ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

މާލޭގެ ބޮޑެތި މަގުތަކުގައި ތާރު އެޅުމުގެ ހުއްދައަށް އެދިއްޖެ

މާލެ ސިޓީ ކައުންސިލުން ކުރިއަށް ގެންދާ މާލޭ ސްޓްރީޓް ސްކޭޕިންގް ޕްރޮޖެކްޓްގެ ދަށުން ހަދަމުން ގެންދާ މަގެއް --- ފޮޓޯ؛ މާލެ ސިޓީ ކައުންސިލް

މަރިޔަމް ޝަހުދާ، މިހާރު

17 އޯގަސްޓް 2021 - 13:27

4 comments

މާލޭގެ ބޮޑެތި ހުރިހާ މަގެއް ތާރުއަޅައިގެން ހެދުމުގެ ހުއްދައަށް ސަރުކާރުގައި އެދިފައިވާ ކަމަށް މާލޭގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.

މުއިއްޒު ކުރެއްވި ޓުވީޓެއްގައި ވިދާޅުވީ، މާލޭގެ ބޮޑެތިމަގުތަކުގައި ތާރު އެޅުމުގެ ހުއްދަ އަވަހަށް ލިބޭނެ ކަމަށް އުންމީދުކުރައްވާ ކަމަށެވެ. މި ހުއްދަ އަށް ކައުންސިލުން އެދުނީ ކޮން އިރަކު ކަމެއް ނޭނގެ އެވެ.

މުއިއްޒުގެ ޓްވީޓްގައި ހެންވޭރުގެ މަގުތައް ހަދަން ސިޓީ ކައުންސިލް ރާވާފައިވާ ގޮތުގެ މައުލޫމާތު ހާމަކުރައްވާފައިވެ އެވެ. މުއިއްޒު ވިދާޅުވި ގޮތުގައި ހެންވޭރުގެ މަގުތައް ހެދުމުގެ މަސައްކަތް މިއަދު ވަނީ ފަށައިފަ އެވެ.

ސިޓީ ކައުންސިލުން ކުރިޔަށްގެންދާ މާލޭގެ މަގުހެދުމުގެ މަޝްރޫޢުގެ ދަށުން ހެންވޭރުގެ ބައެއް މަގުތަކާއި ގޯޅިތައް ހަދަން މިއަދު ފަށާނެ.އަދި ތާރުއަޅައިގެން މާލޭގެ ބޮޑެތި ހުރިހާ މަގެއް ހެދުމުގެ ހުއްދައަށް ސަރުކާރުގައިވާނީ އެދިފައި. އުއްމީދަކީ އެ ހުއްދަ ވީހާވެސް އަވަހަކަށް ލިބިގެންދިޔުން pic.twitter.com/lRaWuuIDJl
— Dr Mohamed Muizzu (@MMuizzu) August 17, 2021

ކައުންސިލުން މިއަދު ފެށި މަސައްކަތުގައި ހެންވޭރުގެ 12 މަގެއް ހަދާނެ އެވެ. މުއިއްޒުގެ ޓުވީޓާ އެކު ހިއްސާކުރެއްވި ލިއުމުގައި ވާގޮތުން މި 12 މަގުގެ މަސައްކަތް ނިންމަން 217 ދުވަސް ނަގާނެ އެވެ. އަދި މި ކަމަށް 36.8 މިލިއަން ރުފިޔާ ހަރަދުވާނެ އެވެ. މިއީ 1.97 ކިލޯމީޓަރުގެ މަގު ހެދުމަށެވެ.

މާލޭގެ ބޮޑެތި މަގުތަކުގައި ތާރުއަޅައިގެން ހެދުމުގެ މަސައްކަތަށް ރައްޔިތުންނާ ބައްދަލުވުންތަކުގައި ކައުންސިލުން ވަނީ އާންމުންގެ ހިޔާލު ވެސް ހޯދައިފަ އެވެ.

މާލެ ސިޓީ ކައުންސިލް މަގު ހެދުން ޑރ. މުހައްމަދު މުއިއްޒު، މާލޭގެ މޭޔަރު

4 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުދުހޭ

18 August 2021

ރޯޑް ޑިވެލޮޕްމަންޓް ކޯޕަރޭޝަން މީދެން ކީއްކުރާ ތަނެއް؟ ފަޅައިގެން ވައްކަންކުރަން ހުންނަ ތަނެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޑުވާދިނަސް

18 August 2021

އެއްސަރުކާރަކުންވެސްް މާލޭސިޓީގެ މަގުތަކައްތާރުއަޅާކައް ހުއްދައެއްނުދޭނެ! އެއީމެލޭސިޔާއިންގާގެނެސްގެން އެއިރެއްގަމަގުހަދާބަޔަކައްބޮޑުއަގުގަ ގާވިއްކުމުގެ ނާޖާއިޒު ފައިދާ ނަގަމުންދާ ގުރޫޕައް އެކަންނުކުރެވޭނެތީއެވެ!!