މާލެ: ފެބްރުއަރީ 3، 2020: ރައްޔިތުންގެ މަޖިލީހުގެ 2020 ވަނަ އަހަރުގެ ފުރަތަމަ ދައުރުގެ ފުރަތަމަ ޖަލްސާގައި ބައިވެރިވެ ވަޑައިގަތުމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވަޑައިގަންނަވަނީ. އޭނާ މަޖިލީހަށް ވަޑައިނުގަންނަވާތާ އަހަރެއްހާ ދުވަސް ވެެއްޖެ-- ފޮޓޯ: ނިޝާން އަލީ /މިހާރު
16 ފެބުރުއަރީ 2021 - 11:48
44 comments
ރައްޔިތުންގެ މަޖިލީހުގެ މާމިނގިލި ދާއިރާގެ މެމްބަރު އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމް މަޖިލީހަށް ވަޑައިނުގެން ސަލާމުގައި އުޅުއްވާތާ އަހަރެއްހާ ދުވަސްވެފައިވާ ކަމަށް މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މަޖިލީހަށް ވަޑައިނުގެން ތިއްބަވާތާ އެންމެ ގިނަ ދުވަސްވެފައިވާ ތިން މެމްބަރެއްގެ ނަން ނަޝީދު ވިދާޅުވި އެވެ. އެއީ ގާސިމްގެ އިތުރުން މީދޫ ދާއިރާގެ މެމްބަރު އަހުމަދު ސިޔާމް މުހައްމަދާއި ކޮމަންޑޫ ދާއިރާގެ މެމްބަރު ހުސައިން ވަހީދެވެ. ނަޝީދު ވިދާޅުވިގޮތުގައި ހުސައިން ވަހީދު އުޅުއްވަނީ އާލާސްކަންފުޅަކަށް ފަރުވާ ހޯއްދެވުމުގަ އެވެ. ސިޔާމް މަޖިލީހަށް ވަޑައިނުގެން ހުންނަވާތާ ވީ ކިހާ ދުވަހެއް ކަމެއް އެމަނިކުފާނު ވިދާޅެއް ނުވެ އެވެ.
"މާމިނގިލި ދާއިރާގެ މެމްބަރު ގާސިމް އިބްރާހީމް، މިދިޔަ އަަހަރު އެކީގައި ހެން ސަލާމުގައި ހުންނެވީ. އަދިވެސް ސަލާމުގައި ހުންނެވީ،" ނަޝީދު ވިދާޅުވި އެވެ.
އެނގިފައިވާ ގޮތުގައި ކޮވިޑް-19 ގެ ބަލިމަޑުކަން އައުމާ ގުޅިގެން މާލެ ސަރަހައްދު ލޮކްޑައުން ކުރި ދުވަސްވަރު އަމިއްލަ ރިސޯޓެއް ކަމަށްވާ ސަން އައިލެންޑަށް ވަޑައިގެންނެވި ފަހުން ގާސިމް މިހާތަނަށް ވެސް އެނބުރި މާލެއަކަށް ވަޑައެއް ނުގަންނަވަ އެވެ. ގާސިމްގެ ހަގު އަނބިކަނބަލުންނާ ކައިވެނިބައްލަވައިގަތީ ވެސް އުފަން ރަށް މާމިގިއްޔާ އެއްފަޅެއްގައި އޮންނަ ސަން އައިލެންޑްގައި ހުންނަވައިގެންނެވެ.
ކޮވިޑްގެ ކޮމިއުނިޓީ ސްޕްރެޑް އޮތްކަަން އެނގިގެން މާލެ ސަރަހައްދު ލޮކްޑައުންކުރީ މިދިޔަ އަހަރުގެ އޭޕްރިލްމަހު އެވެ. ވީޑިއޯ ކޮންފަރެންސްގެ ޒަރިއްޔާއިން މަޖިލީހުގެ ޖަލްސާތައް އޭރު ވެސް ކުރިއަށް ގެންދިޔަ އެވެ.
އެކަމަކު މީގެ މަހެއްހާ ދުވަސްކުރިން ސުޕްރީމް ކޯޓުގައި ބޭއްވި ވިލާ އެއާގެ ޝަރީއަތެއްގައި ވީޑިއޯ މެދުވެރިކޮށް ގާސިމް ބައިވެރިވެ ވަޑައިގަތެވެ. އެ ދުވަހު ވަރަށް ގިނަ ވާހަކަތައް ވެސް އޭނާ ދެއްކެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
17 February 2021
މިފަދަ މައްސަލަ ދިމާވަނީ ޤާނޫނުއަސާސީގެ 72 ހ އަދި ށ ކަޑައެޅުގެން ނުބައިކޮށް މާނަކޮށްގެން އުޅޭތީ. # ޤއ އިސްލާޙްކުރީ މަލްޑިޕާޓީ ޑިމޮކްރަސީއަށާއި ލާމަރުކަޒީ ނިޒާމަށް އިސްކަންދީގެން ދާއިރާތަކުގެ މަޖިލީހުގެ ގޮނޑިތައް "ދާއިރާގެ ރަށްވެހިންނަށް" ކަޑައަޅާ ޔަޤީންކޮށްދެމުން. އެހެންވެ ޤއ ގައި ލިޔެފައިވަނީ "ކޮންމެ އިދާރީ ދާއިރާއަކުން" މެންބަރަކު ހޮވާންވާނެކަމަށް. އެހެންނޫންނަމަ ޤއ ގައި ލިޔެފައި އޮންނާނީ ކޮންމެއިދާރީ "ދާއިރާއަކަށް" މެންބަރަކުހޮވާން ވާނެކަމަށް.
ނަހޫ
17 February 2021
ވޯޓު ހޯދަންވީމަ އަދިވެސް އަންނާތި؟. މަޖިލިސް މެމްބަރެއްވީމަ ބޭނުން ގޮތަކަށް އުޅެވެންޖެހޭތަ؟. ކީއްވެތޯ ގާނޫނީ ފިޔަވަޅެއް ނެތީ؟. އެއީ ތިއައީ ގާނޫނު ހަދާ މީހުން ކަމަށް ވާތީ ގާނޫނަށްވުރެ މަތިވަނީތޯ؟.
ނަޖްވާ
17 February 2021
މީނަ ސަލާމު ގަ ހަމަ އެއްކޮށް ބަހައްޓާލަންވީނު ހަމަ!
ށަވީން އަސްލަމް
17 February 2021
ކޮބާ މައްސަލައަކީ ! ސިސްޓަމް ރޭވިފަ އޮތީ އެމީހުން ބޭނުން ގޮތަށް އެމީހުންނަށް މޮޅުވާ ގޮތަށް. ސްޓެލްކޯ މުގުނީ 100،000ރ މުސާރަ ނަގައިގެން އޮފީހަށް ގިނަ ދުވަހު އަންނީ 11:00 ގެ ފަހުން. ދެން އިރުކޮޅަކުން ލަންޗައް ދާންވީ. އާދައިގެ މީހުނަ މިނެޓެއް ލަސްވިޔަސް ލާރި ކަންޑާ.
ނުވިސޭތަ
16 February 2021
ޖޭޕީ އޮވާލަން ޖެހޭ. ފަޅުރައްތަ ނަގައިގެން ސިޔާސީ މަންފާ ނަގަނީ
މަންޑޭލާ
16 February 2021
އިންޑީޔާއިން ދޭ ބިރިޔާނި ކޮތަޅައް ރައްޖެ ވިއްކާލާ މީހުންގެ ފަހަތުން ދުވާނީ މޮޔަމީހުން
ޝޮކްތެރަޕީ
16 February 2021
އަޅުގަނޑެ ދެން ޤާސިމަކަ ވޯޓެއް ނުދޭނަން. ޤައުމުގެ މަސްލަހަތައްވުރެ އަމިލްލަ އެދުން މަނިކުފާންގެ އޮތީ
އަރުތަ
16 February 2021
"ގާސިމް ސަލާމުގައި ހުންނަވާތާ އަހަރެއް"، އެކަމަކު މުސާރަ ބަރާބަރަށް ނަންގަވާ ދެއްތޮ، ނޫނޭވާ ސާބަސް.
ބޮޑުމީހާ
16 February 2021
މިކަމާ މުޒާހަރާއެއް ކޮށްލާނެ ރައްޔިތެއްވެސް ނެތީތޯ. އެތައް ހާސް ސިވިލްސާވެންޓުންނަށް ކުރެވޭ މަލާމާތެއްމީ. ކިތަންމެ މަތީ ވަޒީފާެެއެއް ވިޔަސް ބޮޑު ހުވައެއްކޮށްގެން އައިސް ދައުލަތަށް ދޭންޖެހޭ ހިދުމަތް ނުދެވެންޏާ އެކަންބެލޭނެ ނިޒާމެއް ހަދަންޖެހޭ
ގުދުގުދާ ބެއްޔާ
16 February 2021
މިފެންނަނީ ގާސީމް ތަމުސީލުކުރަން ތިބި ރައްޔިތުންގެ ފެންބަރު ހަކުރުދޭތީ ބޮޑުބޭބެއަށް ވެފައި! އެކަމަކު މީމީހުންވެސް ތަންމިނައް އަނގަ ހުޅުވާފައި ބުނާނެ އަހަރުމެންގެ ވެސް ހިއްސާއެއް ރަށުގައި އެބައޮތޭ! މިހެން ބުނާއިރު މިބައިގަނޑު ފައިސާއަށް ހެއްލިފައިވާ ވަރު މިއިން އެގެނީ!