މިނިސްޓަރު ފައްޔާޒު (ކ) އާއި އޮޑިޓާ ޖެނެރަލް އަދި ސީއޭގެ ރައީސް ހަސަން ޒިޔަތު (ވ) ލޯގޯ އާއި ވެބްސައިޓް ތައާރަފު ކޮށްދެއްވަނީ-- ފޮޓޯ: އޮޑިޓާ ޖެނެރަލް އޮފީސް
16 ފެބުރުއަރީ 2021 - 12:51
12 comments
ރާއްޖޭގައި ބޭނުންވާ ވަރަށް ދިވެހި އެކައުންޓެންޓުން ނެތް ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް މިއަދު ވިދާޅުވެއްޖެ އެވެ.
އިންސްޓިޓިއުޓް އޮފް ޗާޓަޑް އެކައުންޓެންޓްސް އޮފް މޯލްޑިވްސް (ސީއޭ)ގެ ލޯގޯ އާއި ވެބްސައިޓް ތައާރަފު ކުރައްވައި ފައްޔާޒު ވިދާޅުވީ ވިޔަފާރިތަކުގެ އިތުރުން ދައުލަތަށް ވެސް ޕްރޮފެޝަނަލް އެކައުންޓެންޓުން ބޭނުންވެފައިވާ ކަމަށެވެ. ނަމަވެސް ރާއްޖޭގައި މި ވަގުތު އެ ދާއިރާއިން ތަމްރީން ވެފައިވާ ދިވެހިން މަދު ކަމަށާއި ކުރިއަށް އޮތް ތިން އަހަރުގެ ތެރޭގައި ގިނަ ދިވެހިން އެކައުންޓިން ދާއިރާއިން ތަމްރީނު ކުރެވޭނެ ކަމަށް އޭނާ ވިދާޅުވި އެވެ.
"މީހުން އެންމެ ގިނަ ޕްރޮފެޝަނަށް ވެދާނެ އެކައުންޓިން ދާއިރާ. އެކަމަކު އަޅުގަނޑުމެންގެ އިގްތިސާދާއި ޑިމޮކްރެޓިކް މުޖުތަމައެއް ގާއިމް ކުރުމަށް މި ކުރާ ކަންކަމަށް ކޭޓާ ކުރަންޏާ އެއާ ކައިރި ކުރާ ވަރަށް ވެސް ނެތް،" ފައްޔާޒު ވިދާޅުވި އެވެ.
"އަޅުގަނޑުމެން ބޭނުންވަނީ ސީއޭއާއެކު މި ޕްރޮފެޝަނަށް އަހުލުވެރިކުރުވައި އޭގެ ޓްރެއިނިންތަކަށް ހުރި ދަތިތައް ނައްތާލަން. މިކަން ހައްލު ކުރުމަށް ސީއޭއާއެކު ވަރަށް ބޮޑު ޕްރޮގްރާމެއް ކުރަމުން މިދަނީ."
ސީއޭގެ ނައިބު ރައީސް ހަސަން މުހައްމަދު ވިދާޅުވީ މިވަގުތު ރާއްޖޭގައި ތިބި އޮޑިޓަރުންގެ ތެރޭގައި ބިދޭސީން ގިނަ ނަމަވެސް ދިވެހިން އިތުރު ކުރުމުގެ މަސައްކަތް މިހާރު ފަށާފައިވާ ކަމަށެވެ. އެގޮތުން، ކުރިއަށް އޮތްތާނގައި ލައިސަންސް ދޫކުރާނީ ރާއްޖޭގެ އޮޑިޓަރުންނަށް އެކަނި ކަމަށް އޭނާ ވިދާޅުވި އެވެ.
މީގެ އިތުރުން އޮޑިޓް ފާމްތަކުގައި މަސައްކަތް ކުރާ މުވައްޒަފުންގެ ތެރެއިން 50 ޕަސެންޓް މުވައްޒަފުންނަކީ ދިވެހިންނަށް ވާން ޖެހޭ ގޮތަށް އުސޫލު ކަނޑައަޅާފައިވާ ކަމަށް ވެސް ހަސަން ވިދާޅުވި އެވެ.
ސީއޭއިން ހެދި ސާވޭއިން ދައްކާގޮތުގައި މިވަގުތު ރާއްޖޭގައި 4،500 އެއްހާ ބިދޭސީ އެކައުންޓެންޓުން މަސައްކަތް ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލީމް
16 February 2021
ރާއްޖޭގަ އެބަތިބި ކޮލިފައިޑް އަދި ޕްރޮފެޝަނަލް ކޮލިފިކޭޝަން އޮތް ދިވެހި އެކައުންޓަންޓުން. ހޯދާ ބެލީމަ ފެންނާނެ.
ޑޮންޑޮން12
16 February 2021
ކިޔަވައިގެން އައިސް ކިތައްމީހުން ވަޒީފާ ނުލިބިގެން އުޅެނީ..ސްކޫލުތަކުގެ އެންމެބޮޑު އާބާދީ ކިޔަވަނީ ބިޒްނަސް ސްޓްރީމް..އެންމެ ގިނަ މަތީތައުލީމް ލޯނު ދޫކޮށްފައި ހުރީ ބިޒްނަސް އެކައުންޓިންގ ފައިނޭންސް ކިޔަވަން...ދޮގުހަދާބަލަ
އައްޔުބެ
16 February 2021
ހަޤީޤަތަކީ ރާއްޖޭގެ މަހުޖަނުން ޕަބްލިކް އިންޓްރެސްޓް ކޮމްޕްރޮމައިޒްޑް ކޮށް ޓެކްސް އަށް މަކަރު ހެދުމަށްޓަކައި ބޭނުންވަނީ ބޭރުގެ އެކައުންޓެންޓުން. އެމީހުންނަކީ މިޤައުމާ ދޭތެރޭގައި ވިސްނާނެ ބައެއްނޫން. ރައްޔިތުން ހޮވާފައިވާ ސަރުކާރުން މިކަން ރަގަޅު ކުރުމަށްޓަކައި ދިވެހި އެކައުންޓެންޓުންގެ ދަފްތަރެއް ހަދާ، މަޤާމަކަށް އިޢުލާންކުރުމާއެކު އެއްކަލަ ދަފްތަރުން މީހަކު ދޭނީ، އަދި ދަފްތަރުން މީހުން ހުސްވީމާ ނޫނީ އެކައުންޓެންޓަކަށް ކޯޓާ ނުދޭނީ.
އަހްމަ
16 February 2021
އިންޑިޔާއިން ވަރަށް ހެޔޮއަގު ހެޔޮކޮށް އެމީހުން ލިބޭނެ! އެމީހުންގެނެސް މިތަން ފުރާލާ!!!!
ކޮރަލް
16 February 2021
ސާވޭއިން ދައްކާގޮތުގައި މިވަގުތު ރާއްޖޭގައި 4،500 އެއްހާ ބިދޭސީ އެކައުންޓެންޓުން މަސައްކަތް ކުރެ އެވެ. ރިސޯޓް ތަކުގައި ވަޒީފާ ދެނީ އެތާ އުޅޭ ބިދޭސީ ވެރި އެއްގެ ރައްޓެހި ނޫނީ ތިމާގެ މީހަކަށެވެ. ނޫނީ ގިނަ ފައިސާ ދޭ މީހަކަށް ވަޒީފާ ވިއްކާ ލަނީ އެވެ. ޝަރުތު ހަމަ ވެ ވަޒީފާ އަށް ކުރިމަތިލާ މީހުންނަށް ވަޒީފާ ނުލިބޭނަމަ ޝަކުވާ ހުށަ ހެޅޭ ނެ ގޮތެއް ބޭނުމެވެ. ގާނޫނު ބުނަނީ ވަޒީފާ އަށް އިއުލާން ކޮށް ދިވެއްސަކު ނުލިބުނީ މަ ބިދޭސީ އަކު ގެނެ ވޭނެ .
ބުހުތާނު
16 February 2021
މީހަކު ހޭހުސްވެދާނެ ..ތިކިޔަންއުޅޭއެއްޗެއް ސާފުކޮށް ކިޔާބަ...އިންޑިޔާ ލަންކާ މީހުންނަށް އެކަންޏޭ ރިސޯޓުތަކުން ފުރުސަތު އޮތީ އެހެންބުނެބާ..
އާދަމް އާޒިމް
16 February 2021
އާދެ، ތެދުވާހަކައެއް، އެހެންވީމަ އެމް.ޓީ.ސީ.ސީ ފައިނޭންސް ހެޑްއަކަށް ލަންކާ މިހަކު މިގެންގުޅެނީ. ދިވެހިން ނެތީ އެކަން ކުރެވޭ ވަރުގެ
ބިލް ކުލިންޓަން
16 February 2021
އެކައުންޓެންޓުން އެބައޮތް އުކާފާ. ނެތީ އެމީހުން ނަގައިގެން ބޭނުންކުރާނެ ބަޔަކު.
ދެރަ
16 February 2021
އަވަހަށް ބަންގާޅު އިންޑިޔާ މީހުންގެނެސް އަޅާލާ
ސަމީހު
16 February 2021
އަހަރުމެން ކިޔެވީ ބަންގާޅުން. ވަކި ދެރައެއްނުވާނެ.
ޖަނާބުއަންޖާމު
16 February 2021
ބޭނުންވާވަރަށް އެކައުންޓެންޓުންނެތީމާދޯ އިންޑިޔާ/ލަންކާ އެކައެންޓެންޓުންތައް ރިސޯޓުތަކުގާ އެގެންގުޅެނީ. "ބުރޯ" ބޮޑުގޮނޑީގާ އިންނައިރު ދުނިޔޭގާ ހިނގާކަންކަމެއް ނޭންގޭނެ. ރާއްޖޭގާ އެބައުޅޭ ބައިވަރު އެކައުންޓެންޓުން އަދި އެމްބީއޭ ހަދާފައިތިބިމީހުން ވަޒީފާއެއްނެތި. މަމިހެން ބުނީތީވެސް މާލެތެރެއަށް ނުކުމެ ދިރާސާއެއްކޮށްބަލަ!
އެކައުންޓެންޓް
16 February 2021
އަހަންނަށް ރާއްޖެއިން ޗާރޓާރޑް އެކައުންޓެންޓުން ފެންނަނީ ވަރަށް މަދުން. މިބުނީ ޕްރޮފެޝަނަލް ކޮލިފިކޭޝަންތައް ހަދައި މެމްބަރަކަށްވެފަހުންނަ ަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަމީހުންގެ ވާހަކަ. މިއީ އެހާ ފަސޭހައިންވާކަންތައްތަކެއްނޫން. ހަމަމިގޮތަށް މިތާގައި ތިބި މަދު ކުދިންނަށް ވަޒީފާދިނުމުގެ ބަދަލުގައި ބޭރުމީހުންނަށް ދޭކަންވެސް އިނގޭ.