އަންހެން ދެ ކުއްޖަކު މޫދުގައި ކުޅެނީ.-- ފޮޓޯ: ހުސެއިން ވަހީދު/ މިހާރު
11 އޮކްޓޯބަރ 2020 - 11:33
5 comments
އަންހެން ކުދިންނަށް ކުރާ އަނިޔާ ހުއްޓުވުމަށް ކުރަންޖެހޭ ހުރިހާ މަސައްކަތެއް ކުރާނެ ކަމަށް، ޖެންޑާ މިނިސްޓްރީން މިއަަދު ބުނެފި އެވެ.
ބައިނަލްއަގުވާމީ ގޮތުން ފާހަގަކުރާ އަންހެން ކުދިންގެ ދުވަހާ ގުޅިގެން ނެރުނު ބަޔާނެއްގައި ބުނީ އަންހެން ކުދިންނާއި އަންހެނުން ބާރުވެރިކުރުވުމަށް ސަރުކާރުން ގިނަ މަސައްކަތްތަކެއް ކުރަމުންދާއިރު މައިގަނޑު މަސައްކަތް އަމާޒުވެފައިވަނީ އަންހެން ކުދިން އެ ކުދިންގެ އަމިއްލަ ނަފްސާ މެދު ދެކޭ ގޮތް ހަރުދަނާކުރުމާއި ކޮންމެ ކުއްޖަކީ ވެސް ގާބިލްކަން ހުރި އަދި މާދަމާގެ އިސް މަގާމުތަކުގައި އެ ކުދިންގެ ނިސްބަތް އިތުރުކުރުމަށެވެ.
އެއާއެކު އަންހެން ކުދިންނަށް ކުރާ އަނިޔާ ހުއްޓުވުމަށް ކުރަންޖެހޭ އެންމެހާ މަސައްކަތްތަކަކީ އިސްކަންދީގެން ކުރާނެ ކަންތައްތައް ކަމުގެ ޔަގީންކަން ދީފައިވެ އެވެ.
ބައިނަލްއަގުވާމީ ގޮތުން ފާހަގަކުރާ އަންހެން ކުދިންގެ ދުވަހެއް ކަނޑައަޅާފައިވަނީ ޑިސެމްބަރު 19، 2011 ގަ އެވެ. އެ ދުވަސް ފާހަގަކުރުމުގެ މަގުސަދަކީ، ދުނިޔޭގެ އެކި ކަންކޮޅުގައި އަންހެން ކުދިންނަށް ދިމާވާ ގޮންޖެހުންތައް ދެނެގަނެ އެކަމުން އަރައިގަތުމަށް އަންހެން ކުދިން ބާރުވެރިކުރުމެވެ. އޭގެ އިތުރުން އަންހެން ކުދިންގެ ހައްގުތައް ކުރިއަރުވައި އެހެން ކުދިންނެކޭ އެއް ހަމައެއްގައި އެ ކުދިންނަށް ފުރުސަތު ހޯދައިދިނުމަކީ ވެސް އެއް ބޭނުމެވެ.
އަންހެން ކުދިން ބާރުވެރިކުރުވުމަށްޓަކައި ހާއްސަ މަސައްކަތެއް ކުރުމަށް އދ. އިން ކަނޑައަޅާފައިވަނީ ތަފާސް ހިސާބުތަކުން ވެސް ނަތީޖާގެ ހަމަހަމަކަން ވާސިލްވުމުގައި ގޮންޖެހުންތައް ހުރުމާއި މި ކަންތައްތަކަށް އިސްކަމެއް ދީގެން އިތުރު މަސައްކަތްތަކެއް ކުރުމަށެވެ.
އަންހެން ކުދިންގެ ދުވަސް ފާހަގަކުރުމަށް މި އަހަރު ކަނޑައަޅާފައިވާ ޝިއާރަކީ "މައި ވޮއިސް: އަވަ އީކުއަލް ފިއުޗާ" އެވެ.
މިނިސްޓްރީން ބުނީ އެ ޝިއާރުގެ މަގުސަދަކީ އަންހެން ކުދިންގެ އަޑުއަހައި ހަމަހަމަ ފުރުސަތުތައް ފޯރުކޮށްދިނުމަށް ބާރުއެޅުމުގެ މުހިއްމުކަމާއި ހެދޭ ސިޔާސަތުތަކަކީ ހަމަހަމަ ފުރުސަތުތައް ލިއްބައިދޭ، ނަތީޖާގެ ހަމަހަމަކަމަށް ވާސިލްވާ ސިޔާސަތުތަކަށްވުމެވެ. އެއީ ޖެންޑާ އީކުއަލިޓީގެ ގާނޫނުން ވެސް އަދި ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުން ވެސް ބާރުއަޅާ ކަމެއް ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާނާ
13 October 2020
ޙޭވް އަ ނައިސް ޑޭއި!،?
ިކުރަފިދާދާ
11 October 2020
އިސްކަން ދޭނަން! އިސްކަން ދޭނަން! މިހިން ކިޔައިގެން އިސްކަން ދެވެންޏާ މިހާރު ތިބޭނީ އިސްކަން ލިބިފައި! ކޮންމެހެން ދޭކަން ނުޖެހޭނެ! އިސްކަން ދޭނަމޭ ކިޔައިގެން ކުޅެނީ ގޭމު! ކޮބާ! އިސްކަން ދޭނަމަ އެ މީހުންނަށް އަނިޔާކޮށް، ދުއްތުރާކޮށް، އެމީހުންނަށް ތަފާތު ’’ގޯނާކުރި“ މިހީހުން އަދިވެސް އެތިބީ ސަރުކާރުގެ އިސް މަގާމުތަކުގައި! ކުރެވުނު އެއްވެސްކަމެއް ނެތް! ދެން ކޮން އިސްކަމެކޭ! އިސްކަމެކޭ ގޮވާކަށް! ނަޖިސްވިޔަސް ތާހިރުވެލަންވެސް ނޭނގޭދޯ؟
1828
11 October 2020
'ޖެންޑާ'މިބަސް ނިސްބަތްވަނީ އަންހެނުންނަށް އެކަނި ތޯ؟ ޖެންޑާ މިނިސްޓްރީ އިން އަބަދުވެސް މިފެންނަނީ ވަކި ޖިންސްސެއްގެ ކޮޅަށް ގޮސް ހުސްވެގެން އުޅޭ މަންޒަރު. ފިރިހެނުންގެ މައްސަލަތަކަށް އެއްވެސް ވަރަކަށް އެޑްރެސް ކުރާތަނެއް ނުފެނޭ.
ވަހީދުއްދީން
11 October 2020
ރާއްޖޭގައި 14،000 ދިވެހި ފިރިހެން ޒުވާނުން އެއްވެސް މިންވަރެއްގެ އިލްމީ ސަނަދެއް ނެތި އެބަތިބި. އޮފީސްތަ ކުގެ ވަޒީފާގައި ވެސް ފިރިހެނުން ވަރަށް މަދު. ސަނަދެއް ނެތް މީހުން ކުރަން ހުރި މަސައް ކަތްތައް ހުރީ ބިދޭސީން ހިސާރު ކޮށްފައޭ ބުންޏަސް ދޮގަ ކަށް ނުވާނެ. މިނުވޭތޯ ޒުވާން ފިރިހެނުންނަށް ލިބޭ ވޭންދެނިވި އަނިޔާއަ ކަށް. އަނިޔާ އަ ކީ ހަމަ އެ ކަނި ކަން ކަށިމަތީ ގައި ޖެހުންތޯ؟
އިބިރިހިންބެއްޔާ
11 October 2020
ރަގަޅު ޕޮއިންޓެއް. 14،000 ދިވެހިދަރިންނަށް ތަޢުލީމު ނުލިބުމުގައި ޒިންމާނަގަންޖެހޭ ބެލެނިވެރިންނަށް ޙައްޤު ޝަޒާ ލިބެންޖެހޭނެ.