06 ސެޕްޓެމްބަރ 2020 - 15:06
5 comments
ސިންގަޕޫރުގައި ހުންނަވާ ރާއްޖޭގެ ސަފީރު ކަމަށް ފޮރިން މިނިސްޓްރީގެ ޗީފް އޮފް ޕްރޮޓޮކޯލް، ހ. ޖެހޭވައި އިބްރާހީމް ޝަހީބު އައްޔަން ކުރަން ރައްޔިތުންގެ މަޖިލީހަށް މިއަދު ރުހުންދީފި އެވެ.
ޝަހީބް ސަފީރު ކަމަށް އައްޔަން ކުރަން ރުހުންދޭން މަޖިލީހުގެ މިއަދުގެ ޖަލްސާއިން ފާސްކުރީ 58 މެމްބަރެއްގެ ވޯޓުންނެވެ. ސިންގަޕޫރުގައި ހުންނަވާ ރާއްޖޭގެ ސަފީރުކަމުގެ މަގާމަށް ޝަހީބް އައްޔަން ކުރަން ރުހުން ދިނުމުގެ މައްސަލަ މަޖިލީހުގެ ގައުމީ ސަލާމަތާއި ޚާރިޖީ ގުޅުންތަކުގެ ކޮމިޓީ އަށް ފޮނުވީ މިދިޔަ މަހު އެވެ. ކޮމިޓީން އެ މައްސަލަ ދިރާސާކޮށް އެކުލަވައިލި ރިޕޯޓް ފާސްކުރީ މިއަދުގެ ޖަލްސާގަ އެވެ.
ގައުމީ ސަލާމަތާއި ޚާރިޖީ ގުޅުންތަކުގެ ކޮމިޓީ އަށް ހުށަހަޅާފައިވާ ޝަހީބުގެ ސީވީގައިވާ ގޮތުން ޝަހީބަކީ 1994 ވަނަ އަހަރުން ފެށިގެން ރާއްޖޭގެ ފޮރިން ސާވިސްގެ އެކި މަގާމުތައް އަދާކުރައްވަމުން ގެންދަވާ ބޭފުޅެކެވެ. އޭނާ އެ ދާއިރާއާ ގުޅިވަޑައިގެންނެވީ ސްރީ ލަންކާގައި ހުންނަ ރާއްޖޭގެ ހައިކޮމިޝަންގެ ތާޑް ސެކްރެޓަރީގެ ގޮތުގަ އެވެ.
ސިންގަޕޫރުގެ ސަފީރު ކަމުގައި އެންމެ ފަހުން ހުންނެވީ ޑރ. އަބްދުﷲ މައުސޫމެވެ. މައުސޫމް މިހާރު ވަނީ ޓޫރިޒަމް މިނިސްޓަރަކަށް ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލީޝާ
07 September 2020
މިނިސްޓަރާ އާއިލީ ގޮތުން ތިމާގެ މީހެއްވީމައި ލިބުނު މަގާމެއް، ފޮރިން ސާވިސްގަ ތިބިމާގާބިލް މީހުންތައް ގޭގައި ބާތިއްބަވައިފަ!
ދޮންވެލި
06 September 2020
ދިވެހި ސަފީރުން ގައުމަށް ފައިދާ ވުމަށް ވުރެ ބޮޑަށް ދަރީންނަށް ކިޔަވާ ދިނުމާ ހޮލިޑޭގަ އެވެ. ހުރުން ކެއުން ހިލެ އެވެ .
މާލޭނޫން މީހާ
06 September 2020
ހުރިހާ ކޮންސިއުލޭޓަކަށް ވެސް މާލޭ މީހުން ދޯ އައްޔަނު ކުރަން ޖެހޭނީ....މިއޮތީވާ ތަފާތުކުރުން ބޮޑު ގައުމެއް...
ތިމާވެށި
06 September 2020
މާލޭ ބޭފުޅުން ނުތިބޭނެ އެވެ. މާލެ އިން މީހަކާ އިނީމަ މާލެވީ އެވެ. ދަރީންވެސް މާލެ ވީ އެވެ. ގެ އެއް ގަތީމަ މާލެ ވީ އެވެ.. ގިނައީ މާލެ ވެފަ ތިބި މީހުނެވެ.
ގުޑުގުޑާ
06 September 2020
ފުލެޓުވެސް މާލޭމީހުނަށް، މާލޭމީހަކަށްނޫނީ ސަފީރުކަމެއްނުލިބޭ، ގަބީލާ ސަގާފަތް ގޯސްވެގެން ޑިމޮކުރަސީއޭކިޔާފަ ކުރީގަވެސް އޮތްނިޒާމު ގެނައީ.