މެލޭޝިއާ އިން ދަތުރު ކުރި ބަޔަކު ބަހަށް އަރަނީ. --ފޮޓޯ:އޭޝިއާ ރިވިއު
13 އެޕްރީލް 2021 - 13:44
14 comments
މެލޭޝިއާގައި އުޅޭ ދިވެހިންގެ ވިސާގެ މުއްދަތު ހަމަވެފައިވާ ނަމަ، އަދަބުދީފާނެތީ، އެކަމަށް ސަމާލުވުމަށް އެ ގައުމުގައި ހުންނަ ރާއްޖޭގެ ހައި ކޮމިޝަނުން އެދިއްޖެ އެވެ.
އެގޮތަށް އެދުނީ މެލޭޝިއާގެ އިމިގްރޭޝަނުން ނެރެފައިވާ އެންގުމެއްގައި، ވިސާ ހަމަވެފައިވާ މީހުންނަށް އަދަބުދޭނެ ކަމުގެ އިންޒާރެއް ދީފައިވާތީ އެވެ.
ހައިކޮމިޝަނުން ބުނީ "ސޯޝަލް ވިޒިޓް ޕާސް" ގެ ދަށުން މެލޭޝިއާ އަށް ޒިޔާރާތްކުރާ މީހުންގެ ތެރެއިން މިވަގުތު ވިސާ ހަމަވެފައިވާ މީހުން، "ސްޕެޝަލްް ޕާސް" އަކާ ނުލާއި މި މަހުގެ 21 ވަނަ ދުވަހުން ފެށިގެން އުޅޭ ނަމަ، އެކި އަދަބުތަކާ ކުރިމަތިލާން ޖެހިދާނެ ކަމަށެވެ.
ގިނަ އަދަދެއްގެ ދިވެހިން ދިރިއުޅެމުންދާ މެލޭޝިއާގެ ސަރުކާރުގެ އެންގުމާ ގުޅިގެން، ރާއްޖޭގެ ފޮރިން މިނިސްޓްރީގެ ކޮމިއުނިކޭޝަން ޑިރެކްޓަރު މިއުވާން މުހައްމަދު، "މިހާރު" އަށް ވިދާޅުވީ ބޭރުގައި އުޅޭ ހުރިހާ މީހުން ވެސް އެ ގައުމެއްގެ ގާނޫނުތަކާ އެއްގޮތަށް އަމަލުކުރަން ވާނެ ކަމަށެވެ. މި ދުވަސްވަރު ވިސާގެ ކަންކަމަށް ވަރަށް ބޮޑަށް ސަމާލުވާން ވެސް އެދިވަޑައިގަތެވެ.
އެކި ގައުމުތަކުން ކޮވިޑްގެ ފިޔަވަޅުތަކަށް ލުއިދެމުން އަންނައިރު ވަރަށް ބޮޑަށް މި ކަންކަމަށް ބަލަ އެވެ.
މުއްދަތު ހަމަވެފައިވާ ވިސާއާއެކު ދިރިއުޅުނު މައްސަލަތަކާ ގުޅިގެން މި ފަހުން ސްރީ ލަންކާ އިން ވެސް ދިވެހިން ހައްޔަރުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލު
15 April 2021
އެންމެން އާދޭ ރާއްޖެއަށް މި ޤައުމުގެ ޤާނޫނެއް ބޭރުގެ އެއްވެސް މީހަކަށް ނުހިނގާނެ. ވިސާ ހަމަވެފައި އޮތިއްޔާ އިތުރު އިނާޔަތަކާއެކު ވަޒީފާއެއް ލިބޭނީ ނޫނީ ސަރުކާރުގެ ޚަރަދުގައި ޓިކެޓްދީގެން އެމީހެއްގެ ޤައުމަށް ފޮނުވާލަދޭނެ. ޖަލަކަށް ނުލާނެ ޖޫރިމަނާއެއް ނުކުރާނެ. ދިވެއްސަކު ބޭރު ޤައުމެއްގައި ވިސާހަމަވެފައި ހުރިއްޔާ އެޤައުމަކުން އަދަބު ލިބޭނެ. މިއީ ދުނިޔެމަތީގެ ސުވަރުގެއޭ އެހެންވެ އެބުނަނީ.
ކްރޯޑް
14 April 2021
ވިސާ ބެތި އުޅުމަކީ ގަވައިދާ ޚިލާފްކަމެއް ކޮންމެ ގައުމެއްގަވެސް . ގަވައިދާ ޚިލާފްވީމަ އަދަބު ލިބޭނެތާ.
ޖޖޖޖ
13 April 2021
ރާޢްޖޭގަ ނޫނީ ތިހުރިހާކަމެއް ރަނގަޅުވަނެ.. މީ ފުގޮއްސަ އޮތް ފަތިސް ހަނދުވަރެއް
ހުޓީ
13 April 2021
މެލޭޝިޔާއާ ލަންކާ އިމިގުރޭޗަނާ ފުލުހުންނާ ހާދަ ހަރުކައްޓޭ ދޯ؟
އެމް.ޑީ.ޝޮނައުއްލައި
13 April 2021
ބޭބޭ އަހަރެން ނޭގެނީ ވިޝާ ޓައިމް ހަމަވަނީ ދެން ޕޮލިޝް އަހަރެން ގެންދަނީތަ؟ ޒަލުގަ ލަގަނީތަ؟ އަހަރެން މާލްދީޕު އަހަރެން އަމިއްލަ ގަރާޒު މަޝައްކަތް ކުރަނީ ޕަނަރަ އަހަރު. ވިޝާ ނެތީ. ދެން އޯކޭ ނު؟ މެލެޝިޔާ ޝޮކަރާއް ދޯ؟
ސޭކުސްތާން
13 April 2021
ޕާސްޕޯޓްވެސް ދޫކުރުމުގެ ކުރިން ގަމާރު ކަމުގެ ޓެސްޓެއް ހަދަން ފެނޭ
20000
13 April 2021
ދިވެހި ރާއްޖޭ ނޫން ހުރިހާ ގައުމެއްގައި ބޭރުމީހުންނަށް އުޅެވޭނީ ގަވާއިދާ އެއްގޮތަށް. ދިވެހިރާއްޖޭގައި ބަގުލަދޭސް މީހުން ހިތުހުރި ގޮތަކަށް. މީ އިންސާނީ ހައްޤުތަކުގެ ޗެމްޕިއަން. ކޮރަޕްޝަންގެ އެއްވަނަ....
ޖަނާބު އަންޖާމު
13 April 2021
މިގައުމު ނޫނިއްޔާ ނޯންނާނެ ވިސާނުލާ އުޅެވޭ ގައުމެއް. ސޯމާލިޔާގައިވެސް ނޫޅެވޭނެ.
ޙިނި
13 April 2021
ޢަދި އަލައްްް މިއަޑުއެހީ ޥިސާ ހަމަވުމަކީ އަދަބު ލިބޭ ކަމެއްް ކަން،
ށަވިޔަނި
13 April 2021
ވިސާ ގެ މުއްދަތު ހަމަވުމުން، ނުވަތަ ވިސާނެތި އުޅޭ މީހުނާ މެދު އެކި ގައުމުތަކުން އަޅާ ފިޔަވަޅުތައް ތަފާތެވެ. ޖަލުގެ ހުކުމްވެސް އާދެއެވެ. ޑީޕޯޓްވެސް ކުރެއެވެ. ބޮޑު އަދަދަކުން ޖޫރިމަނާވެސް ކުރެއެވެ. ވިސާނެތި ފާޅުކަންބޮޑުކޮށް އެންމެފަސޭހައިން މިހާރު އުޅެވެނީ ދިވެހިރާއްޖޭގައި އެކަންޏެވެ. ބައެއް މުއްސަދި ގައުމުތަކުން އިންސާނިއްޔަތަށްޓަކައި ފަގީރު ގައުމުތަކުގެ ރައްޔިތުންނާ އަޅާނުލައެވެ.
ޙަލަފި
13 April 2021
މަރުހަބާ ހިނި، އަލަށްވިޔަސް އެއްޗެއް ދަސްވިކަމަށްޓަކައި އުފާކުރަން. ވިސާ ކޮންޑިޝަންސް ތަކާ ހިލާފް ވުމުން އަލުން އެގައުމަށް ނުވަދެވޭނެ ހެން ޑިޕޯޓް ކުރުމަކީ ވެސް އަދަބެއް ނޫންތޯ؟ *ހިތްހެޔޮ ހިނިތުން ވުމެއް*
ހުތްއާދަނު
13 April 2021
ރާއްޖޭގައި ނޫން އެހެނިހެން ގައުމުތަކުގައި ލާނީ ޖަލަަށް، މިއީ ރެންޓް ފްރީ ގައުމެއް
ހެހެހެހެ
13 April 2021
ޖޫރިމަނާ. އެއްފަހަރައް ވުރެ ގިނަވެއްޖެ ނަމަ ޖަލައްލުން އަދި ޑީޕޯޓު ކުރުން އޮވޭ.
ޙިނި
14 April 2021
ޝުކުރިއްޔާ. އެކަމަކު އަހަރެން ލިޔެފައި އެއޮތީ ސާކާސްޓިކް ކޮމެންޓެއް..