ހުޅުމާލެ: މާލެ ސަރަހައްދުގައި މި މަހު 14 ގައި ގެސްޓް ހައުސްތައް ހުޅުވާނެ. -- ފޮޓޯ: މިހާރު
08 ޑިސެމްބަރ 2020 - 00:06
9 comments
ކޮވިޑް-19 ފެތުރެން ފެށުމުން އެޅި ރައްކާތެރިކަމުގެ ފިޔަވަޅުތަކުގައި މާލޭ ސަރަހައްދުގެ ގެސްޓް ހައުސްތައް ޓޫރިސްޓުންނަށް ބަންދުކުރިތާ ނުވަ މަސް ފަހު މި މަހު 14 ގައި ހުޅުވަން ހުއްދަ ދީފި އެވެ.
ޓޫރިޒަމް މިނިސްޓަރު އަބްދުﷲ މައުސޫމް ކުރެއްވި ޓްވީޓެއްގައި ވަނީ މިކަން ކަށަވަރުކޮށްދެއްވައިފަ އެވެ. އެ ޓްވީޓްގައި، ގެސްޓް ހައުސްތަކަށް އަންނަ ޓޫރިސްޓުން ފުރުމުގެ 72 ގަޑިއިރު ކުރިން ކޮވިޑް-19 އަށް ޕީސީއާރް ޓެސްޓެއް ހަދަން ޖެހޭނެކަން ފާހަގަކުރައްވާފައިވެ އެވެ. ނަމަވެސް އިތުރު ތަފްސީލެއް އަދި ނުދެއްވަ އެވެ.
"ރައީސް އިބްރާހިމް މުހައްމަދު ސޯލިހާއި ކޮވިޑް-19ގެ މަސައްކަތަށް ހާއްސަކޮށްފައިވާ ޓެގް ޓީމާއި ހެލްތު އިމަޖެންސީ އޮޕަރޭޝަން ސެންޓަރާއި އެޗްޕީއޭ ޓެގް ކުރައްވައި އެ ފަރާތްތަކަށް ޝުކުރު އަދާކުރައްވަމުން މިނިސްޓަރުގެ ޓްވީޓްގައި ވިދާޅުވެފައި ވަނީ "މިހާރު 2021 އަށް ސްޓައިލްގައި މަރުހަބާ ކިޔޭނެ" ކަމަށެވެ.
މާލޭން ކޮވިޑް-19 ފެނުމާ އެކު މާލޭ ސަރަހައްދުގެ ގެސްޓް ހައުސްތަކަށް ޓޫރިސްޓުން ޗެކިންވުން މަނާކުރީ މިދިޔަ މާޗް މަހުގެ 13 ވަނަ ދުވަހު އެވެ. އޭގެ ފަހުން ރަށްރަށުގެ ގެސްޓް ހައުސްތައް ވެސް މާޗް 17 ގައު ބަންދުކުރި އެވެ. އަދި ބަލި ޖެހޭ މީހުން ގިނަވެ ބޯޑަރު ވެސް ބަންދުކުރުމާ އެކު ރިސޯޓްތައް ވެސް ބަންދުކުރަން ޖެހި ޜާއްޖޭގެ އިގްތިސާދުގެ އިންޖީނު ކަމަށްވާ ޓޫރިޒަމް ހުއްޓަމަކަށް އައެވެ.
Yes it's happening. #GreaterMale' area hotels and guesthouses will be permitted to operate from 14th December 2020 (72 hrs exit PCR test required).
— Abdulla Mausoom (@Mausoom_Maus) December 7, 2020
Thanks HEP Solih @ibusolih #TAGTeam #HEOC @HPA_MV
and @MoHmv. Now we can welcome 2021 in style.#TogetherWeCan
@visitmaldives
ކޮވިޑް-19 ޖެހޭ މީހުން ގިނަވެ ނުރައްކާ ބޮޑުވުމާ މާޗް 12 ގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށް އިގްތިސާދީ މަސައްކަތްތައް ހުއްޓުމަކަށް އައުމުން އެތައް ބައެއްގެ ވަޒީފާ ގެއްލި ވިޔަފާރިތަކަށް ވަނީ ބޮޑެތި ގެއްލުންތައް ވެފަ އެވެ. ކޮވިޑް ޖެހޭ މީހުންގެ އަދަދު މަދުވެ ހާލަތު ކޮންޓްރޯލް ވުމުން އިގްތިސާދީ ހާލަތަށް ބަލައި ޖުލައި 15 ގައި ބޯޑަރު ހުޅުވާލައި ރިސޯޓްތަކުގެ އޮޕަރޭޝަންތައް މަޑުމަޑުން ފެށި އެވެ. އަދި އޭގެ ފަހުން، މާލެ ސަރަހައްދު ފިޔަވައި އެހެން ހިސާބުތަކުގައި ގެސްޓް ހައުސްތަކާއި ސަފާރީތަކަށް ވެސް ޓޫރިސްޓުން ގެންނަން ހުއްދަ ދިނެވެ. ނަމަވެސް ރަށްރަށުގައި ގެސްޓް ހައުސް ހިންގަން ހުއްދަ ދެނީ އެ ރަށެއްގެ ކައުންސިލުން އެކަމަށް ހުއްދަ ދިނުމުން ކަމަށް ވާތީ އަދިވެސް އެތައް ރަށެއްގައި ގެސްޓް ހައުސްތައް ހިންގޭ ގޮތެއް ނުވެ އެވެ.
ޓޫރިޒަމް ހުއްޓުމަކަށް އައުމަށް ފަހު އަލުން ފެށުމާ އެކު، ޓޫރިސްޓުން އަންނަ އަދަދު މަޑުމަޑުން އިތުރުވަމުން އައިސް މިހާރު ފެންނަނީ ވަރަށް އުންމީދީ ގޮތަކަށެވެ. ރާއްޖެއަށް މި އަހަރު 462،000 އަށް ވުރެ ގިނަ ޓޫރިސްޓުން އައިސްފައި ވާއިރު މިދިޔަ މަހު އެކަނި ވެސް 35،000 ޓޫރިސްޓުން އައިސްފައިވެ އެވެ. އެއީ ޖުލައި މަހު ބޯޑަރު ހުޅުވި ފަހުން އެންމެ ގިނަ ޓޫރިސްޓުން އައި މަހެވެ. މި މަހާއި މި ފެށޭ ޖެނުއަރީ މަހު ވެސް ޓޫރިސްޓުން ވަރަށް ބޮޑަށް އިތުރުވެ ބައެއް ރިސޯޓްތައް ފުލްވާނެ ކަމަށް ވެސް ވަނީ ބެލެވިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާކުން
08 December 2020
ތިކަމަށް އެބަ ޖެހޭ އެޗްޑީސީގެ ވަކި ހުއްދައެއް ނަގަން، އެއީ ގާނޫނީ އެއްވެސް ހައިސިއްތަތެއް ނެތި މާލެޭގެ މުނިސިޕަލް ޚިދުމަތްތައް ހިސާރު ކޮށްގެން އުޅޭ ތަކެއް، މާލޭ ސިޓީ ކައުންސިލަކަށްވެސް މާލޭ ގެ ހުޚުނާލެ ސަރަހައްދާއި ވިލިގިލި ސަރަހައްދަށް މުނިސިޕަލް ޚިދުމަތްތައް ފޮރުކޮށްދެވޭނެ ގޮތެއް ނޯވޭ، އެހެންވީމާ ޓޫރިޒަމުން ތިގޮތަށް ނިއްމިޔަސް އެޗްޑީސީގެ ވަކި ހުއްދައެއް ނެތި ހުޅުމާލެ/ވިލިގިލީގައި ހުރި ގެސްޓް ހައުސްތައް ހުލުވިދާނެ ކަމަކަށް ޤަބޫލެއް ނުކުރެވޭ.
އަޖާއިބު އަންތަރީސް1
08 December 2020
ދެން ކޮންއިރަކުންތޯ އަހަރެމެންނަށް ފަސޭހަ ރަހުމަތެއްގައި ރަށަށް ގޮސް އައިސް އުޅެވޭނީ
ދެރަވ
08 December 2020
ފަތުރުވެރިކަން މިދާވަރުން ދާނަމަ އަހަރެމެން ނިދާ އެނދުވެސް ދައުލަތުން ކުއްޔަށްދޭނެ. އެހެންޏާފަހެ. މުޅި މާލެއަތޮޅުގައި ހުރިފަރުތަކާ ފަޅުތަކާ ރައްތައް ފަތުރުވެރިކަމަށް ދޫކުރުމުން ނުފުދިގެން މިއަދު ދިވެހިން އާބާދުކުރުމަށް ހެދި ހުޅުމާލެވެސް ބޮޑުބައި ފަތުރުވެރިކަމަށް ޚާއްސަކޮށް ބިކިނީ ގައި މޫދަށް އެރެވޭގޮތަށް އެހެރަ ހަދާލަނީ. އާޅެ ދިވެހިން މިހާނިކަމެތިމިކުރަނީ ކީއްވެ؟ އެޗްޑީސީ އުވާލާ. މީހުން ދިރިއުޅޭ ރަށްރަށުގައި ބިކިނީ ބީޗް ނުބޭއްވޭނެގޮތަށް އިއުލާންކުރޭ.
ރުޅި
08 December 2020
ބަޔަކަށް މިއީ ވަރަށް މޮޅުކަމަކަށްވިއަސް މިއީ ކުރަން ވަރަށް ކަމުނުދާ މަސައްކަތެއް. ދުނިޔެއަކީ ކޮންމެ މީހަކަށްވެސް އަޖަލުކަނޑައެޅިފައިވާތަނެއް. ވީއިރު ދެ ދުނިޔެގެއްލިދާފަދަ މަސައްކަތަކުން އާމްދަނީ ހޯދަން ވިސްނުމަށްވުރެ އެހެން މަސައްކަތްތަކުން އާމްދަނީ ހޯދުން މާރަނގަޅު. ރާ ވިއްކުމާ އޫރުމަސް ވިއްކުމާ އޭގެ ޚިދުމަތްދިނުމަކީ ޙަރާމް ކުރައްވާފައިވާ ފާފަތައް. އެކަމަކު ކަންނެތްކަމުން އަބަދު ފަތުރުވެރިކަމޭ ކިޔައިގެން ހަޅޭއްލަވަނީ. މިކޮމެންޓް ނުޖަހާނެ.
ފޫހި
08 December 2020
މަގޭ ހިތަށްއަރާ މި ފަތުރުވެރިކަން ނޫންކަމެއް ދިވެހިން ކުރާނީ ކޮންދުވަހަކުންބާއޭ. އަހަރެމެން ގައުމަކީ ކުޑަކުޑަ ގައުމެއް. ރަށުގައި އޮތް ދޮންފަސްކޮޅާ ރީތި މޫދު ބިކިނީ ބީޗަށް ބަދަލުކުރުމުން އަހަރެމެން މޫދަށް އެރިލާނެތަނެއްނެތް. އަހަރެމެން ފަން ހޮވާ ކަނަމަދު ބިންނަ ވަލުތެރެ ސިޓީހޮޓާ ހަދާ ކަށިނަރުދަމުމުން މިއަދު އެތަނަކަށްވެސް ނުވަދެވޭ. ދެން ރަށުގެ ޒުވާނުންނަށް ވަޒީފާއެއްނުދީ ތިބީ ބިދޭސީން. ހުރިހާ ޑޮލަރެއް ލޮލަށްފެނި އަތްނުލެވި ފުރައިގެން ދަނީ.
ތިމާވެށި
08 December 2020
ވެކްސިން އަންނަން ދެން ހުއްދަ ނުދީ މަޑު ކުރަން ވީ އެވެ. މާލެ އަކީ ވ ބައިބޯ ތަނެކެވެ.
ބާބާ
08 December 2020
ސިއްހީ ނުރައްކަލުގެ ހާލަތުގެ ބޭނުމަކީ ކޮބާތޯ. އިދިކޮޅު މީހުން މުޒާހަރާ ކުރިޔަ ނުދިނުންތޯ؟
މޯލީ
08 December 2020
މާލޭ ސަރަހައްދަކީ މީ ކޮންތަނެއްބާ؟ އެއީ ރަށެއްތޯ؟ ނޫނީ އެފްރިކާ ސަރަހައްދު ކަހަލަ އެތެއް ގައުމެއް ހިމެނޭ ކޮންޓިނެއްތޯ؟ މީވެސް ޥާނުވާ ނޭގޭ ސިއްރުން ފުރިގެންވާ ތަނެއްހެން ހީވަނީ
ސާމީ
08 December 2020
މަގޭ ހިތަށްވެސް ތިހެން އަރާ. އަދި މީގެ ހެއްވާ ތަންކޮޅަކީ ބައެއް ޤަވާއިދު ތަކާއި ސަރުކާރު އިއުލާން ތަކުގައިވެސް ކ.އަތޮޅު މާލެ އޭ ކިޔައިގެން ތިކަހަލަ އެއްޗެހި ޖަހާފައިހުރޭ. ހީވަނީ ބޮޑު ކޮންޓިނަންޓެއްހެން.