ރާއްޖޭގެ މަތިން ނަގާފައިވާ ސެޓަލައިޓް ފޮޓޯ އެއް: މި ފެށޭ ހަފުތާއަކީ ރާއްޖޭގެ އެކި ހިސާބުތަކަށް ވިއްސާރަ ހަފުތާއެއް ކަމަށް މެޓުން ބުނޭ.
02 ޖެނުއަރީ 2021 - 11:12
2 comments
މި ފެށޭ ހަފުތާއަކީ ރާއްޖޭގެ އެކި ސަރަހައްދުތަކަށް ވިއްސާރަ ހަފުތާއެއް ކަމަށާއި މޫސުން ރަނގަޅުވާނެ ކަމަށް ލަފާކުރެވެނީ އަންނަ ބުރާސްފަތި ދުވަހު ކަމަށް މެޓް އޮފީހުން މިއަދު ބުނެފި އެވެ.
މެޓް އޮފީހުގެ އެސިސްޓަންޓް މީޓިއޮރޮލޮޖިސްޓް އަބްދުﷲ ހާފިޒް "މިހާރު" އަށް ވިދާޅުވީ މާދަމާގެ މޫސުން ރަނގަޅު ކަމަށް އަދި ދެއްކިއަސް ހޯމަ ދުވަހުން އަންނަ ބުދަ ދުވަހުގެ ނިޔަލަށް ރާއްޖޭގެ ބޮޑު ސަރަހައްދަކަށް ވާރޭވެހޭނެ ކަމަށެވެ.
"މާދަމާ ކުޑަކޮށް އުޑުމަތި އަލިވާނެ. އެއަށް ފަހު [ބޮޑު ބަޔަކަށް ވިއްސާރަކޮށް] ދެން އަންނަ ބުރާސްފަތި ދުވަހު މޫސުން ރަނގަޅުވާން ފަށާނީ،" ހާފިޒް ވިދާޅުވި އެވެ.
ކުރިއަށް އޮތް 24 ގަޑިއިރުގެ މޫސުމަށް ބަލާ އިރު ވެސް ރާއްޖޭގެ އުތުރާއި މެދުތެރެއަށް ގުގުރުމާއި އެކު ބޯކޮށް ވާރޭ ވެހުން އެކަށީގެންވާ ކަމަށް އޭނާ ވިދާޅުވި އެވެ. އަދި އެ ސަރަހައްދުތަކަށް އާދައިގެ ވަރަކަށް ކަނޑު ގަދަވާނެ ކަމަށެވެ.
ދެކުނުގެ އަތޮޅުތަކަށް ވައި ޖެހޭނީ 5-15 މޭލުގެ ބާރު މިނުގައި ކަމަށް ވެސް އެ އިދާރާ އިން ބުންޏެވެ. އަދި އެހެން ސަރަހައްދުތަކަށް 8-18 މޭލުގެ ބާރު މިނުގައި ވައި ޖެހޭނެ ކަމަށާއި ވިލާ ގަނޑުގައި 35 މޭލުގެ ބާރުމިނުުގައި ވައި ޖެހޭނެ އެވެ.
މެޓުން ބުނީ ކަނޑު ގަދަވެ، ބައެއް ސަރަހައްދުތަކުގައި ރާޅުގެ އުސްމިނުގައި 2-6 ފޫޓޫ ހުރުން އެކަށީގެންވާ ކަމަށެވެ. އެހެންވެ، މޫސުމަށް ސަމާލުވާން މެޓް އޮފީހުން އެދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބުލީމް
03 January 2021
ވިއްސާރަ ވިއްސާރަ އެއް ނުވާނެ. މި ނިމުނު ހަފްތާއަށް ވުރެވެސް މަޑުވާނީ. ދޮގު ނަހަދަބަލަ.
އިންޕިއޯ ސައިންސް
02 January 2021
މެޓްގެ ފޯކާސްޓްކުރުންރަށް ވަރަށް ދިމާނުވާކަމަށް ފާހަގަ ކުރެވޭ، އެންމެ ފަހުން ފަހަރުވެސް ތޫފާނެއް އަންނަކަމަށް ބުނެ އިއުލާންތަށްނެރެ، ރައްޔަތުންވެސް ބޮޑުބިރަކަށް ރެޑީވެގެން ތިއްބާ އެތޫފާނުގެ އަސަރެއްނުކުރި. ތޫފާން ނައައިމަ ދެރަވަނީއެއްނުން، އެއްވެސް ތޫފާނެއްގެ އަސަރުކުރާކަށް ބޭނުމެއްނުން، އެކަމަކު ތިތަނު ޕްރެޑިކްޝަންތަށް ރަގަޅު ކޮއްލަ ދިނިއްޔާ ކަނޑުދަތުރު ކުރާ މީހުންނަށް ވަރަށް ބޮޑު ލުޔަކަށްވާނެ.