ވިޔަފާރި / ވިލާ ގްރޫޕް

ރިބްރޭންޑްކޮށް ވިލާގެ ޕެޓްރޯލް ޝެޑެއް އިންޑަސްޓްރިއަލް ޒޯންގައި ހުޅުވައިފި

އިންޑަސްޓްރިއަލް ސަރަހައްދުގައި މިއަދު ހުޅުވި ވިލާ ފިޔުލްގެ ޕެޓްރޯލް ޝެޑު-- ފޮޓޯ: ވިލާ

އިދުހާމް ނައީމް، މިހާރު

25 މާޗް 2021 - 16:11

4 comments

މާލެ އިންޑަސްޓްރިއަލް ޒޯންގައި ވިލާ ހަކަތައިގެ ޕެޓްރޯލް ޝެޑެއް މިއަދު ހުޅުވައިފި އެވެ.

މި ޝެޑު ހުޅުވާފައިވަނީ "ވިލާ ފިޔުލް"އަށް ރިބްރޭންޑް ކުރުމަށްފަހު އެވެ. މި ޝެޑުގައި ޕެޓްރޯލް އަޅަން 12 ޕޮއިންޓު އަދި ޑީސަލް އަޅަން ހަތަރު ޕޮއިންޓް ހުންނާނެ އެވެ.

މި ޝެޑަކީ ވިލާއިން ކުރިން ހިންގި ޝެޑާ ތަފާތު ޝެޑެއް ކަމަށް އެ ކުންފުނިން ބުންޏެވެ. އެގޮތުން ޖާގައިގެ ގޮތުން ބޮޑުވެފައި ޑިޒައިން ވެސް ތަފާތު ވާނެ ކަމަށް އެ ކުންފުނިން ބުންޏެވެ.

ވިލާގެ ޕެޓްރޯލް ޝެޑު ކުރިން ހުރީ ދަރުމަވަންތަ ހޮސްޕިޓަލާ ކައިރީ މިހާރު ބަސް ސްޓޮޕް ހަދާފައި ހުންނަ ތަނުގަ އެވެ.

ވިލާއިން ބުނީ އާ ޕެޓްރޯލް ޝެޑާއެކު ހިދުމަތްތައް އަވަސްވެފައި، ކޮލިޓީ ރަނގަޅު ޕެޓްރޯލާއި ޑީސަލް ލިބޭނެ ކަމަށެވެ.

މި ޝެޑުން ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 8:00 އިން ރޭގަނޑު 11:00އާ ހަމައަށް ހިދުމަތް ލިބޭނެ އެވެ. އަދި ކޮންމެ ހުކުރު ދުވަހެއްގެ މެންދުރު 2:00ން ރޭގަނޑު 11:00އަށް ހިދުމަތް ލިބޭނެ އެވެ.

ވިލާ ގްރޫޕް ވިލާ ގޭސް ޕެޓްރޯލް ޝެޑްތައް

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

26 March 2021

ފަތާ ޓްރެކް ކައިރީގަ ހުންނަ ސަރުކާރު ބިމުގަ ހަދާފަ ހުރި އަދި ބޭނުން ނުކޮށް ޒަމާން ވެފަ ހުރި ޕެޓްރޯލް ޝެޑް އަށް ވީގޮތެއް ބަލާލަ ދީ ބަލާާށެވެ. ސަރުކާރުން ވަކި ކަމަކަމަަށް ދޫކުރާ ބިންތައް ބޭނުން ނުކުރާނަމަ ސަރުކާރައް ނަގަން ވީ އެވެ.