އިޖްތިމާއީ ހިދުމަތްތައް ހަރުދަނާކުރަން ނައިބު ރަައީސް އާއި އދ. ގެ ކޯޑިނޭޓަރު މަޝްވަރާކުރައްވައިފި

އ.ދ.އިން ރާއްޖެއަށް ކަނޑައަޅާފައި ހުންނަވާ ކޯޑިނޭޓަރު ކެތަރިން ހެސްވެލްއާ، ނައިބު ރައީސް ފައިސަލް ނަސީމް މިއަދު ބައްދަލުކުރައްވަނީ.-- ފޮޓޯ: ރައީސް އޮފީސް

ލަމްޔާ އަބްދުﷲ، މިހާރު

19 ނޮވެމްބަރ 2020 - 20:41

1 comments

އިޖްތިމާއީ ހިދުމަތްތައް ހަރުދަނާކުރުމަށް ނައިބު ރައީސް ފައިސަލް ނަސީމާއި އދ. އިން ރާއްޖެ އަށް ކަނޑައަޅާފައިވާ ރެޒިޑެންޓް ކާޑިނޭޓަރު ކެތުރީން ހަސްވެލް މިއަދު މަޝްވަރާކުރައްވައިފި އެވެ.

ރައީސް އޮފީހުގައި ބޭއްވި ބައްދަލުވުމެއްގައި، ޔުނިސެފުން ރާއްޖެ އަށް ކަނޑައަޅާފައި ހުންނަވާ ރެޒިޑެންޓް ރިޕްރެޒެންޓޭޓިވް ޑރ. މުނީރު ޝަފީލްދީން އަދި ރައީސް އޮފީހުގެ ސްޕެޝަލް އެޑްވައިޒަ އޮން ސޯޝަލް ޕޮލިސީ ޑރ. މުސްތަފާ ލުތުފީ ވެސް ބައިވެރިވަޑެންނެވި އެވެ.

މި ބައްދަލުވުމުގައި މަޝްވަރާކުރެއްވި ކަންތައްތަކުގެ ތެރޭގައި ކޮވިޑް-19 އާ ގުޅިގެން ސިއްހީ ދާއިރާއަށް ކުރިމަތިވި ގޮންޖެހުންތައް ހިމެނޭ ކަމަށް ރައީސް އޮފީހުން ބުންޏެވެ. ކެތުރީން ވަނީ ބަލިމަޑުކަމާ ގުޅިގެން ކުރިމަތިވެފައިވާ އިޖްތިމާއީ މައްސަލަތައް ހައްލު ހޯދައިދިނުމަށް ދިވެހި ސަރުކާރާ ގުޅިގެން އދ. އިން މަސައްކަތްކުރުމުގައި ދެމި ތިބޭނެ ކަމަށް ވިދާޅުވެފަ އެވެ. އިންސާނީ ވަސީލަތްތައް ތަރައްގީކޮށް މި ކަމުގައި ބައިވެރިވާ ހުރިހާ އިދާރާތައް ގުޅިގެން މަސައްކަތްކުރުމުގެ މުހިއްމުކަން ވެސް އޭނާ ފާހަގަކުރެއްވި އެވެ.

ކޮވިޑް އިން ރައްކާތެރިވާން ރާއްޖެ އަށް އދ. އިން ވަމުން އަންނަ އެހީތެރިކަމަށް ނައިބު ރައީސް ޝުކުރު އަދާކުރެއްވި އެވެ.

އ.ދ. ރައީސް އޮފީސް ރާއްޖެ-އ.ދ ނައިބު ރައީސް ފައިސަލް ނަސީމް

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

20 November 2020

ޢިޖްތިމާޢީ ޚިދުމަތް ހަރުދަނާ ކުރެވޭނީ ފުރަތަމަކަމަކަށް އައިޖީއެޗްގެ ޑޮކްޓަރަކަށް ދެއްކެން އޮންނަ ކިއު ކުޑަކުރެވިގެން، މިހާރު އެކިއު އެތައްމަހަކަށްވެސް ދެމިގެން އެބަދޭ