ވިޔަފާރި / ޑރ. އަބްދުﷲ މައުސޫމް (ޓޫރިޒަމް މިނިސްޓަރު)

ޓޫރިޒަމް ދާއިރާގެ ސުލޫކު ރަނގަޅު، އެންމެ މީހަކާ ހެދި ފާޑު ކިޔުން ގޯސް: މައުސޫމް

ޓޫރިޒަމް މިނިސްޓަރުކަމަށް ވަޑައިގަތުމުގެ ކުރިން ޑރ. އަބްދުﷲ މައުސޫމް ސަން އައިލެންޑްގައި ވަޒީފާ އަދާކުރެއްވި އިރު އެ ރިސޯޓްގައި ނަގާފައިވާ ފޮޓޯއެއް. -- ފޮޓޯ: ނިޝާން އަލީ/މިހާރު

އިދުހާމް ނައީމް، މިހާރު

21 މެއި 2021 - 16:24

25 comments

ޓޫރިޒަމް އިންޑަސްޓްރީ އަކީ ސުލޫކީ ގޮތުން ރާއްޖޭގައި އެންމެ ރަނގަޅު އެއް ދާއިރާ ކަމަށާއި އެންމެ މީހަކު ކުރާ ކަމެއްގެ ސަބަބުން މުޅި ދާއިރާ އަށް ފާޑުކިޔުން ބަލައިނުގަނެވޭނެ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް މިއަދު ވިދާޅުވެއްޖެ އެވެ.

މައުސޫމް މިހެން ވިދާޅުވީ ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެމްބަރު އަހުމަދު އީސާ އަށް ގެވެށި އަނިޔާގެ ތުހުމަތުކުރުމާ އެކު، އޭނާ އަކީ ކުރިން ޓޫރިޒަމް ދާއިރާގައި މަސައްކަތް ކޮށްފައިވާ ބޭފުޅަކަށް ވާތީ އެކަމާ ގުޅުވައިގެން ސޯޝަލް މީޑިއާގައި ފާޑު ކިޔާތީ ކަމަށް ބެލެވެ އެވެ. އެކަމާ ބެހޭ ގޮތުން މައުސޫމް ޓްވީޓެއް ވެސް ކުރައްވާފައިވެ އެވެ.

މައުސޫމް "މިހާރު" އަށް ވިދާޅުވީ މީހަކު ކުރާ ކަމެއްގެ ސަބަބުން މުޅި ދާއިރާގެ ނަން ހަޑިވާގޮތަށް ވާހަކަދައްކައިގެން ނުވާނެ ކަމަށެވެ. އަދި ޓޫރިޒަމް ދާއިރާ އަކީ ސުލޫކީ ގޮތުން ރާއްޖޭގެ އެންމެ ރަނގަޅު އެއް ދާއިރާ ކަމަށާއި މުޅި ދާއިރާއަށް ފާޑު ކިޔުން ބަލައި ނުގަންނާނެ ކަމަށް ވިދާޅުވި އެވެ.

ޓޫރިޒަމް ދާއިރާގަ މަސައްކަތްކުރި/މަސައްކަތް ކުރާ މަދު ފަރުދެއްގެ ނޭއްގާނި އަމަލާއި ލާޖައްސާ ދާއިރާގެ ހުރިހާ މުވައްޒަފުންނަށް ނިސްބަތްކޮށް ކުޑައިމީސް ބުނުމަކީ ވަރަށް ދެރަވަރުކަމެއް. އެކަން ބަލައެއްނުގަނެވޭ!
ފަތުރުމުވައްޒަފުުންނަކީ ރާއްޖޭގެ އިގުތިސޯދުގެ ފަޚުރުވެރި ދިފާއީ ބަތޮލުން.
— Abdulla Mausoom (@Mausoom_Maus) May 21, 2021

ޓުރިޒަމް ދާއިރާގެ ދިފާއުގައި މިނިސްޓަރު ކުރެއްވީ ޓްވީޓް--

"ޓޫރިޒަމް ދާއިރާ އަކީ ސުލޫކީގޮތުން އެންމެ ރަނގަޅު އެއް ދާއިރާ. އެހެންވީމާ އެންމެ މީހަކު އެހެން ކޮށްލާ ކަމެއްގެ ސަބަބުން މުޅީ ދާއިރާ ބަދުނާމުވާގޮތަށް ވާހަކަދެއްކުން ގޯސް. އެކަހަލަ ކަމެއްގައި ޒިންމާ ނަގަން ޖެހޭނީ އެ ފަރުދެއް އަމިއްލައަށް،" މި ވާހަކަ ދެއްކެވި ވަކި ސަބަބެއް ހާމަނުކުރައްވައި މައުސޫމް ވިދާޅުވި އެވެ.

މިނިސްޓަރު ވިދާޅުވި ގޮތުގައި ކޮވިޑްގެ ސަބަބުން ގައުމަށް ދަތިވެފައި މިވާ ވަގުތު ވެސް އެންމެ ބޮޑު ގުރުބާނީއެއްވާ އެއް ބަޔަކީ ޓޫރިޒަމް ދާއިރާގެ މުވައްޒަފުންނެވެ.

"މިހާރުވެސް އެންމެ ބޮޑު އެއް ގުރުބާނީއެއްވާ އެއްބަޔަކީ ޓޫރިސްޓު މުވައްޒަފުން. މި ދާއިރާގައި މަސައްކަތް ކުރުމަކީ ފަހުރުވެރިވާން ޖެހޭ ކަމެއް،" މިނިސްޓަރު ވިދާޅުވި އެވެ.

ޓޫރިޒަމް މިނިސްޓަރުގެ މަގާމާ ހަވާލުވެވަޑައިގެންނެވުމުގެ ކުރިން މައުސޫމަކީ ވެސް ޓޫރިޒަމް ދާއިރާގައި ގިނަ ދުވަސްތަކެއް ވަންދެން މަސައްކަތް ކުރެއްވި ބޭފުޅެކެވެ.

އީސަ އަށް ކުރި ތުހުމަތުތަކާ އެކު ޓޫރިޒަމް ދާއިރާގައި އޭނާ އަދާކުރެއްވި ވަޒީފާތަކާ ގުޅުވައިގެންނާ ސޯޝަލް މީޑިއާގައި ބައެއް މީހުން ވާހަކަ ދައްކާފައިވެ އެވެ.

ޓޫރިޒަމް ޓޫރިޒަމް މިނިސްޓްރީ ޑރ. އަބްދުﷲ މައުސޫމް (ޓޫރިޒަމް މިނިސްޓަރު)

25 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

21 May 2021

ތިޔަ ޓުއަރުޒަމަކީ މި ގައުމުގެ އުފެއްދުންތެރިކަން ވަޅުލާ ފަސްއެޅި ދާއިރާ. ތިޔަނޫންކަމެއް ސަރުކާރުތަކުން ނުކުރޭ. މި ކޮވިޑިގައިވެސް އިބުރަތެއް ހާސިލްކޮށް އުފެއްދުންތެރިކަން އިތުކުރިނަމަ ރަނގަޅުވީސް. ރާއްޖޭގެ ތިޔަކުރާ ޒާތުގެ ފަތުރުވެރިކަމުން ގައުމަށްލިބޭ ފައިދާއަށްވުރެ ދުރު މުސްތަގުބަލުގެ ގެއްލުންބޮޑު ހުރިހާ ފަޅުތަކާ ފަރުތަށްވަަނީ 99 އަހަރަށް ބިދޭސީ ކުންފުނިތަކަށް ދީފަ އެތަންތަނަށް މިހާރުވެސް ސަރުކާރުގެ ބާރެއް ނުފޯރާ. ބިމުކުލި އިންތިހާއަށް ކުޑަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބެ

21 May 2021

ޓޫރިޒަމް ކުރިއެރުވޭނީ މަސައްކަތްކުރާ މުވައްޒަފުންގެ ހައްޤުތައް ހިމާޔަތްކުރެވިގެން. މައުސޫމް އަހަރެމެންގެ ޝަކުވާ އަޑުއަހާ، އަހަރެމެނާ ވާހަކަ ދެކެވޭތީވެސް ވަރަށް ބޮޑުވަރު. ޢެހެންމީހަކަށް މިވަރުވެސް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަށަފަރު ޝާކިރު

21 May 2021

ޑރ.މައުސޫމް އިންޑަސްޓްރީ ކުރިއަރުވަން ކުރާ ބުރަ މަސައްކަތަށް މާތްﷲ ކާމިޔާބު ލައްވާށި. އާމީން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެލާ ދަރި

21 May 2021

ތިޔަ މިނިސްޓްރީ ހިނގާގޮތަށް އެހެން ވަޒީރުންވެސް މަސައްކަތް ކުރާނަމަ ދޯ. ސާބަސް، ޑރ.މައުސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުލް

21 May 2021

ޙަގީގަތަކީ ޓޫރިޒަމުން ޤައުމަށް ނުހަނު ގިނަ ފައިސާ ވަންނަކަމާއި، މައިގަނޑު ގޮތެއްގައި ދިވެހި ރިސޯޓު އޯނަރުން ވިލާތު ޖޫސް ހިއްޕަވާ ކަމާއި ސައިޑްކަޓް ޖައްސާކަން… މިބުނި އެއްޗެއް ވަރަށް ސާފުވާނެ ގިނަ މީހުންނަށް… އަދި ރިސޯޓުތައް ދީން ކުރިއަރުވާ ޢިލްމުވެރިންނަށް “ނުފެނި” ދެމިތިބުމަކީ ރާއްޖޭގައި “ދީން” މައިގަނޑުގޮތެއްގައި ސިޔާސީ ހަތިޔާރަކަށް ބޭނުންކުރާކަން އެނގި ހާމަވާ ހެއްކެއް ކަން. ވަރަށް ސަލާމް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

21 May 2021

ވަކި ދާއިރާއެއްގެ ބަޔަކު އެންމެ ބޮޑު ގުރުބާނީއެއް ވަނީއެކޭ ނުބުނެވޭނެ.. ކޮންމެ ދާއިރާއެއްވެސް އެއީ ގައުމަށް މުހިއްމު ދާއިރާތަށް.. ގައުމަށް މިވެނި ދާއިރާއެކޭ އެންމެ ބޮޑު ގުރުބާނީއެއްވަނީއޭ ކިޔާފަ ވާހަކަ ދެއްކުން ރަނގަޅެއް ނޫން.. ފުލުހުން، ސިފައިން، ކަސްޓަމްސް، އެމްޕީއެލް، އެއާރޕޯޓް، އިމިގްރޭޝަން، ވެމްްކޯ، އެމްޓީސީސީ، އަމިއްލަ ވިޔަފާރިތައް މިހެން ގޮސްކިޔާނެ ކަމެއް ނެތް ހުރިހާ ދާއިރާތައްވެސް އެބަޔަކަށް ވީވަރަކުން ގައުމަށް ހިދުމަތް ކުރޭ..