އިންޑިގޯގެ ފްލައިޓެއް ވެލާނާ އިންޓަނޭޝަނަލް އެއާޕޯޓުގައި: އެ އެއާލައިނުން އަންނަނީ އިންޑިއާގެ ތިން މަންޒިލަކަށް ދަތުރު ކުރަމުން-- ފޮޓޯ: މިހާރު
25 ޖެނުއަރީ 2021 - 09:58
5 comments
އަންނަ މަހުގެ ފުރަތަމަ ދުވަހުން ފެށިގެން މާލެ އާއި ބެންގަލޫރާ ދެމެދު ކޮންމެ ދުވަހަކު ދަތުރުތައް ފަށަން އިންޑިއާގެ އިންޑިގޯ އެއާލައިނުން ނިންމައިފި އެވެ.
އިންޑިގޯ އިން މިހާރު ވެސް އަންނަނީ އިންޑިއާގެ ތިން މަންޒިލަކަށް ދަތުރުކުރަމުންނެވެ. އެގޮތުން، މުމްބާއީއަށް ދުވާލަކު ދަތުރެއް ކުރަމުން އަންނައިރު ދިއްލީ އާއި ކޮޗިންއަށް ހަފުތާއަކު ހަތަރު ދަތުރު އަންނަނީ ކުރަމުންނެވެ.
އިންޑިއާ އަކީ ރާއްޖޭގެ ގިނަ ބަޔަކު ބޭސް ފަރުވާއަށް އަދި ޗުއްޓީ އަށް ދާ ގައުމެކެވެ. އަދި ބެންގަލޫރަކީ ބޭސް ފަރުވާގެ އިތުރުން ދިވެހިންގެ ތެރެއިން ގިނަ ބަޔަކު ތައުލީމު ހާސިލް ކުރުމަށް ވެސް ދާ ސިޓީ އެކެވެ.
އިންޑިގޯ އިން ވަނީ އެ އެއާލައިނުން ބޭސް ފަރުވާއަށް ދަތުރުކުރާ މީހުންނަށް ހާއްސަ މެޑިކަލް ފެއާއެއް ވެސް ކަނޑައަޅައިފަ އެވެ. އާސަންދައިގެ ދަށުން ރާއްޖެއިން ބޭސް ފަރުވާއަށް ދާ މީހުންނަށް ވެސް މި ފެއާ ލިބޭނެ އެވެ.
ރާއްޖެ އާއި އިންޑިއާއާ ދެމެދު ދަތުރުތައް ކުރަމުން އަންނަނީ "ޓްރެވަލް ބަބުލް"ގެ ދަށުންނެވެ. އެހެންކަމުން އިންޑިއާއިން ރާއްޖެ އަންނަ މީހުން އަދި ރާއްޖެއިން އެ ގައުމަށް ދާ މީހުން ކަރަންޓީނުވާކަށް ނުޖެހޭނެ އެވެ.
އިންޑިއާ އަކީ ރާއްޖޭގެ ޓޫރިޒަމްގައި ވެސް އެންމެ މުހިންމު އެއް މާކެޓެވެ. މި އަހަރުގެ މިހާތަނަށް އެ ގައުމުން 10،632 ޓޫރިސްޓުން ވަނީ ރާއްޖެ ޒިޔާރަތް ކޮށްފަ އެވެ. އަދި އިންޑިއާ އަކީ މިދިޔަ އަހަރު ރާއްޖެއަށް އެންމެ ގިނަ ޓޫރިސްޓުން އައި ގައުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
25 January 2021
އިމިޑިއެޓް ކަނެކްޝަން ލިބޭގޮތަށް ގޭން-މާލެ-ކޮޗިން އަދި ރިޓާރން ކޮޗިން-މާލެ-ގޭން ދަތުރު މޯލްޑިވިއަން އިން ނުފައްޓާނަމަ އައްޑޫސިޓީ ކައުންސިލުން އިސްނަގައި އިންޑިގޯ އާއި ވާހަކަ ދައްކައި ގޭން-ކޮޗިން ޑައިރެކްޓް ދަތުރު ފެއްޓޭތޯ ބަލާންޖެހޭ. # އަދި ކޮވިޑަށް ފަހު ދުނިޔެ ހުޅުވެންވާއިރަށް އިންޑިޔާ އެމްބަސީގެ އެހީތެރިކަމާއިއެކު ކޮޗިން ގެ އިތުރުން ދިއްލާ އާއި ގޭން ގުޅުވާލާ ގޭން ސައުތުއެފްރިކާގެ ދަތުރުތައް ފެއްޓޭނެ ގޮތެއް ހޯދާން މަސައްކަތް ކުރާންޖެހޭ.
ސާޖިދު ނަދިއަދުވާލާ
25 January 2021
އަފީފު ދީދީ. މަތިންދާ ބޯޓަކީ ދޫނި ސޫފާ ސޫފި އުދުހޭ ގޮތަށް ދަތުރުކުރާ އެއްޗެއް ނޫނޭ. އެޔަށް އަރައިގެން އަންނާނެ ބަޔަކު ނެތިއްޔާ ކިހިނެއް ހަދާނީ
ނަހުލާ ޒުހައިރު
25 January 2021
ތިޔަ ދަތުރު ތަކަށް މޯލްޑިވިއަން އާއި ސަރުކާރު ދަނީ މަޝްވަރާ ކުރަމުން. ދަތުރު ތައް ރާވަނީ މާލެ ގަން ކޮޗިން އަދި ކޮޗިން ގަން މާލެއަށް ހަދަން. ބޭނުމަކީ ގަމާއި ހޮންގކޮންގ އާއި ދެމެދު ދަތުރުތައް ފައްޓާން ވާއިރަށް ގަމުގެ ބަނދަރު ތައްޔާރުކޮށް އިންޑިޔާ މީހުނަށް ވެސް ހޮންކޮންގ އަށް ދެވޭނެ ގޮތް ހެދުން.
ނިހާދު .
25 January 2021
އިންތިހާބު ކާމިޔާބު ކުރަން ފަސޭހަ ކުރުމަށްޓަކާ އަފީފު ދީދީ ތިޔަ ބުނާ ދަތުރުތައް ފެއްޓުމަށް މޯލްޑިވިއަން އާއި އަލަށް ޙަވާލުވިމީހާ ދަނީ ތައްޔާރު ވަމުން. ހިގާ ތިކަން ކާމިޔާބުވޭތޯ ބަލަމާ. ޗައިނާ އާއި ގަމާއި ދޭތެރޭ ދަތުރު ކުރާނެ މީހުން ވީ ކަމުގައި ވިޔަސް ދިއްލީ އާއި ގަމާއި ދޭތެރޭ އުދުހޭނެ ބަޔަކު ވެދާނެބާ ؟
ސާޖިދުގެ ދަރި
25 January 2021
ސާޖިދު ނަދިއަދުވާލާ މެން ޗުއްޑީ އަށް ދާންވެގެން ކޮންމެ އަހަރަކު މާލެ އިން އިންޑިޔާގެ އެތައް މަންޒިލަކަށާއި މެލޭޝިޔާ ބެންކޮކް ފަދަ ތަންތަނަށް ކުއްލިކުއްލިއަށް މޯލްޑިވިއަންގެ ދަތުރު ހަމަޖައްސަނީ އެ ބޯޓް ދޫންޏަކަށް ނުވަތަ ސޫއްޕަކަށް ވެގެންތޯ؟ މޯލްޑިވިއަން ޗުއްޓީ ދުވަސް ވަރު ކުރާ ގިނަ ދަތުރު ތަކުގައި ފްލައިޓްގެ ޝީޓް ތައް ފުރާލަނީ ކުންފުނީގެ މުވައްޒިފުން.