ޓެކްނޮލޮޖީ

ވަންޕްލަސް ފޯނުތައް އަގުހެޔޮކޮށް ދެން ނުވިއްކޭނެ

ވަންޕްލަސް 7 ކަމަށް ބުނާ ފޯނެއް: ވަންޕްލަސް ފޯނުތައް ދެން ހިމެނޭނީ އަގު ބޮޑު ފޯނުތަކުގެ ތެރޭގައި

ވަންޕްލަސް މަޝްހޫރުވެފައި ވަނީ ނުބައްދަލު ހެޔޮ އަގުގައި މޮޅު ފޯނުތަކެއް ވިއްކާ ކުންފުންޏެއް ގޮތުގަ އެވެ. މިއީ ވަންޕްލަސް ވަރަށް މަޚުރުވެރި ވެސް ވާ ކަމެކެވެ. އޮފިޝަލުންގެ ވާހަކަތަކުން މިކަން ފާޅު ވެސް ވެ އެވެ. ނަމަވެސް، ވަންޕްލަސް 7 އާ ހަމަ އަށް އައިއިރު، މިހާރު ދެން ފޯނުތައް ހެޔޮ އަގުގައި ވިއްކޭނެ ގޮތެއް އެ މީހުންނަކަށް ނެތެވެ. ވާދަވެރި ކުންފުނިތަކުން ނުހަނު ބޮޑު ފައިދާ ހޯދާއިރު، ވަންޕްލަސް އަށް ވެސް ފޯނުތައް އަގު ބޮޑުނުކުރެވެންވީ ސަބަބެއް ނެތެވެ.

ސްމާޓްފޯން މާކެޓްގައި ހުރި ފޯނުތަކަށް ބަލާއިރު ވެސް، ވަންޕްލަސް ފޯނުތައް ނުހަނު ޗާލެވެ. ދުވެލި އެހައި ބާރެވެ. ވަފާތެރިން އަދި ސަޕޯޓަރުން އެހައި ގިނަ އެވެ. ވަންޕްލަސް ނޫން ފޯނެއް ބޭނުންނުކުރަން ހުވައިކޮށްގެން ތިބި ބަޔަކު ވެސް އެބަ ތިއްބެވެ.

ވަންޕްލަސް 7 އާންމު މާކެޓަށް ނެރޭ ވަގުތު ކުޑަތަންވެފައި ވާއިރު، ވަންޕްލަަސްގެ ހަޔާތުގައި މިއީ އެއް ދުވަހެއްގައި ދެ ފޯނު ނެރޭ ފުރަތަމަ ފަހަރެވެ. އެވެ. ވާހަކަތައް ހުރި ގޮތަށް ބަލާއިރު، އެއީ "ވަންޕްލަސް 7" އަދި "ވަންޕްލަސް 7 ޕްރޮ" އެވެ. މީގެ ކުރިން ވަންޕްލަސް ގެންގުޅެފައި ވަނީ، އަހަރުގެ ކުރީކޮޅު ނެރޭ އަދަދުގެ ފަހަތަށް "ޓީ" އަކުރު އިތުރުކޮށް އަހަރުގެ ފަހުކޮޅު ފޯނުތައް މާކެޓްކުރާ އުސޫލެކެވެ. މިސާލަކަށް "ވަންޕްލަސް 6" އަދި "ވަންޕްލަސް 6ޓީ" އެވެ.

ވަންޕްލަސް އިން ފޯނުތަކުގެ އަގާ ކުޅެލާ ގޮތަށް، ސެމްސަންގް އަދި އެޕަލް އަށް ވެސް އަގުތައް ކޮށާލާކަށް ނުކެރެ އެވެ. ވަންޕްލަސް އަކީ ޗައިނާ ކުންފުންޏަކަށް ވެފައި، ޗައިނާގައި މަސައްކަތްތެރިކަން އަގުހެޔޮވެފައިވުން ވަނީ ވަންޕްލަސް އަށް ބޮޑު ފައިދާއަކަށެވެ. ސައުތު ކޮރެއާގައި މަސައްކަތުގެ އަގުތައް އުފުލެމުން ދާ މިންވަރަށް ބަލައި، ގައުމުން ބޭރުވުމަކީ ސެމްސަންގް ވެސް ގެންގުޅޭ ޚިޔާލެކެވެ.

ވަންޕްލަސް އަށް ޗައިނާގައި ހުރި ފައިދާތަކާ އެކު ވެސް، ފޯނުތައް އަގު ހެޔޮކޮށް ވިއްކަން މިހާރު ބޭނުންނުވަނީ، ބިރެއް ނެތި މާކެޓްްގައި ހިފަހައްޓާލެވޭ ފެންވަރަށް ކުންފުންޔަށް އިތުބާރުލިބިފައި ވުމެވެ. އަދި ވަންޕްލަސް ފޯނުތަކަށް ގެންނަން ހުރި ޓެކްނޮލޮޖީ ދިރާސާކޮށް، ބޭނުންކުރާ މީހުންނަށް އާ ފީޗާތައް ގެނެސްދިނުމަށެވެ. މިއީ ފައިސާ އަދި ވަގުތު ވެސް ބޭނުންވާނެ ކަންކަމެވެ.

1 ކޮމެންޓް, 24 ރިއެކްޝަންސް

icon happy icon happy 25%
icon sad icon sad 75%
icon angry icon angry 0%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

1828

15 May 2019

ވަން ޕޮލިސް 7 ޕްރޯވެސް ސްޕްސިފިކޭޝަން އާއި ބަލާފައި އަގު ބޮޑެއް ނޫން.

The name is already taken The name is available. Register?

މިހާރު ޕޯލް

ވެރިކަމުގެ ނިޒާމު ބަދަލުކުރުމާ މެދު ފެންނަނުފެންނަ ވޯޓެއް ނަގަން
ފެނޭ
25%
ނުފެނޭ
75%
Poll closing: 24 April 2021 19:00

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454