ކުއްޖަކު ލައްވައި ހަށިވިއްކުވި މައްސަލައިގައި ހައްޔަރުކުރި އަޝްމަލީގެ ބަންދަށް 10 ދުވަސް

ކޯޓަށް ހާޒިރުކުރުމަށް ފަހު އަޝްމަލީ، ލަންކާގެ ފުލުހުންގެ ބެލުމުގެ ދަށުން ގެންދަނީ-- ފޮޓޯ: އޭއެފްޕީ

މާއިދާ މުހައްމަދު ރަޝާދު، މިހާރު

05 ޖުލައި 2021 - 20:30

ސްރީ ލަންކާގެ މައުންޓް ލެވީނިއާ ސަރަހައްދުގައި ކުޑަ އަންހެން ކުއްޖަކު ލައްވައި އެތައް ދުވަހެއް ވަންދެން ހަށި ވިއްކުވި މައްސަލައެއްގައި ހައްޔަރުކުރި ދިރާގުގެ ކުރީގެ ޗެއާމަން އަދި ފިނޭންސް މިނިސްޓްރީގެ ކުރީގެ ސްޓޭޓް މިނިސްޓަރު މުހައްމަދު އަޝްމަލީގެ ބަންދަށް 10 ދުވަސް ކޮލަމްބޯ ފޯޓް މެޖިސްޓްރޭޓް ކޯޓުން މިއަދު ދީފި އެވެ.

ސީރިއަސް މި މައްސަލައިގެ ތުހުމަތަށް މިހާތަނަށް ހައްޔަރުކުރި 32 މީހުންގެ ތެރެއިން ދިވެއްސަކަށް ހިމެނެނީ އަޝްމަލީ އެކަންޏެވެ. އަދި މިއަދު މެންދުރު ފަހު އަޝްމަލީގެ ބަންދުގެ މުއްދަތު އިތުރުކޮށްފައިވާ ކަމަށް ވިދާޅުވި އެވެ.

އަޖިތު ވިދާޅުވި ގޮތުގައި އަޝްމަލީ ހައްޔަރުކުރީ ކުއްޖާއާ ޖިންސީ ގުޅުން ހިންގަން ދިޔަ ކަސްޓަަމަރެއް ކަމަށް ތުހުމަތު ކުރެވިގެންނެވެ. އަދި ހަށިވިއްކުމުގެ ނެޓްވޯކަށް އެހީތެރިވި މީހެއް ކަމަށް ތުހުމަތު ކުރެވޭ ކަމަށް ވިދާޅުވި އެވެ.

އިންޓަނެޓް މެދުވެރިކޮށް އަންހެން ކުއްޖާ ގަތުމުގެ ތުހުމަތުގައި އަޝްމަލީ ހައްޔަރުކޮށް ބަލަމުން ދަނީ ކުޑަކުއްޖެއްގެ ބޭނުން ޖިންސީ ގޮތުން ނަހަމަ ގޮތުގައި ހިފުމުގެ މައްސަލައެއްގެ ގޮތުގަ އެވެ. އަޝްމަލީ އެ ކުއްޖާއަށް ޖިންސީ ގޯނާ ކުރިކަން އަދި ސާފެއް ނުވެ އެވެ. އަޝްމަލީގެ އިތުރުން އެ މައްސަލައާ ގުޅިގެން ކުއްޖާގެ މަންމަ އާއި އޮޓޯ ޑްރައިވަރަކާއި ކާރު ޑްރައިވަރަކާއި ފާދިރީއަކާއި ގަހަނާގެ ވިޔަފާރިކުރާ މީހެއްގެ އިތުރުން އެ ކުއްޖާ ވިއްކަން ހޮޓަލުން ކޮޓަރި ހަމަޖެއްސި އެ ހޮޓަލުގެ މެނޭޖަރު ވެސް ހައްޔަރުކުރި މީހުންގެ ތެރޭގައި ހިމެނެ އެވެ.

ސްރީ ލަންކާ ކުދިންނަށް ޖިންސީ ގޯނާކުރުން

21 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފުޅު3

07 July 2021

އަޝްމަލީ ރަނގަޅެކޭ ނުބުނަން. އަދި އޭނާ އަކީ ހަށި ގަތް މީހެއް ކަމަށް ވެސް ބެލެވޭ. މީނާ އަކީ މޯލްޑިވްސް ފޯމރ ފިނޭންސް މިނިސްޓަރ އޭ ކިޔައިގެން ސިލޯނު ނޫސް ތަކުން ފޯރިއަރުވާ ތަން މި ފެންނަނީ! އެ ކުއްޖާ އމ ދަރި ވއކ ވާހަކަ ސިލޯނު ނޫސްތަކުން އެހާ ފޯރީގަ ނުކިޔަނީ ކީއްވެ ކަމެއް ނޭނގެ؟ ދިވެހިންނަށް ސިންގަޅައިންނަކީ ކޮން ބައެއްކަން މިހާރު އިނގެންވާނެ1

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތްހަލާކު

06 July 2021

މަތީގައިވާ ފޮޓޯ ފެނުމުން ހިތަށް ކުރިއަސަރު ބުނެދޭންވެސް ނޭނގުނު. މޫނު ނުފެންނަހެން ކެމެރާއަށް ފޮރުވެން ކިތަންމެ މަސައްކަތެއްކުރިއަސް އެއީ ކާކުކަން އެންމެނަށްވެސް އެނގޭނެ. އަހަރެމެން މީސްތަކުންދެކެ ލަދުގަންނައިރު އަހަރެމެންގެ ވެރި ރައްބު، ވެރި ރަސްކަލާނގެއަށް ބިރުވެތިވެ ލަދިވެތި ނުވެވޭކަމީ ކަރުނައަޅާ ރޯން ޖެހޭވަރުގެ ކަމެއް. އަޝްމަލީއަށް އަންހެނުން ނުލިބެނީތަ ތިވަރުގެ ކަމެއްގައި ބައިވެރިވީ؟