ޅ.ނައިފަރުގެ މަތިން ނަގާފައިވާ ފޮޓޯއެއް.
17 މެއި 2021 - 17:30
6 comments
ރޭ ޅ.ނައިފަރުގައި ދެ ފުލުހަކު އާންމުންގެ މީހަކަށް އަނިޔާކުރި ކަމަށް ތުހުމަތުކުރާ މައްސަލައެއް ބަލަމުން އަންނަ ކަމަށް ފުުލުހުން ބުނެފި އެވެ.
ނައިފަރުން ވާހަކަ ދެއްކި ބައެއް މީހަކު ބުނި ގޮތުގައި ދެ ޒުވާނަކަށް ފުލުހުން އަނިޔާކުރީ ރަށުގެ ގޮނޑުދޮށަށް ގެންގޮސްފަ އެވެ. އޭނާ ބުނީ އެ މައްސަލާގައި ރަށުގެ އާންމުން މަގުތަކަށް ނިކުމެ މިއަދު އިހުތިޖާޖުކުރުމުން ފުލުހުން ނުކުމެ ގާނޫނީ އިންޒާރެއް ވެސް ނުދީ، އިހުތިޖާޖުގެ ބައިވެރިންނަށް އަނިޔާވާ ގޮތަށް ހައްޔަރުކޮށްފައިވާ ކަމަށެވެ.
މި ކުރިމަތިލުން ފެންނަ ވީޑިއޯއެއް ސޯޝަލް މީޑިއާގައި ވަނީ އާންމުވެފަ އެވެ. އެއިން ފެންނަ ގޮތުގައި އާންމުންނާއި ފުލުހުންގެ މީހަކު ބަހުގެ ހަމަލާތަކެއް ބަދަލުކުރެ އެވެ. އަދި އޭގެ ފަހުން މީހެއްގެ ކަރަށް ފިތޭ ގޮތަށް އަތް އަޅުވާލައި ހިފަހައްޓައިގެން ގެންދާތަން ވެސް ފެނެ. އެ މީހާ "މިއޮއް މަރުވަނީ" އޭ ގޮވާ އަޑު އިވެ އެވެ.
ފުލުހުންގެ މީޑިއާ އޮފިޝަލަކު "މިހާރު" އަށް ވިދާޅުވީ ނައިފަރުގައި ފުލުހުން މީހަކަށް އަނިޔާކުރި ކަމަށް ތުހުމަތުކުރެވޭ މައްސަލައެއް ފުލުހުންގެ ސަމާލުކަމަށް އައުމާ ގުޅިގެން އެކަމާ ގުޅޭ ގޮތުން ބަލަންޖެހޭ ކަންކަން ބަލަމުން އަންނަ ކަމަށެވެ.
މި މައްސަލަ ފުލުހުންގެ ޕްރޮފެޝަނަލް ސްޓޭންޑާޑްސް ކޮމާންޑް އިން ބަލަމުންދާކަށް ފުލުހުން ޔަގީންކޮށްދިނެވެ.
"މި މައްސަލަ ބަލައި އެފަދަ ކަމެއް ހިނގަފާއިވާ ނަމަ ފުލުހުން މިފަދަ ކަންކަމުގައި އަމަލުކުރާ އުސޫލަތަކުގެ ތެރެއިން އަޅަންޖެހޭ ފިޔަވަޅުތައް އަޅާނެ ވާހަކަ ދަންނަވަން،" އޮފިޝަލް ވިދާޅުވި އެވެ.
މި މައްސަލާގައި ޝާމިލު ވަނީ ކިތައް ފުލުހުން ކަމެއް ނުބުނެ އެވެ.
ނައިފަރުގައި އިހުތިޖާޖުކޮށް ހަމަނުޖެހުން ހިނގި އިރު އެ ރަށް މިހާރު ވެސް އޮތީ ކޮވިޑް-19 ފެތުރިފައި ވާތީ މޮނިޓަރިންގެ ހާލަތުގައި އަދި އިތުރު ހަރުކަށި ފިޔަވަޅުތައް ވެސް އަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައިފަރީ
17 May 2021
ނައިފަރުގަ ކުށްކުރާ މީހުންގެ ހާލިތަައް ކަރަންޓީނުކޮށްފަ ހުއްޓަސް މާސްކުވެސް ނާޅާ މުޅިރަށުގަ ދުވެނަގަނީ. އަދަބެއް ސަދަބެއް ނެތް. ޖޫރިމަނާވެސް ކުރާނެ. ބައެއްގެ އަބުރު ކަތިލިޔަސް ތީ ބޮޑުވަރު. ކޮވިޑުން ސަލާމަތްވާން ނައިފަރުގަ ތިބި މަދު ފުލުހުން ރެއާދުވާލު ކުރާ މަސައްކަތް އަހަރެމެންނަށްވެސް ފެނޭ. ވާހަކަ ހަދަހަދައިގެ މޮޅެތި ޓިކްޓޮކާ ވީޑިއޯ ކުޅެން މިރަށު މީހުން ވަރެއް ނޯންނާނެ. ފަރުދީ ޒިންމާއޭ މިކިޔާ އެއްޗެއް ނައިފަރުގަ ނެތޭ ބުންޏަސް ހަމަ ރަގަޅުވާނެ.
ވަހިދު
17 May 2021
އެހާ ތަންދޮރު ދަންނަ މީހުންނެއްނުން ތިބެނީ ޕޮލިހުގައި. ދެން ކުޑަ ކަމެއްގައި ވެސް ލޭ ޕްރެޝަރުވެ އަތުން ފައިން ގޯސްހެދެނީ މަޑުން ތިބެ މުސާރަ ކާލަކާލާ ތިބެވެން އޮއްވައި.
އުދުހޭ
17 May 2021
މިގޮތަށް ފުލުހުން ކުރާ ތަހުގީގެއް ދުވަހަކުވެސް ނިމޭބާ؟ ޖިންސީ އަނިޔާއާ ދެކޮޅަށް މާލޭގަ މުޒާހަރާ ކުރިމީހުންނަށް ފުލުހުން އަނިޔާކުރާ ވީޑިއޯ ދައުރުވާންވެށީމަވެސް ތަހުގީގެއް ކުރާ ވާހަކަ ބުނި. ދެން އެފުލުހުން ފްރަންޓްލައިނުން ބޭރުކުރީއޯ... އޭގެ ފަހުން ހަބަރެއްނުވޭ. އެއީ އަދި އަނިޔާއަށް ބަދަލުލިބުން ކަމަކަށް އަޅުގަނޑު ނުދެކެން. އިންސާފުކަމުގައި އަޅުގަނޑު ބަލައިގަންނަނީ ލޮލަކަށް ލޮލެއް.
މަޖިލިސް
17 May 2021
ކަލޯ ތިކަންކުރީމާ މައްސަަލަ ހައްލުވޭތަ؟ ދެފުލުހުންނާ ބައި ލައިގެން ފުލުހުންގެ ޚިދުމަތް ދެވޭތަ؟ އަތޮޅުތެރޭގައި ފުލުހުން އުޅޭ ހާލު އެނގޭތަ؟ ގާނޫނުން ފުލުހުން ބޭނުންވާ އަދަދަށް ފުލުހުންނެގުމަށް ބަޖެޓް ހަމަޖައްސަބަލަ.
މުޙައްމަދު އަމީން
17 May 2021
ފުލުހުން ހަރުކަށި ވީ ތޯ؟
އޮނަރަބްލް އަފީފު ދީދީ
17 May 2021
ފުލުހުންވެސް ލާމަރުކަޒުކޮށް 3 ރީޖަނުގައި ކޮނިޝަނަރަކު ބަހައްޓަވާ މިހާރުގެ ޕޮލިސް ކޮމިޝަނަރގެ މަޤާމަކީ ޑައިރެކްޓަރ ޖެނެރަލް އޮފް ޕޮލިސް ކަމުގައި ހައްދަވާންޖެހޭ. # މިކަމަށްޓަކާ ތިލަދުންމަތިން ފާދިއްޕޮޅަށް ނޯތު ރީޖަން، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަން ކަމުގައި ކަޑައަޅާ ރީޖަންތަކޔގެ ކޮމިޝަނަރ ރިޕޯޓްކުރާންޖެހޭފަރާތަކީ ޑައިރެކްޓަރ ޖެނެރަލް އޮފް ޕޮލިސް ކަމުގައި ކަޑައަޅުއްވާ އިސްލާޙީ ބަދަލު ގެންނަވާ.