14 ޖުލައި 2021 - 22:12
6 comments
ޖިންސީ ގޯނާއާއި ރޭޕްގެ ތުހުމަތުގައި ދައުވާ އުފުލާފައިވާ ކުރީގެ ޓޫރިޒަމް މިނިސްޓަަރު އަލީ ވަހީދުގެ ޕާސްޕޯޓު ހިފެހެއްޓުމަށް ކްރިމިނަލް ކޯޓުން އަމުރެއް ނެރެދިން މައްސަލަ ހައިކޯޓުގެ ރަޖިސްޓްރާ ބަލައިނުގަތުމުން އެ މައްސަލަ ރިވިއުކޮށްދިނުމަށް ޕްރޮސެކިއުޓާ ޖެނަރަލް އޮފީހުގެ ފަރާތުން އެ ކޯޓަށް ހުށަހަޅައިފި އެވެ.
ޓޫރިޒަމް މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާކުރި ކަމަށް ބުނާ މައްސަލައިގައި ހަތް ދައުވާއެއް ކޮށްފައިވާ އަލީ ވަހީދު މިދިޔަ ފެބްރުއަރީ މަހު ބޭސްފަރުވާ އަށް ރާއްޖެއިން ބޭރަށް ވަޑައިގަތުމަށް ހަތަރު މަހަށް އޭނާގެ ޕާސްޕޯޓު ދޫކޮށްލަން ކްރިމިނަލް ކޯޓުން ވަނީ އަމުރުކޮށްފަ އެވެ. އެ މުއްދަތުގައި ވެސް އޭނާ އަނބުރާ ރާއްޖެ ވަޑައެއް ނުގަނެ އެވެ.
އޭނާގެ ޕާސްޕޯޓު ދޫކުރި މުއްދަތު ހަމަވުމުން އޭނާގެ ޕާސްޕޯޓް ހިފެހެއްޓުމުގެ އަމުރަކަށް ފުލުހުން އެދުނީ، މިދިޔަ މަހުގެ 23 ވަނަ ދުވަހު އެވެ. ނަމަވެސް، އެކަމާ މެދު ގޮތެއް ނުނިންމައި ހަފްތާއަކަށް ވުރެ ގިނަ ދުވަސްވީ ފަހުން ގާޒީ ހަސަން ސައީދު ނިންމެވީ އަމުރެއް ނެރެނުދޭށެވެ.
ގާޒީ ހަސަން ސައީދުގެ އެ ނިންމެވުން ޕީޖީ އޮފީހުން ހައި ކޯޓުގައި އިސްތިއުނާފު ކުރަން މިދިޔަ ބުރާސްފަތި ދުވަހު ހުށަހެޅި އެވެ. ނަމަވެސް، ސުޕްރީމް ކޯޓުގެ ކުރީގެ ގަޒިއްޔާއަކާ ހަވާލާ ދެއްވައި މިއަދު ހައި ކޯޓުގެ ރަޖިސްޓްރާ ނިންމަވާފައި ވަނީ އެ މައްސަލަ އަލީ ވަހީދުގެ ޣައިރު ހާޒިރުގައި ކުރިއަށް ނުގެންދެވޭނެތީ އެ މައްސަލަ އެ ކޯޓަށް ބަލައިގަނެވެން ނެތް ކަމަށެވެ.
ރަޖިސްޓްރާ މިގޮތަށް ނިންމެވި ނަމަވެސް، އެ ނިންމުން އަދި ފަނޑިޔާރުންގެ މަޖިލީހުގައި އިސްތިއުނާފު ކުރެވިދާނެ އެވެ.
އަލީ ވަހީދުގެ ޕާސްޕޯޓް ދޫކޮށްލަން ކްރިމިނަލް ކޯޓުން ކުރިން ނިންމި މައްސަލަ، ދައުލަތުން މަތީ ކޯޓުތަކުގައި އިސްތިއުނާފުކުރި ނަމަވެސް، އޭނާ އުޅޭ ތަނެއް ނޭނގިގެން މައްސަލަ ނުބޭއްވުނެވެ. ހައި ކޯޓާއި ސުޕްރީމް ކޯޓުން ނިންމީ އަލީ ވަހީދުގެ ޣައިރު ހާޒިރުގައި އެ މައްސަލަ ކުރިއަށް ނުގެންދެވޭނެ ކަމަށެވެ. ނަމަވެސް، އޭނާ ކޯޓަށް ހާޒިރުވެއްޖެ ނަމަ އަދިވެސް އެ މައްސަލަ ކުރިއަށް ގެންދެވިދާނެ އެވެ.
އަލީ ވަހީދު، އިނގިރޭސި ވިލާތުގައި ހުންނަވައިގެން އޭނާގެ ޝަރީއަތް އޮންލައިންކޮށް ކުރިއަށް ގެންދަން އޭނާ އެދިވަޑައިގަތުމުން ކްރިމިނަލް ކޯޓުން ވަނީ އެ ގޮތް ހަމަޖައްސައިދީފަ އެވެ. އެއީ ގާނޫނާ ހިލާފު ކަމެއް ކަމަށް ބުނެ އެ ނިންމުން ދައުލަތުން ހައި ކޯޓުގައި އިސްތިއުނާފު ކުރުމުން އެ ކޯޓުން ނިންމާފައި ވަނީ އެ މައްސަލަ ނުބެލޭނެ ކަމަށެވެ. މިހާރު އެ މައްސަލަ ސުޕްރީމް ކޯޓުގައި އިސްތިއުނާފު ކުރަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮހޮނު
15 July 2021
އެދުވަހު ރައީސް އޮފީހުގަ ރައީސއމީހާ ކަރުނަ ކަކުލާ ހިސާބައްބާލައިގެން އިނީ , ކީއްވެކަން މިއަދު މިއެގެނީ, ހަމަ ތޮއްޑޫ އަލީވީމަ
އުތެއަންމާ
15 July 2021
މަބުނީ ނެތްހޭ އަންހެނުންގެ ހައްޤުގަ އުޅެ ހޭކެނޑޭކަމަށް ނަންވެ ފައިސާ ލިބެމުންދާ "ޖަމިއްޔާ" ތަކުގެ އަޑެއްވެސް މި ވަރަށް މި މައްސަލަ ކުރިޔަށް ނުގެންދެވިގެން އުޅޭ އިރަކު.
ށަސި
14 July 2021
މި ޑްރާމާގެ ސްކްރިޕޓް ލިޔާ މީހުންވެސް ފޫހި ނުވާކަން.
ޖަރުމަނު ސަފީރު
15 July 2021
އަދި އެތައް ބައެއްގެ ހައްޤު ހިމާޔަތް ކުރެވޭތޯ ދައުލަތުގެ އެއް މުއައްސަސާއިން ކުރާ މަސައްކަތުގައި ސާބިތުވެ ތިބިކަން. އަދި އެކަން ފޭލިކޮށްލާ، ފޫހިކޮށްލާ، މީހުންގެ ސަމާލުކަން ކުޑަކޮށްލާ، މައްސަލަ "ހިންދާލަން" ބައެއް މީހުންކުރާ މަސައްކަތްވެސް ދޯ.
ވޯޓަމެލަން
14 July 2021
ސަހާދެއް މިބުނީ މީނާގެ ވާހަކަ އިރުއިރުކޮޅާ ނޫހުގާނުޖަހާބަލަ. އެންމެނަށްވެސް އެނގޭ މީ ކުޅޭކުޅޭ ޑުރާމައެއްކަށް. މިހާރު މިފަދަ ޑުރާމާތަކަށް ދިވެހިންގެ އެއްވެސް ޝައުގެއް ނެތް.
ޓައްޕު
15 July 2021
އަސްލު މިލިޔެވެނީ ސަރުކާރު ވަޒީފާގައި ެުޅުނު 17 އަންހެނެއްގެ އިއްފަތްތެރިކަމާ ކުޅެލި، އަބުރަށް ގެއްލުންދިންކަމަށް ތުހުމަތު ކުރެވޭ މީހަކާ ދެކޮޅަށް، ޤައުމެއްގެ ޕުރޮސިކުއުޓަރު ޖެނެރަލް ކުރަމުންދާ މިންނެތް މަސައްކަތް، ދަެުލަތުގެ ބައެއް ބާރުތަކުން އަޅާ ހުރަސްތަކާވެސް ދެކޮޅަށް. މަށަށް ކަމެއް ނުވެޔޭ އެހެންވީމާ ކަނޑާ ހަމަޔޭ ބުނާ އުސޫލުން މި މައްސަލަ އޮއްބާލެވިގެން ނުވާނެ.