާއީދާ އެކު އެވެ. ތޯރިގަށް ތާއީދުކުރާކަން ވިކްޓަރީ ސްޕޯޓްސް ކްލަބާއި މާޒިޔާ ސްޕޯޓްސް އެންޑް ރިކްރިއޭޝަނުގެ އިތުރުން ކްލަބް އީގަލްސް އިން ވަނީ ރަސްމީކޮށް އިއުލާންކޮށްފަ އެވެ.

އީގަލްސްގެ ޗެއާމަން އަދި މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް މިރޭ ނެރުއްވި ބަޔާނުގައި ބުނެފައިވަނީ އެފްއޭއެމްގެ ރައީސްގެ މަގާމުގައި ތޯރިގް ހުންނެވި މަދު ދުވަސްކޮޅުގައި ވެސް ގައުމީ ޓީމަށް ދިރުން ގެނެސްދެއްވި ކަމަށެވެ.

"ފުޓްބޯޅަ އެސޯސިއޭޝަނަށް މިހާރު ދިމާވެފައިވާ ހާލަތަށް، ކޮންމެ ކޮންމެ ބަޔަކު ކޮންމެ މަގުސަދެއްގައި ގެންދިޔަ ކަމުގައިވީ ނަމަވެސް އަހުމަދު ތޯރިގް ދިވެހިރާއްޖޭގެ ފުޓްބޯޅައާ މެދު ގެންއުޅުއްވާ ހަރުދަނާ ސިޔާސަތަކީ ދިވެހި ފުޓްބޯޅަ އިތުރު ހަރުފަތަކަށް ގެނެސްދެވޭނެ އެންމެ ފަހި މަގު ކަމަށް މި ކްލަބުން ދެކެމެވެ،" ތޯރިގުގެ ދައުރުގައި އެފްއޭއެމްގެ އެގްޒެކެޓިވް ކޮމިޓީގެ މެމްބަރުކަން ކުރެއްވި ޝިޔާމް ނެރުއްވި ބަޔާނުގައި ބުނެފައިވެ އެވެ.

މޭ މަހު ބޭއްވި އިންތިހާބަށް ފަހު އެފްއޭއެމްގެ ރައީސްކަން ކާމިޔާބުކުރެއްވި ތޯރިގުގެ މަގާމް ގެއްލި އަލުން އިންތިހާބެއް ބާއްވަން ޖެހުނީ އޭނާއާ މެދު ހިތްހަމަނުޖެހިގެން ކަމަށް ބުނެ އެކްސްކޯގެ ފަސް މެމްބަރަކު އިސްތިއުފާ ދެއްވުމުންނެވެ.

މެމްބަރު އަހުމަދު ތޯރިގް (މަހިބަދޫ) ރައީސް އަބްދުﷲ ޔާމީން އެފްއޭއެމް އެފްއޭއެމް އިލެކްޝަން

10 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާތުމަތު

25 October 2016

ކަލޯ ދެން ވޯޓު ލާނެކަމެއް ނެއް.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމދު

25 October 2016

ވޯޓް ލާނެކަމެއނެތެއްނު އްނު. ތިބުނާ މީހުންގެ ފަރާތުން ތާއީދު އޮތީމާނިމުނީ. އެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

25 October 2016

ފީފާއިން ބުނަނި ފުޓްބޯޅައިގެ ތެރެއަށް ސިޔާސީ ނުފޫޒް ނުވެއްދުމަށް، އެކަމު ރައީސްކަމަށް އަންނަން މިއުޅެނި ފީފާގެ މައިގަނޑު މަގުސަދުތަކާ ދިމާއިދިކޮޅު ކެންޕޭންކޮށްގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތާމަ

25 October 2016

ސަރުކާރުގެ ތާއިދަކީ އިންތިޚާބު ކާމިޔާބު ކުރުމުގެ ތަޅުދަނޑި ކަމުގައިވެއްޖެ ނަމަ ކުޅިވަރުގެ ހާލު އޮންނާނީ ކިހިނަކުންބާ؟ ސަރުކާރު އިންތިޚާބަކަށް ނުފޫޒު ފޯރުވައިފިނަމަ އެއީ ކޮންކަހަލަ ކަމެއްބާ؟ ކުޅިވަރު ކުރިއެރުވުމުގެ ޒިންމާ ނަގަންޖެހެނީ ކުޅުންތެރިންނާއި ކްލަބްތަކުން ނޫންބާ؟ ނޫނީ ހަމަ ސަރުކާރުގެ އެކަނި ކަމަކަށްވަނީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެެއެފް އޭ

25 October 2016

ބުނަން އޮތް އެތި ބޮޑުކަމުން ނުބުނާނަން. އެކަމަކު ތީކީ ވެރިޔަކަށް ކުފޫ ހަމަވާމީހެއް ނޫން. އަދިވެސް ނުދޭނަން 1 އަހަރުގެ ޔަގީންކަމެއްވެސް. އެފް އޭ ޑްރަމާސީރީޒް އެކި އެކި އަޑުތަކުން އިވެމުންދާނީ.. އަހަރުންމެން ތިބޭނަން ހަބަރުތައްކިޔާފަ ކޮމެންޓް ކޮއްލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެއިން

24 October 2016

ތިވާނީ މާ ބޮޑު އަލާލުމެއް ރައިސް ފަރާތުން ނުލިބުނީ ކަމައް! މިދަޑިވަލުގައި ރައީސް އަތް އެބުރިދާނެ ކަމައް ހިތައް އެރުވެސް ތި ހެދުނު ލައެޗެއް. ކުރިންވެސް ތީ ބުރޯ ޖީބައް އެރިގެން އުލުނު ބޯއީޒް ، އެކަމެއް ބަދަލެއް ނުކުރެވޭނެ. ވަރައް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

24 October 2016

ރައީސް ޔާމީނާއި ސަރުކާރުގެ ތާއިދު ނބެތިގެންތޯ ރާއްޖޭގެ ކުޅިވަރު ދުވަހެއް ދުވަހަކަށް ހީނަރުވެ ވަޅުޖެހިގެން މިހިރަދަނީ. އެފްއޭއެމް އަށް އާއިލީ ބޭފުޅަކު ވެސް ވާދަކުރައްވާއިރު ތާއިދު އޮންނާނެތާ!