ހިޔާ މަޝްރޫއުގެ ދަށުން ހުޅުމާލޭގައި އިމާރާތްކޮށްފައިވާ ޓަވަރުތަކެއް: ކަރަންޓު ދިނުން މެދުކަނޑާލީ އެޗްޑީސީއާ މަޝްވަރާ ކުރުމަށްފަހު ކަމަށް ސްޓެލްކޯއިން ބުނޭ. -- ފޮޓޯ: އަހުމަދު އަވްޝަން/ މިހާރު
20 އޯގަސްޓް 2021 - 14:09
2 comments
ހިޔާ ފްލެޓުގައި ކަރަންޓު ދޭން މިއަދު ނިންމާފައިވާ ދެ ޓަވަރުގެ ލިފްޓުތަކަށް ދިމާވި ޓެކްނިކަލް މައްސަލައަކާ ގުޅިގެން ކަރަންޓު ދިނުން މެދުކަނޑާލާފައިވާ ކަމަށް ސްޓެލްކޯ އިން ބުނެފި އެވެ.
އެ ކުންފުނިން އަންނަނީ ކޮންމެ ދުވަހަކު ދެ ޓަވަރަށް ކަރަންޓު ދެމުންނެވެ. މިއަދު ކަރަންޓު ދޭން ނިންމާފައި ވަނަ ތިން ވަނަ ޓަވަރާއި ހަތަރު ވަނަ ޓަވަރަށެވެ.
ސްޓެލްކޯ އިން ބުނީ ކަރަންޓު ދިނުން މެދުކަނޑާލާފައި ވަނީ އެޗްޑީސީއާ މަޝްވަރާ ކުރުމަ ށްފަހު ކަމަށެވެ. އަދި ލިފްޓަށް ދިމާވި މަައްސަލަ ކޮންޓްރެކްޓަރާ ގުޅިގެން ހައްލު ކުރުމަށް އެޗްޑީސީން މަސައްކަތް ކުރަމުން އަންނަ ކަމަށް ވެސް އެ ކުންފުނިން ބުންޏެވެ.
މި މައްސަލަ ހައްލުކޮށް އެ ދެ ޓަވަރަށް ކަރަންޓު ދިނުމުގެ މަސައްކަތް ދެން ކުރިއަށް ގެންދާނެ ދުވަހެއް، އެ ޓަވަރުތަކުން ފްލެޓް ލިބުނު މީހުންނަށް އެސްއެމްއެސް އަދި ސޯޝަލް މީޑިއާ މެދުވެރިކޮށް އަންގާނެ ކަމަށް ވެސް ސްޓެލްކޯ އިން ބުންޏެވެ.
ހިޔާ މަޝްރޫއުގެ ދަށުން ފްލެޓް ލިބުނު މީހުންނަށް ތަޅުދަނޑި ހަވާލު ކޮށްފައިވާއިރު ބައެއް ފްލެޓުތަކުގެ އިންޓީރިއާ މަސައްކަތް ވެސް މިހާރު ވަނީ ފަށައިފަ އެވެ. މި މަސައްކަތް ނިންމަން ޑިސެމްބަރު މަހުގެ ނިޔަލަށް ވަނީ ފުރުސަތު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމެރިކާ
20 August 2021
ހަގީގަތުގަ ކަލޭމެންގެ ބޭނުމަކީ ފްލެޓުތަކުގެ އަގުވައްޓަލުން މިކަމުން ލިބޭނީ ރައްޔިތުންނަ ގެއްލުން
ިހިޔާފުލެޓު ލިބުނު ފަރާތެއް
20 August 2021
ޢެހެން ހުރިހާ ފަރާތްތަކުން ނިންމަންޖެހޭ ކަންކަން މިދަނީ އަބަދުވެސަ ލަސްވަމުން. ފުލެޓު ތަޅުދަނޑި ހަަވާލުކުރަން 3 މަސް އަދިވެސް އެކަން ނުނިމޭ. ޢެެކަމަކު ފުލެޓު ލިބުނު ރައްޔިތުމީހާ އެންމެ 3 މަސްތެރޭގަ ފިނިޝިންގ ނިންމަންޖެހޭ. ރައްޔިތުމީހާ ކުރަންޖެހޭ ފިނިޝިންގ މަސައްކަތުގައި އެއްވެސް ޓެކްނިކަލް މައްސަލައެއް ވެސް ޖެހިގެންނުވޭ. މީ ކޮންފަދަ އިންސާފެއްތޯ؟