ވެސްޓިން ރިސޯޓުގެ މުވައްޒަފުން އެދުމުން ތުުނބުޅި ބެހެއްޓޭ ގޮތް ހަދައިފި

ވެސްޓިން ރިސޯޓު: އެ ރިސޯޓުން ވަނީ މުވައްޒަފުން އެދުމުގެ މަތިން ތުބުޅި ބެހެއްޓުމުގެ ހުއްދަ ދީފަައި-- ފޮޓޯ: ވެސްޓިން މޯލްޑިވްސް

އިދުހާމް ނައީމް، މިހާރު

09 ޖުލައި 2021 - 14:39

14 comments

ދުނިޔޭގެ އެންމެ ބޮޑު އެއް ހޮޓެލް ޗެއިން ކަމަށްވާ، މެރިއެޓް އިންޓަނޭޝަނަލް އިން ރާއްޖޭގައި ހިންގާ ދަ ވެސްޓިން މޯލްޑިވްސް މިރިއަންދޫ ރިސޯޓުގެ މުވައްޒަފުންނަށް ތުނބުޅި ބެހެއްޓުމުގެ ހުއްދަ ދީފި އެވެ.

އެ ރިސޯޓުން މިގޮތަށް ހުއްދަ ދިނީ މުވައްޒަފުން އެކަމަށް އެދި ޕެޓިޝަނެއް ހުށަހެޅުމުންނެވެ. މިއީ ބޭރުގެ ކުންފުންޏަކުން ހިންގާ ރިސޯޓަކުން މުވައްޒަފުންގެ އެދުމުގެ މަތިން ތުނބުޅި ބެހެއްޓުމުގެ ހުއްދަ ދިން ފުރަތަމަ ފަހަރެވެ.

ރިސޯޓު މަސައްކަތްތެރިންގެ ހައްގުގައި މަސައްކަތް ކުރާ ޓޫރިޒަމް އެމްޕްލޯއީސް އެސޯސިއޭޝަން އޮފް މޯލްޑިވްސް (ޓީމް)ގެ ޖެނެރަލް ސެކްރެޓަރީ މައުރޫފް ޒާކިރު (މާއްޓެ) ވިދާޅުވީ މިއީ ރާއްޖޭގެ ޓޫރިޒަމަށާއި ރިސޯޓު މުވައްޒަފުންނަށް ލިބުނުު ވަރަށް ބޮޑު ކުރިއެރުމެއް ކަމަށެވެ. އަދި މެރިއެޓް ފަދަ ބޮޑު ކުންފުންޏަކުން ހިންގާ ރިސޯޓެއްގައި ތުނބުޅި ބެހެއްޓުމުގެ ހުއްދަ ދެވޭއިރު އެހެން ރިސޯޓުތަކުން ވެސް އެ ހުއްދަ ދެވެން ޖެހޭ ކަމަށް އޭނާ ވިދާޅުވި އެވެ.

ވެސްޓިން ރިސޯޓުން ވަނީ ތުނބުޅި ބެހެއްޓޭނގޮތަށް ނިންމައި ގައިޑްލައިނެއް ވެސް އާއްމުކޮށްފަ އެވެ. މި ގައިޑްލައިނުގައި ބުނެފައިވާ ގޮތުގައި ތުނބުޅި ބަހައްޓަން ޖެހޭނީ ޓްރިމް ކޮށް، "ގްރޫމް" ކޮށްފަ އެވެ. އަދި އެއްވަރަކަށް ތުނބުޅި ނުފަޅާނަމަ ނުވަތަ ގްރޫމްކޮށްފައި ނުބެހެއްޓޭ ނަމަ ތުނބުޅި ބާލަން ޖެހޭނެ ކަމަށް ވެސް ވަނީ ބުނެފަ އެވެ.

މިހާރު ވެސް ބައެއް ރިސޯޓުތަކުގައި މަސައްކަތް ކުރާ ބައެއް މުވައްޒަފުންނަށް ތުނބުޅި ބެހެއްޓުމުގެ ހުއްދަ ދެ އެވެ. ނަމަވެސް ޓޫރިސްޓުންނަށް ހިދުމަތް ދޭ ފްރޮންޓް އޮފީސް މުވައްޒަފުންނާއި ބަޓްލަރުންނާއި ވެއިޓަރުން ތުނބުޅި ބާލަން ޖެހެ އެވެ.

ރިސޯޓުތަކުގައި ތުނބުޅި ބެހެއްޓޭ ގޮތް ހަދައި ދިނުމަށް އެދި ރިސޯޓު މުވައްޒަފުން ވަނީ ރައީސަށް ހުށަހަޅަން ޕެޓިޝަނެއްގައި ވެސް ސޮއިކޮށްފަ އެވެ.

ޓޫރިޒަމް ރިސޯޓްތައް

14 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނޫން

11 July 2021

ފުރަތަމަ ރިސޯޓް ޖޭއޭ މަނަފަރު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖ‫ާސިމް ވަ ކޮލި

11 July 2021

ނ‫ިކަން ބަނގުރާ އެތެރެ ކުރުންވެސް ހުއްޓާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދު އިޙްސާން

10 July 2021

الحمد لله މިއީ ނިޢުމަތެއް/ގައުމުގެ ކަން ކަން ރަނގަޅުވާނީ އަޅުގަނޑު މެން ނަފްސްތައް އިސްލާހުކުރަން މަސަތްކަށް ކޮއްގެން. ސަހާބީން ގާއިމްވެ ތިބި ފަހުމް އަށް ރުޖޫއަވެގެން. ދުނިޔެޔާއި ދުނިޔޭގެ ވާހާ އެއްޗެށް މިލްކުވޮޑިގެން ވަނީ الله‎ އަށް. އަޅުގަނޑުމެންގެ އިލްމު އަދި އީމާންތެރިކަންް ދަށް ވުމުގެ ސަބަބުން ގަބޫލުކުރެވެނީ ރަލާ އޫރުމަސް ޓުއަރިޒަމް ސެކްޓަރ ގައި ބޭނުން ނުކޮށް ރަނގަޅުގޮތުގައި މެނޭޖެއް ނުކުރެވޭނެއޭ. ނަމަވެސް މިއީ ގޯސްވިސްނުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯލީކައު

10 July 2021

މޯދީބެގެވެސް މިހާރު ބޮޑު ތުނބުޅިއެއްހުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިކުރިމަތު

10 July 2021

ތުނބުޅި ބެހެއްޓުމާ ނުބެހެއްޓުމަކީ ދީނީކަމެއްނޫން. ބުނެވޭގޮތުގަ އަބޫޖަހުލުގެވެސް ހެޔޮވަރު ތުނބުޅިހުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބޭ

10 July 2021

އަދި ތިވަރަކުން ނުފުދޭ. ފައިކުރިވެސް ކަށިމައްޗާ ހަމައިން ބުރިކޮއްފަ ބެހެއްޓުމުގެ ހައްގު ލިބެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Coronavirus

10 July 2021

އަދި ޖެހޭނެ ފަޓާނީން އަޅައިގެން އުޅޭ ފޮތިގަޑުވެސް ބޮލުގަ އަޅަން. އޭގެ ފަހުން ޖުއްބާ ލާފަ ތިބެން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމީހ

10 July 2021

ކަލޯ. ގިނަރިސޯޓް ތަކުގަ ތިބެނީ ތިހެން. ޣައިރު މުސްލިމުން ހިންގާ ތަންތަނުގަވެސް. ކޮންމެހެން އިސްލާމް ދީނާ ގުޅުވާ މިކަން މަސްހުނިގަނޑަކަށް ހަދަން އުޅޭނޭ ކަމެއް ނެހތް. ތުނބުޅި ބެހެއްޓުމަކީ ފިރިހެނެއްގެ ފިރިހެންވަންތަކަމުން ޒީނަތްތެރި ވާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނުމެއް

10 July 2021

ކޮންމެ މީހަކު ވެސް ފަހުރުވެރި ވެލާފައި ބުނަނީ 100% މުސްލިމު ގައުމެއް ކަމަށް..... މައްސަލައެއްނެތް..... އެކަމަކުވެސް ދުނިޔޭގެ އެކިއެކި ގައުމުތަކުން އެމީހުންގެ ދީނީ ކަންކަމުގައި ހުންނަ ކަންތައްތައް މަނާކުރެވޭނެ އެއްވެސް އުސޫލެއް ނުގެންގުޅޭ..... އެކިކަހަލަ ތާޖު ތަކާއި ބޮޑު މަތިމަސް ޖަހައިގެން އެއުޅެނީ ސާވިސް ދާއިރާގައި ވެސް ..... ތުނބުޅި ރީތިކޮށް ދިގުކޮށް ބެހެއްޓުމަކީ ރަސޫލާގެ ސުންނަތުގައި ހިމެނޭ ކަމަކަށް ވާއިރު ދިވެހިންނަށް އެކަން ވެސް މަނާ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުއްބާ

10 July 2021

100% މުސްލިމު ގައުމެއް ކަމުގަވަންޏާ، ރާއްޖެއައް ފަތުރުވެރިން ކަމުގަ އެތެރެވެވެންޖެހޭނީވެސް ހަމައެކަނި 100% މުސްލިމު ފަތުރުވެރިންނައް އެކަނި. އޭރުން ރާއްޖެއައް އެއްވެސް ނަސޯރާއެއް ޔަހޫދީއަކައް ހިންދޫއަކައް ޑޮލަރު ހިފައިގެން ރާއްޖެ އެތެރެއެއް ނުވެވޭނެ. މި ގަވާއިދައް އަމަލުކޮއްލަން ކެރިދާނެތޯ؟؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމެރިކާ

09 July 2021

ހުރިހާ ރިސޯޓެއްގެ މުއަޒަފުންވެސް މިއޮތައް މަސައްކައް ކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކަސަކަ

09 July 2021

ބޭރު މެނޭޖްނަންޓު ތަކުން ހިންގާ އެހެން ބައެއް ރިސޯރޓްތަކުގައިވެސް ތިޔަ ހުއްދަ ދީފައި އެބަހުރި. ޓީމުން މާ މޮޅުބައެއްކަމަށް ދެއްކެން ކްރެޑިޓް ނަގަން އުޅޭނެކަމެއް ނެތް!