ކާނަލް ނަޝީދު ލަންޑަނުން ބައްލަވައިގަތް ގެ
14 ނޮވެމްބަރ 2017 - 15:49
62 comments
ރާއްޖެ އިން ތައިލެންޑަށް ކަނޑައެޅި ސަފީރު މުހައްމަދު ނަޝީދު (ކާނަލް ނަޝީދު) އިނގިރޭސި ވިލާތުގެ ލަންޑަނުން 57 މިލިއަން ރުފިޔާގެ (2.8 މިލިއަން ޕައުންޑް) ގެއެއް ބައްލަވައިގެންފި އެވެ.
ޑީއާރުޕީގެ ލީޑަރު ނަޝީދު "މިހާރު" އަށް މިއަދު ވިދާޅުވި ގޮތުގައި ބައްލަވައިގަތީ އިނގިރޭސި ވިލާތުގެ މުހިންމު ސަރަހައްދެއް ކަމަށްވާ ވެސްޓް ލަންޑަނުގެ ގެއެކެވެ. އެއީ ޓޫރިޒަމް ދާއިރާގައި ކުރައްވާ މަސައްކަތުން ލިބިވަޑައިގަންނަވާ އާމްދަނީން ބައްލަވައިގަތް ގެއެއް ކަމަށް އޭނާ ވިދާޅުވި އެވެ.
ކަނިފުށި އިންވެސްޓްމަންޓް ޕްރައިވެޓް ލިމިޓެޑާއި ކަނިފުށި ރިސޯޓުގައި އެގްޒެކްޓިވް ޑިރެކްޓަރުކަން ކުރެއްވި ނަޝީދު ވިދާޅުވި ގޮތުގައި އޭނާ އަކީ ކަނިފުށި ރިސޯޓުގެ އެއް ހިއްސާދާރެވެ.
ނަޝީދު ވިދާޅުވި ގޮތުގައި ލަންޑަނުން ގެއެއް ބައްލަވައިގަތީ ސިއްރުން ކުރެއްވި މުއާމަލާތެއްގެ ތެރެއަކުން ނޫނެވެ.
ޕީޕީއެމުން ބޭއްވި ޖަލްސާއެއްގައި ނަޝީދު (ވ) ބައިވެރިވެވަޑައިގަންނަވަނީ. - ފޮޓޯ: މިހާރު
"އަޅުގަނޑު ކުރި ބުރަ މަސައްކަތުން ހޯދި ގެއެއް އެއީ. މިއީ ކޮންމެ މީހަކު ވެސް މަސައްކަތް ކޮށްފިނަމަ، ނުވާވަރުގެ ކަމެއް ނޫން،" ނަޝީދު ވިދާޅުވި އެވެ.
ނޮޅިވަރަމު ދާއިރާގެ މެމްބަރުކަން 2009 އިން 2014 އަށް ކުރެއްވި ނަޝީދު އެމްޑީޕީގެ މެމްބަރެއްގެ ގޮތުގައި ހުންނެވުމަށް ފަހު ވަކި ހިސާބަކުން ޑީއާރުޕީއާ ގުޅިވަޑައިގަތީ އެވެ.
ނަޝީދު ވަނީ ކުރީގެ ރައީސް މުހައްމަދު ނަޝީދުގެ ސަރުކާރުގައި ރައީސް އޮފީހުގެ ޕޮލިޓިކަލް އެފެއާޒް ޑިވިޝަންގެ ސެކްރެޓަރީ ކަން ކުރައްވައިފަ އެވެ. ތިން އަހަރަށް ވުރެ ގިނަ ދުވަހު ދަރުމަވަންތަ ސްކޫލްގެ ޓީޗަރު ކަމަށް ވަޑައިގަތުމުގެ ކުރިން އޭނާ އެންމެ ފުރަތަމަ ވަޒީފާ އަދާ ކުރެއްވީ އެމްއެންޑީއެފްގަ އެވެ.
ނަޝީދު ވަނީ ބިޒްނަސް އެޑްމިނިސްޓްރޭޝަންގެ ދާއިރާ އިން މާސްޓާސް، އާޓްސް އިން ލިންގްއިސްޓިކްސް ދާއިރާ އިން ބެޗްލާސް ހާސިލް ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
16 November 2017
މަނީ ލައުންޑަރިން އަށް މަގުފަހިވާ ޒާތު މުއާމަލާތްތައް ވަރަށް ހަރުކަށިކޮށް ބަލާ ތަނެއް ލަންޑަނަކީ.. މި މައްސަލަ އެބަ ޖެހޭ ކަމާބެހޭ ފަރާތްތަކަށް އަންގާލަދޭން...
އިބްރާ
16 November 2017
ހިންގަން ނުފަށާ ރިސޯޓެއްގެ %5 ހިއްސާއިން 52 މިލިއަން ރުފިޔާގެ ގެއެއް! މަހަށްދޭ.
ސޭކުބެ
15 November 2017
ކާނަލް ކުރެއްވި ބުރަ މަސައްކަތެއް އަޅުގަޑަކަށް ހަމަ ނޭގުނު. ކާނަލްއެކޭ އެއްގޮތަށް އަޅުގަޑުވެސް 10000 ރުފިޔާއަށް ގުރުއަތު ބިޑެއް ގަތިން. އެފަހަރު ގުރުއަތުލައިގެން ރަށެއް ލިބުނު ނަސީބުވެރިއެއް ކާނަލްއަކީވެސް. ދެން އެރަށް ލިލީ ސްޓޯރ ޝިވާއަށް ދިނީ. އޭނަ އެރަށް ހެދީ. ކާނަލްއަށް އޮންނަނީ ވަރަށް ކުޑަ ހިއްސާއެއް. އަޅުގަޑު ގަބޫލުކުރަން އެރަށުން ލިބިލައްވާ ފައިސާއިން ގެއެއް ނިއުޔޯކުންވެސް ގަނެވިދާނެކަމަށް. އެކަމަކު މީ ކޮންމެ މީހަކަށްވެސް ކުރެވޭވަރު ކަމެކޭ ބުނީމާ އެއީ އެމީހާއަށް އެމީހ އޮޅިފަހުރި މިންވަރު. ކާނަލްއަކީ ވަރަށް ނަސީބު ރަގަޅު މީހެއް. އެކަމާ ޝުކުރުވެރިވޭ! އަޅުގަޑު ގަދައަށް ހަދާން އެބަހުރި މަދުފައިސާކޮޅަކަށް ދަރުމަވަންތަ ސްކޫލް ޓީޗަރަކަށް އުޅުއްވި ދުވަސްވެސް އަދި އަޅުގަޑުމެން އަތުން ފައިސާ ހޯއްދަވައިގެން މަޖިލިސްއަށް ނުކުންނަވަން މަސައްކަތް ކުރެއްވި ދުވަސްވެސް. އެކަމަކު މިއަދު އެހަދާން ކާނަލް ހުރި ކަމެއް ނޭންގެ!
މުސްތަފާ
15 November 2017
ކުރެއްވިދިގުއިންތިޒާރުގެނަތީޖާގެ މިސްރާބުބާއްޖެވެރި
މިއަދު ޚަބަރު
15 November 2017
ޑީއާރުޕީން އެމްޓީސީސީ އަށް 1.1 މިލިއަން ދައްކަން ޖެހޭނެ: ހައި ކޯޓު
މަރީ
15 November 2017
ހަމަވެދާނެ ތީ އަމިއްލައަށް ކޮށްފައިވާ ހަލާލު ބުރަ މަސައްކަތުން ގަންފައިވާ ގެއެއްކަމަށްވެސް. އެހެންވެއްޖެއްޔާ ވީ އެކަމަށް ޝުކުރުކުރަން. އޭގެ ބަދަލުގައި މިއީ ކޮންމެ މީހަކުވެސް މަސައްކަތް ކޮއްފިއްޔާ ނުވާނެ ވަރުގެ މަކެއް ނޫނޭ ކިޔައިގެން ފޮނި ކެނޑީމަ ކަމަކު ނުދޭ. ނަޝީދަށް ވުރެއް މާބުރަ މަސައްކަތްކުރާ ބައިވަރު މީހުން އެބައުޅޭ. އެކަމަކު ރާއްޖޭގަ ކަންކަން މިއޮންނަގޮތުން ކޮންމެހެއް ކުރިއަރާ ރިޒޯޓާ، ފައިސާ އާ ލިބެނީކީ އެންމެ ބުރަ މަސައްކަތްކުރާ މީހަކަށް ނޫންކަން އެންމެނަށްވެސް އެނގޭ ދޯ. ތިވަރުގެ ބޮޑެތި ނުއުމަތް މާތްﷲ މިންވަރުކުރީމަ ހިތްތިރިކޮށް ޝުކުރުވެރިވުން އެއީ ވަރަށް މުހިންމުކަމެއް.
އުނބުށެން
15 November 2017
ޓީޗަރެއްވިޔަސް ފިލްމު ކުޅޭ މީހެއް ވިޔަސް ސިޔާސީ ދާއިރާއަށް ނުކުތުމާއެކު ބޮޑު މަހުޖަނަކަށްވަނީ ކިހިނެއްބާވައެވެ. އެ ބުނާ ރިސޯޓަކީ ކޮން ހާލަތެއްގައި ކޮން އިރަކު ކީއްވެގެން ލިބުނު ތަނެއްކަން އެނގޭނެ މީހުންވެސް ތިބޭނެހެން ހީވެއެވެ. އިންވެސްޓްކުރާނެ ފަރާތެއް ހޯދައިގެން ރިސޯޓް ހަދަން ފަޅުރަށްތައް އަމިއްލަ ފަރުދަކަށް ދިނުމުގެ ބަދަލުގައި އެކަން ކުރެވޭވަރުގެ ބަޔަކަށް ދައުލަތް ހިއްސާވާ އެމްޓީޑީސީ ފަދަ ތަނެއް މެދުވެރިކޮށްގެން ނަމަވެސް ނުދޭންވީ ކީއްވެބާވައެވެ.
ޝަލޫ
15 November 2017
މަރުޙަބާ ކާނަލް. ހަޖަމު ނުކުރެވޭ މީހުންވެސް ދުނިޔޭގަ އުޅޭނެ. މީހަކަށް އެއްޗެއް ކިޔަންވެއްޖެޔާ ތަނެއް ދޮރެއް ނުބަލަ ހަމަ ހަބޭސް ދޯ. ބަލަ ކާނަލް ކޮއްދިން ކަންކަން ނުފެންނަ ނޭންގޭ މީހުނަށް ބުނަން އޮތީ ކާނަލް މަޖްލީހުގައި މަސައްކަތް ކުރި އިރު އެއޮއްހާ ލާރި ނުނަގާ އެތައް ދުވަހެއް ވަންދެން ހުރިކަން ދެނެހުރީމުހެއްޔޭ. ހަމަ ހިލާ ތި އަނގަތަޅާ އެކަކުވެސް އެހާ ގިނަލާރި ލިބެން އޮއްވާ ދޫނުކުރާނެ. ޢަބަދުވެސް މީހުންނަށް ބަދުބަސް ބުނަން އާދަވެފަ ތިޔަތިބެނީ. ރަގަޅު ކަމެއްގެ ވާޙަކަ ކޮންމެސް ނުދައްކާތި.
ރޮކެޓް ސައިންސް
15 November 2017
ނުކައި ހުރެ ބަނޑަށް މަރުވާން ޖެހުނަސް ނުހައްގު ފައިސާއެއް އަހަރެން ބޭނުމެއް ނުކުރާނަމެވެ. އަހަރެން ކާނީ ހަލާލުފައިސާއިންނެވެ. އަހަރެންގެ ގެއަކަށް ޔަގީނުންވެސް ހަލާލުނޫން ފައިސާއެއް ވަނަކަ ނުދޭނަމަމެވެ. ހަލާލުނޫން ފައިސާ ވަންނަ ގެއެތަށްވެސް ހުރެއެވެ. އެމައްސަލަތަށް ބެލެނީއެއް ވެސް ނޫނެވެ. 300 މިލިޔަން ޑޮލަރު ދީފަވެސް ފައިސާ ހުރެއްޖެއްޔާ ގެވެސް ގަންނަންވީއެވެ
މޮޔަ މީހާ
15 November 2017
ކަލޭގެ ގެ ނޫން ހުރިހާ ގެއަކަށް ވަންނަނީ ނުހައްގު ފައިސާތަ؟ ކަލޭގެ ވަހުމުން ފުރިފައިވާ ނުތާހިރު ސިކުނޑިއަށް ފަރުވާ ހޯދަން އުޅޭ. އާސަންދައިން ހިލޭ ބޭސްފަރުވާ ލިބޭނެ. އަނެއްކާ ދިވެހިރާއްޖޭ މީހެއްތަ؟ އަނެއް ދިވެހިރާއްޖެ ދޯ؟
އަބުރުބޭ
15 November 2017
ތިކަމުގައި ބޮޑަށް ބުރަވެވޭ ކޮޅަކީ ތިޔައީ މި ސަރުކާރުގެ ކޮންމެވެސް ބޮޑެއް ގަންނަން ބޭނުންވި ގެއެއް، އޭނަގެ ނަމުގައި ގަނެފިނަމަ ވެދާނެ ބޭޒާރަކަށް، ނަޝީދު ކަހަލަ ފޮނި ދެއްކެން ބޭނުންވާ މީހަކު ނިވާފަތްގަޑަކަށް ބޭނުންކޮށްލީ ފަހުން ޓައިޓަލް ޓްރާންސްފަރއެއް ހަދާގޮތަށް. ދެން ނަޝީދަށްވެސް ތިކަމުން ހަދިޔާއެއް ލިބިދާނެ.