ކެފޭ އުސޫލުން ޑްރަގު ވިޔަފާރިކުރާ ގެއެއްގެ ވެރިފަރާތަކަށް ފުރަތަމަ ފަހަރަށް ދައުވާކޮށްފި

ކެފޭ އުސޫލުން ޑްރަގް ވިޔަފާރި ކުރާ ހ. ލޮނުމިދިލިގޭގެ އެތެރެ -- ފޮޓޯ: ހުސެއިން ވަހީދު/މިހާރު

ނަޖާހް މަސްއޫދު، މިހާރު

02 ސެޕްޓެމްބަރ 2021 - 15:10

ކެފޭ އުސޫލުން ޑްރަގު ވިޔަފާރި ކުރަން ބޭނުން ކުރާ ކަމަށް ބުނާ ގެއެއްގެ ވެރިފަރާތަކަށް ފުރަތަމަ ފަހަރަށް ޕީޖީ އޮފީހުން ދައުވާ ކޮށްފި އެވެ.

ފުލުހުން ބުނާ ގޮތުގައި ދަގަނޑު ދޮރު ޖަހައި ސެކިއުރިޓީ ވަރުގަދަކޮށްގެން މާލޭގައި ކެފޭ އުސޫލުން ޑްރަގް ބޭނުން ކުރަން މީހުން ދާ ވިއްސަކަށް ގެ މާލޭގައި އެބަ ހުއްޓެވެ.

ކެފޭ އުސޫލުން ޑްރަގުގެ ވިޔަފާރި ކުރަން ގެ ދިން ކަމަށް ބުނާ މައްސަލައިގައި ދައުވާ ކުރީ މ. ބްރައިޓްފްލާވާ ގޭގެ ވެރިޔާ ހުސެއިން ޔޫސުފްގެ މައްޗަށެވެ.

ޕީޖީ އޮފީހުން ބުނި ގޮތުގައި އޭނާއަށް ދައުވާ ކުރީ، އެ ގޭގައި މީހުން މަސްތުވާތަކެތި ބޭނުންކޮށް، ވިޔަފާރިކޮށް، ޕެޑަލްކުރާ ކަމަށް ގަބޫލު ކުރެވޭ ހާލަތު އޮވެ، ނުވަތަ އެގޮތަށް ގަބޫލު ކުރުމުގެ ފުރުސަތު އޮވެ، އެކަން ހުއްދަ ކޮށްފައިވާތީ ކަމަށެވެ. މިއީ މިފަދަ މައްސަލައެއްގައި ދައުވާ ކުރި ފުރަތަމަ ފަހަރެވެ.

ކެފޭ އުސޫލުން ޑްރަގް ވިޔަފާރި ކުރާ ގެއެއްގެ އެތެރެ -- ފޮޓޯ: ހުސެއިން ވަހީދު/މިހާރު

އޭނާގެ މައްޗަށް ކުރީ "ގެއެއް ނުވަތަ އިމާރާތެއް ނުވަތަ ގެއަކުން ނުވަތަ އިމާރާތަކުން ބައެއްގައި، ޖަދުވަލު އެކެއްގައިވާ މަސްތުވާ އެއްޗެއް ނުވަތަ ޖަދުވަލު ދޭއެއްގައިވާ މަސްތުވާއެއްޗެއް ޓްރެފިކް ކުރުމަށް ނުވަތަ ޕެޑަލް ކުރުމަށް ނުވަތަ އުފެއްދުމަށް ނުވަތަ އެއިން ކަމެއް ކުރުމަށްކަން ގަބޫލު ކުރެވޭ ހާލު، ނުވަތަ އެގޮތަށް ގަބޫލު ކުރާނެ ފުރުސަތު އޮވެ، އެތަނުގެ ވެރިފަރާތުން ނުވަތަ އެތަނެއްގައި އުޅޭ ފަރާތުން ނުވަތަ އެތަނެއްގެ މަސްއޫލިއްޔަތު އުފުލާ ފަރާތުން ހުއްދަ ދިނުން ނުވަތަ ހުއްދަ ކުރުމުގެ" ކުށުގެ ދައުވާ އެވެެ.

ކެފޭ އުސޫލުން ގެތަކުގައި ޑްރަގް ވިޔަފާރި ކުރަން ގެތަކުގެ ވެރިފަރާތްތަކުން އެއްބާރުލުންދޭތީ އެކަން ހުއްޓުވަން އުނދަގޫވާ ކަމަށް ވެސް ފުލުހުން ބުނެފައިވެ އެވެ. ނަމަވެސް، އެފަދަ ގެތަކަށް ގޭގެ ވެރިފަރާތް ނޫން މީހުން ވަނުން ހުއްޓުވޭނެ ގޮތެއް ފުލުހުންނަށް ގާނޫނީ ގޮތުން ނޯވެ އެވެ.

މަސްތުވާތަކެތި ޕީޖީ އޮފީސް ޑްރަގް ޓްރެފިކްކުރުން ހުސައިން ޝަމީމް (ޕީޖީ)

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަލޯ

03 September 2021

ޑްރަގް ހުއްޓުވޭނޭ ގާބިކުކަމެއް މިސަރުކާރަކު. ނެއް. ތިޔަ ކަހަލަ ކިތައް ސަތޭކަގެ މިމާލޭގައި އެބަހުރިތޯ. އެކަމަކު ތިޔައެޅުއްވީ ރަނގަޅު ފިޔަވަޅެއް. ތިއިން ގެއެއްގެ ހިސާބުގަނޑުގައި އުޅުމާ ނުކުޅަދާނަ ވާނެ. އެކަމަކު ޑްރަގު އެތެރެ ކުރާމީހުން ހިފާ ހައްޔަރު ނުކުރާޖާ ހިނދަކު މިކަމުން ސަލާމަތެއް ނުވެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިމަލް

03 September 2021

ކޮން ސަރުކާރެއްގަތަ ގާބިލުކަން ހުރީ؟ ތިބުނާ ސަރުކާރެއް އަދި ނުފެނޭ، ތި ބައިގަނޑު ހައްޔަރެއް ނުކުރެވޭނެ، ސަރުކާރުގެ ބޮޑުންނާއި، ބޮޑެތި ވިޔަފާރަވެރިންނާއި، މަޖިލިސް މެމްބަރުން ތިބެނީ ތީގެ އަޑީގަ، ދެން ތިކަމެއް ހުއްޓުވޭނެ ގޮތެއް އެބަ އޮތްތަ؟ ޖަލަށް ދާނީ އާދާއިގެ މީހާ އަބަދުވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

02 September 2021

ޥިޔަފާރީގެ އަޞްލު ކަނޑުވައިނުލާ ޑްރަގްގެ މައްސަލަ ހުއްޓުވަން މަސައްކަތް ކުރުމަކީ ފޫނެތްއެއްޗަކަށް ފެން އެޅުން. މަސްތުވާތަކެތީގެ ވިޔަފާރި އަޑިގައިތިބީ ސަރުކާރުގެ ބޮޑުންނާ މަޖިލިސްމެމްބަރުންނޭ ބުނޓީ އަޑުއިވެނީ. އަސްލެއްނެތް ވާކަތަކެއް އަބަދު އަބަދު ރައްޔިތުން ނުދައްކާނެ. ބޭކަރުމިހުން ރައްޔިތުން ހައްލަން އަރުވާ އަޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

02 September 2021

ރަނގަޅު ފެށުމެއް .... ސާބިތުވެ ދެތިން އަހަރުގެ ޖަަލު ހުކުމެއް އަންނަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 September 2021

ގިނަ ރައްޔިތުންގެ ޙައްޤާއި ރައްކާތެރިކަމަށްޓަކާ ދިރިއުޅުމާއި ގުދަން ނުވަތަ ވިޔަފާރީގެ ބޭނުމަށް ދޫކުރާތަންތަން އެގްރީމަންޓްކޮށް ސިވިލްކޯޓްގައި އެއްބަސްވުން ރެޖިސްޓްރީކޮށްގެން މެނުވީ 1 އަހަރަށްވުރެން ދިގު މުއްދަތަކަށް ކުއްޔަށްދިނުމާއި ހިފުމަކީވެސް ޖިނާއީ ކުށެއްކަމަށް ޤާނޫނުގައި ކަޑައަޅާންވީ ނޫންތޯ. # މިހާރުވެސް މާލެއިން ތަންތަން ކުއްޔަށް ހިފާމީހުން އެތަންތަނަށް އެޑްވާންސް ނުވަތަ ސިކިއުރިޓީ ޑިޕޮޒިޓްގއ ގޮތުގައި ދައްކާ ފައިސާ އަބުރާ ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިސާބު މީހާ

02 September 2021

ކޮބާ ތިޔަ ގޭގެ އެހެން ވެރިން؟ ތިޔަ ގެ ދަންނަން، އުޅެ ބޮޑުވި ހިސާބު ވީމާ. ތިޔަ ގޭގެ އެންމެ ވެރިޔަކަށް ތި ދައުވާ ކޮށްގެން ތިޔަ "ކެފޭ"ގެ ހިންގުން ހުއްޓޭނެ ހީއެއް ނުވޭ! ތިޔަ ގޯޅީގައި ހިނގާ ބިގާވެ، ނޭވާ ލާ އުޅެވޭ ވަރެއް ނޫން މިހާރު ތިޔަ "ކެފޭ"ގެ ބިރުވެރިކަމާއި އުދަގޫ ބޮޑުކަމުން. އެތަން މިތަނުން މީހުން އައިސް އަބަދު ހިސާބުގަނޑު ފުރާފަ. ހިސާބު އެހެން ގޭގޭގައި ވެސް ދިރިއުޅުން ބިރުވެރިކަމަކަށް ވެފައި މިހާރު އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮންޑޮނ

02 September 2021

މިތާ ކުށެއް ކުރުން ހުއްޓުވޭގޮތަށް ހަދާފަ އޮތީ ކޮން ގާނޫނެއްތަ. ޕާކު ކުރާނެ ތަނެއް ނުދައްކާ ޕާކު ކުރާ ސައިކަލުތަކަށް ޖުރިމަނާކުރެވޭ ގޭންގު މީހުން ނާ މަސްތުވާ އެއްޗެހި ވިއްކަ މީހުން ނުހިފެއްޓޭ. ގަވައިދާ ހިލާފަށް އެކި އެކި ވިޔަފާރި ކުރާ ބަންގުލަދޭސް މީހުންނާ ބޭރުމީހުން ނުހުއްޓުވޭ. ނިކަމެތި ރައްޔިތަކު މަޖުބޫރުވެގެން ގަވައިދާ ހިލަފު ކުޑަ ކަމެއްވާއިރަށް ހާހުން ޖޫރިމަނާކުރެވޭ. މީ އިންސާފު ހުރިވަރު މިތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

02 September 2021

ގިނަ ގޯތި ތަކަކީ ބަންޑާރަގޯތި ދައުލަތުން ދައުވާ ކުރެވިދާނެ އެފަދަ ގޯތި ގެދޮރު ދައުލަތަށް އަބުރާ ނެގުމަށް ގޯތީގެ ވެރިފަރާތުން ޑްރަގް ވިޔަފާރި ކުރަން އެއްބާރުދޭނަމަ ގޯތި އަތުލަން ދައުވާ ކުރަންވީނުންތޯ... ޑްރަގް ވިޔަފާރި ކުރުން ހުއްޓުވޭނެ ކިތަންމެ ގޮތެއް އޮއްވާ އެކަން ނުކުރަން ކިތަންމެ ބަހަނާތަކެއްވެސް ދެއްކިދާނެ