ޚަބަރު / އައްޑޫ

އައްޑު އަށް ކަނޑުމަގުން އެތެރެކުރަން އުޅުނު ދެ ކިލޯގެ މަސްތުވާތަކެތި އަތުލައިގެންފި

އައްޑު އަށް ކަނޑުމަގުން އެތެރެ ކުރަން އުޅެނިކޮށް އަތުލައިގަތް މަސްތުވާތަކެތި. ފޮޓޯ: ޕޮލިސް

އަހުމަދު އަދްޝަން، މިހާރު

01 ނޮވެމްބަރ 2016 - 17:13

3 comments

އައްޑު އަށް ކަނޑުމަގުން އެތެރެ ކުރަން އުޅުނު ދެ ކިލޯ އަށް ވުރެ ގިނަ މަސްތުވާތަކެތި ހޯދައިފި އެވެ.

ފުލުހުންނާއި ފާރަގެމަ އާއި ކަސްޓަމްސް ގުޅިގެން ހިންގި އޮޕަރޭޝަނުގައި 2.2 ކިލޯގްރާމްގެ މަސްތުވާތަކެތި ހޯދާފައި ވަނީ މިދިޔަ މަހުގެ 15 ވަނަ ދުވަހު އެވެ. ފުލުހުން އެ ތަކެތި އަތުލައި ގަތީ އިންޑިޔާގެ ޓުޓިކޮރިން ބަނދަރުން ފުރައިގެން ހިތަދޫ ސަރައްދީ ބަނދަރަށް ދިއުމަށް ދަތުރު ކުރަމުން ދަނިކޮށް ކަނޑުމަތިން ބޯޓް ހުއްޓުވުމަށް ފަހު ކަމަށް ފުލުހުން ބުންޏެވެ. މަސްތުވާތަކެތި ދެނެގަންނަ ކުއްތާތަކާއެކު ފުލުހުން ބޯޓު ބަލައި ފާސް ކުރިއިރު، މަސްތުވާތަކެތި ކަމަށް ޝައްކު ކުރެވޭ 2.2 ކިލޯގެ ތަކެތި ފެނިފައި ވަނީ އެ ބޯޓުގެ ކޮޓަރިއެއްގެ ތެރެއިން ކަމަށް ފުލުހުން ބުންޏެވެ.

މި މައްސަލައާ ގުޅިގެން މިހާތަނަށް އެއްވެސް މީހަކު އަދި ހައްޔަރެއް ނުކުރެ އެވެ. އެހެން ނަމަވެސް މައްސަލަ އަންނަނީ އިތުރަށް ތަހުގީގު ކުރަމުންނެވެ.

އައްޑޫ ފުލުހުން ކަސްޓަމްސް ހިތަދޫ ޕޯޓް ލިމިޓެޑް ޑޯގް ސްކޮޑް

3 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖަޑިބު

02 November 2016

ބޮޑުންގެ ބަޔަކުގެ އަތެއްނެތި ނުދާނެ.... ތިވާހަކަވެސް ތިިޔަނިމުނީ ތިހިސާބުން... ވ ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދީދީއައްޑޫސިޓީ

01 November 2016

އެބޯޓު އެއީ ކޮން ބޯޓެއް؟ ނަމެއް ނުލިއުނީ ބިރުންތޯ؟ ކަސްޓަމްސް އަށް ގައިމު އެނގޭނެތާ ބޯޓުގެ ނަން. އައްޑޫ ރީޖަނަލް ޕޯރޓަށް އިންޑިޔާއިން އަންނާނީ އާންމު ގޮތެއްގައި އެސްޓީއޯގެ ބޯޓު.