ތެލެސީމިއާ ކުއްޖެއްގެ ގަޔަށް ލޭ އަޅަން ތައްޔާރުވަނީ
29 ނޮވެމްބަރ 2020 - 13:44
8 comments
ތެލެސީމިއާ ކުދިންނަށް ދިމާވާ ދަތިތަކާއި އެ ކުދިންގެ ކަންބޮޑުވުންތައް ހައްލުކޮށް ދެއްވާނެ ކަމުގެ ޔަގީންކަން އާ ހެލްތު މިނިސްޓަރު އަހުމަދު ނަސީމް މިއަދު ދެއްވައިފި އެވެ.
ހެލްތު މިނިސްޓްރީން ބުނީ، ބައެއް ތެލެސީމިއާ ކުދިންނާއި އެ ކުދިންގެ ބެލެނެވެރިންނާ، މިދިޔަ މަހުގެ 22 ގައި ހެލްތު މިނިސްޓަރުކަމަށް އައްޔަން ކުރެއްވި ނަސީމް މިއަދު ބައްދަލު ކުރައްވާފައިވާ ކަމަށެވެ.
މިނިސްޓްރީން ބުނިގޮތުގައި އެ ބައްދަލުވުމުގައި އެ ކުދިންގެ ޝަކުވާތަކާއި ކަންބޮޑުވުންތައް މިނިސްޓަރާ ހިއްސާ ކޮށްފައިވެ އެވެ. އެކަން ކަމަށް ރިއާޔަތްކޮށް، މައްސަލަތައް ހައްލު ކުރައްވާނެ ކަމަށް މިނިސްޓަރު ވިދާޅުވެފައި ކަމަށް ވެސް މިނިސްޓްރީން ބުންޏެވެ.
ތެލެސީމިއާ ސެންޓަރަކީ އެ ކުދިންނާ ގާތް އަމިއްލަވަންތަކަމުގެ އިހުސާސް ލިބިދޭ ތަނަކަށް ބަދަލުކުރުމުގެ އަމާޒު ހިފާނެ ކަމުގެ ޔަގީންކަން ނަސީމް ދެއްވި ކަމަށް މިނިސްޓްރީން ބުނެ އެވެ.
ތެލެސީމިއާ ސެންޓަރާ ގުޅުވައިގެން ގިނަ ޝަކުވާތަކެއް އަބަދުވެސް ސޯޝަލް މީޑިއާގަ އާއި އެހެނިހެން ގޮތް ގޮތުން ވެސް އާންމުވެ އެވެ. އެގޮތުން ތަނުން ލިބެން ޖެހޭ ހިދުމަތްތަކުގެ ދަތިތަކާއި ޖާގައިގެ ދަތިކަމުގެ އިތުރުން ތަނުގެ މެނޭޖްމަންޓާ ގުޅުން ހުރި ޝަކުވާތައް ވެސް ފެންމަތިވެފައި ވެ އެވެ.
ހެލްތު މިނިސްޓްރީ ހިންގުމާ ކުރިން ހަވާލުވެ ހުންނެވި މުހައްމަދު އަސްލަމް ތެލެސީމިއާ ކުދިންނާ ކުރިން ބައްދަލުކުރެއްވިއިރު، ރަޔިތުންގެ މަޖިލީހުގެ ރައީސް މުހައްމަދު ނަޝީދު ވެސް އެ ސެންޓަރަށް ދާދި ފަހުން ޒިޔާރާތް ކުރައްވާފައި ވެއެވެ. އެ ޒިޔާރާތާ ގުޅިގެން ތެލެސީމިއާ ކުއްޖަކު ކުރި ޓުވީޓުގައި އޭނާ ވެސް ބުނީ ނަޝީދު ޒިޔާރާތްކުރެއްވި އިރު ތނުގެ ހަގީގީ މަންޒަރު ފޮރުވަން ވެރިން މަސައްކަތް ކޮށްފައިވާ ކަމަށެވެ.
ކޮވިޑް-19އާ ގުޅިގެން ކުރި ލޮކްޑައުން އާއި ލޮކްޑައުން އަށް ލުއިދިން ފަހުން ވެސް ލޭ ލިބމުގެ ދަތިތައް ކުރިމަތިވެގެން ވެސް ތެލެސީމިއާ ސެންޓަރުން އެކަން އާންމުކޮށްފައި ވެ އެވެ. ނަމަވެސް އެ ސެންޓަރުން ބުނިގޮތުގައި މިހާރު އެ މައްސަލަ ވަނީ ހައްލުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
30 November 2020
ތެލެސީމިޔާ ސެންޓަރުގެ ޚިދުމަތްތައް ރަނގަޅުކުރަންޖެހޭ. ހެލްތު މިނިސްޓްރީއާ ތެލެސީމިޔާ ސެންޓަރު އަދި އޭޑީކޭއާއި އިންދިރާގާންދީ މެމޯރިޮއަލް ހޮސްޕިޓަލް ގުޅިގެން އެކުދިންނަށް ލޭހަދިޔާކުރާ ފަރާތްތަކުގެ އަގުވަޒަން ކުރަންޖެހޭ. ހިލޭސާބަހަށް ލޭހަދިޔާކުރާއިރު އެކަމުގެ އިނާމެއްގެ ގޮތުން 5 ރުފިޔާއަށްދޭ ކަރުދާސްގަނޑެއްހާ ޝުކުރިއްޔާއޭ ކިޔާފާ ލިޔުމެއް ދިނަސް އެމީހަކު ހުންނާނީ އުފަލުން. ހަމައެކަނި ހެލްތުމިނިސްޓްރީގެ އިސްނެގުމާއެކު މިނިސްޓަރ އިލްޔާސްގެ ދުވަސްވަރު ތިކަންރަނގަޅަށްދިޔަ
ފުންއަސަރު
30 November 2020
ބަހަކުން ބުނެލެވިދާނެ. އެކަމަކު ތީ ހައްލުކުރަންބޭނުންވެ އެކަމަކު ދުވަހަކުވެސް ހައްލުނުވި މައްސަލައެއް. ތެލެސީމިޔާ ސެންޓަރަށް ރަނގަޅު ފެންވަރެއްގެ އިމާރާތެއް ބޭނުންވޭ. އިމާރާތަށޤ ބޭނުންވާ ހުރިހާ އިކްއިޕްމަންޓެއް ބޭނުންވޭ. އިމާރާތާ އެއްފެންވަރެއްގެ ޚިދުމަތްތަކެއް ބޭނުންވޭ. އެކުދިންގެ އިހްސާސްތައް ދަންނަ، އެކަމަށް ތަމްރީންވެފާވާ ނަރުހުންނާ ޑޮކްޓަރުން ބޭނުންވޭ. ހަމައެއާއެކު ދަތިނުވެ އެކުދިންނަށް ބޭނުންވާ ލޭހޯދޭނޭ މަގުތަކެއް ހޯދަންޖެހޭ.
ދިވެހިމަންޖެ
30 November 2020
ދިވެހިރާއްޖޭގެ ކުރިހާ ސްކޫލެއްގެ ދަރިވަރުން ހޭލުންތެރި ކުރުވަންވީ ކިޔަވާ މުގައްރަރު ތެރެއައްލާފަ
ނަމެއްކމއއް
29 November 2020
ހުރިހައި ސަރުކާރެއްގެވެސް ބޮޑު އިހުމާލު
ޒަން
29 November 2020
ތެލެސީމިއާއަށް ރަނގަޅު ހައްލެއް ހޯދަން އެދޭނަމަ ގްރޭޑް 10 ނިމުމުގެ ކުރިން ހުރިހާ ކުދިން ތެލެސީމިއާ ޓެސްޓް ހަދާ ނިންމަބަލަ. މިއީ ސްކޫލާއި ހެލްތު މިނިސްޓްރީ ގުޅިގެން ކުރަން ޖެހޭނެ ކަމެއް.
ދެރަވ
29 November 2020
އުއްމީދުކުރަން ހެޔޮ ބަދަލެއް ފެންނާނެކަމަށް. އެދެނީ ބޯންމެރޯ ކްރޮސްމެޗް ޓެސްޓް ރާއްޖޭގައި ހެދޭނެ އިންތިޒާމްތަށްފަދަ މުހިންމު ޓެސްޓްތައް ހެދޭނެގޮތްވުން. މިހާރު ޖެހެނީ އިންޑިޔާއަށްދާން. އެއީ ފަސޭހަކަމެއްނޫން.
1234
29 November 2020
ކުރާނަމޭ ކުރާނަމޭ ނުކިޔާ ކޮސްފަ ދައްކަބަލަ. ކުރީގެ ހެލްތު މިނިސްޓަރަކީ ބަހަށް ވުރެ އަމަލު ގިނަ މީހެއް. ކަންކަން ހާސިލުކޮށް ނަތީޖާ ނެރެދިން މީހެއް.
ސްސި
29 November 2020
ކަންކުރާނީ އަމަލުން، ބަހަކުން ނޫން،