ސިވިލް ސާވިސްގެ ގިނަ އޮފީސްތަކެއް ހުންނަ ވެލާނާގޭ ބިލްޑިންގަށް، ސިވިލް ސާވިސްގެ ބައެއް މުވައްޒަފުން ވަންނަނީ.---މިހާރު ފޮޓޯ: ނިޝާން އަލީ
23 މާޗް 2021 - 18:24
16 comments
ކުރިއަށް އޮތް ރޯދަ މަހާއި ޝައްވާލު މަހުގެ ފުރަތަމަ ހަތް ދުވަހު ރަސްމީ މަސައްކަތު ގަޑި އަކީ ހެނދުނު ނުވައަކުން މެންދުރު ފަހު އެކަކަށް ކަމަށް ރައީސް އިބްރާހިމް މުހައްމަދު ސޯލިހް ނިންމަވައިފި އެވެ.
ރައީސް އޮފީހުގެ އިއުލާނެއްގައި ބުނީ އަންނަ އޭޕްރީލް 13 ގައި ފެށޭނެ ކަމަށް ބެލެވޭ ރޯދަ މަހުގެ އިތުރުން ޝައްވާލު މަހުގެ ފުރަތަމަ ހަތް ދުވަހު މަސައްކަތްކުރާ ވަގުތު ބަދަލު ކުރި ނަމަވެސް ކޮވިޑްގެ ބަލިމަޑުކަމާ ގުޅިގެން، ސަރުކާރުގެ އިދާރާތަކުން މަސައްކަތްކުރާނީ، ވަކި އުސޫލެއްގެ ދަށުން ކަމަށެވެ.
ސަރުކާރުގެ އިދާރާތައް އާންމުކޮށް ހުޅުވައިގެން މަސައްކަތް ކުރުމާ ގުޅޭގޮތުން މިދިޔަ ފެބުރުއަރީ ދޭއްގައި އާއްމުކުރި އުސޫލުގައިވާ ގޮތުން، ގޭގައި ކުރެވެން ހުންނަ މަސައްކަތްތައް މުވައްޒަފުން ކުރާނީ ގޭގަ އެވެ. އަދި މިނިސްޓަރު ނުވަތަ އިދާރާގެ އިސްވެރިޔާ ކަނޑައަޅުއްވާ ގޮތެއްގެ މަތިން، އެއްފަހަރާ ވީހާ ވެސް މަދު މުވައްޒަފުން އޮފީހަށް ނެރެގެން މަސައްކަތް ކުރެވޭނެ ގޮތަށް މަސައްކަތްތައް ރޭވުމަށް ވެސް ބުނެފައިވެ އެވެ.
އޭގެ އިތުރުން މުވައްޒަފުން ޓީމުތަކަކަށް ބަހައިލައިގެން އެކި ދުވަހު އެކި ޓީމުތައް މަސައްކަތަށް ނެރުމާއި ނުރަސްމީ ވަގުތުތަކުގައި އޮފީހުގައި މަސައްކަތް ނުކުރާ ގޮތަށް ރޭވުމަށް ވެސް އުސޫލުގައި ބުނެފައި ވެ އެވެ.
އެހެން ރޯދަ މަސް ތަކުގައި ވެސް އާއްމުކޮށް، ސަރުކާރު އިދާރާތަކުގެ ރަސްމީ ގަޑިއަކީ ހެނދުނު ނުވައަކުން މެންދުރު އެކަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު1
24 March 2021
ސިވިލްސަރވިސް ފަދަ އެފިޝެންޓް، މުރާލި، އަދި އެންމެ ސިކުންތެއްވެސް ބޭކާރުގޮތުގައި ހޭދަނުކުރާ މުވައްޒަފުން އުޅޭ ތަނަކުން ދުވާލަކު 1ގަޑިއިރު މަސައްކަތްކުރިއަސް ރައްޔިތުންނަށްފުދޭނެ. ދެން އެކަމަކު ރަސްމީގަޑިނިމުނީމައި އަދި 8ގަޑިއިރު އިތުރުގަޑީގެ ގޮތުގައި ޖަހާލަން ދޭންވާނެ. އެއަށްދެން ރައްޔިތުންގެ ލާރިދޭނެ. ސިވިލް ސަރވިސް ކުދިންގެ އަދި ހުންނާނެ އޮފީސް ފޯނަށް އެލާޖިކް ބައްޔެއް. ޑޮކްޓަރ ލަފީދީފައި އޮންނަނީ ރަށްޓެއްސަކު ނޫނީ މަތިން ގުޅީމައޭ ފޯނު ނަގާނީ.
ޒުވާނުން
24 March 2021
10:00 އިން 14:00 ގެ ވަގުތު މާރަނގަޅު! އަޅުގަނޑުމެން ޒުވާނުން ރޯދަމަހު ރޭގަނޑު ދަމު އަޅުކަން ވަރަށް ގިނައިން ކޮށްފައި ހެނދުނު ވަރަށް ވަރުބަލިވޭ...
މުސްކުޅިބެއާ
24 March 2021
ކޮންކަހަލަ ދަމު އަޅުކަމެއް ކޮއްކޮ ކުރަނީ. ބޭބެއަށް ކިޔާ ދީބަލަ
ބޮގެންބޯ
24 March 2021
ޒުވަނުންގެ އިޚްޞާޞް އެހެންވީމަ އެނގުނު ވެރިޔަކީ ޔާމީންތާ
2021
24 March 2021
އަހުންގެ އޮފީހުގެ ބޮޑުމީހާއާއަށް އެޗް.ޕީ.އޭގެ މިންގަނޑު އެނގޭކަމަކަށްނުވޭ...
ނކނނނ
25 March 2021
އެންމެ ސުކުންތެއް އޮއްވަވެސް ގެޔަށްދިޔައިއްޔާ މުސާރައިން ކަޑާ އެކަމަކު އެޗްޕީޢޭ އިން މިކިޔަނީ ގޭގަ ކުރެވެންހުންނަ މަސައްކަތް ގޭގަ ކުރާށޭ. އެތަނުން ނުކުމެވިގެންތާ ގޭގަ މަސައްކަތެއްކުރެވޭނީ. ސިވިލްސާވިސްގެ މަދު ބަޔަކު މަސައްކަތަށް ފަރުވާކުޑަކޮށް ކޮފީގަ ގިނައިރު ތިބޭތީ އެންމެންނަށް ހުތުރު އަރުވާކަށް ނުވާނެ
ޑރފަލަޑޭ
24 March 2021
ތިވަރުން ކަލޭމެން ރޯދަނުހިފަންވީނުން؟
ޑރހިކިޑޭ
24 March 2021
ކަލެއައްތަ އިނގެނީ ރޯދަ ހިފަންވާ މީހާއާ ހިފަން ނުވާ މީހާ؟
ބޮޑުމީހާ
23 March 2021
މެންދުރު ނަމާދު ޖަމާއަތުގައި ކުރާ މީހަކު އޮފީހަށް ގޮސް 1 ޖެހާއި ދޭތެރޭ އިތުރު މަސައްކަތެއް ކުރެވޭނެ ވަގުތެއް ނޯންނާނެ. ރޯދަ މަހުގެ ވަގުތަކީ 9 އިން 12 އަށް ނޫނީ 8 އިން 12 އަށް ހެދީމަ މާރަގަޅުވާނެ
މުހައްމާ
24 March 2021
ރޯދަމަހު އެންމެންނަށް ޗުއްޓީ ދީ
ހަސަނު1
24 March 2021
މަށަށް ފެންނަނީ 9-10 އަށް ހަދަން.. އޭރުން މުސާރަ ހަލާލުވާނީ.
ބޮޑެއްނުވިއެއްނު
24 March 2021
9 ން 12 އަށޭ. 3 ގަޑިއިރުން ކޮން ޚިދުމަތެއް ދެވޭނީ؟
ޖަނާބު އަންޖާމު
23 March 2021
ދެން އެހެންގަޑިތަކުގާ އުޅެންޖެހޭނީ ލޮކުޑައުންވެގެންތޯ؟
ކޮރަލް
23 March 2021
4 ގަޑި އިރުގެ ބަދަލުގަ ރޯދަ މަހު ސަރުކާރު ބަންދު ކުރަން ވީ އެވެ.މިހާރުވެސް އޮފީސް ތަކުގަ ގިނަ ވަގުތު ކުރަނީ އޮފީސް މަސައްކަތެއްނޫނެވެ. ގަޑި ހަމަ ކުރަނީ އެވެ.
ރަނގަޅަށް
23 March 2021
އެހެން ދުވަސް ދުވަހުގެ ރަސްމީގަޑިއަކީ ހެނދުނު 7 ކުން ހަމަ 1 ކަށް ހަދަން ރަނގަޅަށް
1345
24 March 2021
2 ފައި ދަމާފަ ގިނައިން ނިދީމަ މުސާރަ ދޭންވި