ރަސްގެފާނުގެ އަމުރަށް ސައުދީ ޕްރިންސަކު ހައްޔަރުކޮށްފި

އާއްމުންގެ ބަޔަކަށް އަނިޔާކުރި ސައުދީ ޕްރިންސް ހައްޔަރުކޮށްގެން ގެންދަނީ.

ހަސަން އާމިރު، މިހާރު

20 ޖުލައި 2017 - 16:07

ރިޔާޒް (ޖުލައި 20) - އާއްމު ރައްޔިތުންތަކަކަށް ހުތުރު ބަހުން މުއާމަލާތްކޮށް އަދި ޖިސްމާނީ އަނިޔާކުރި ސައުދީ ޝާހީ އާއިލާގެ މެންބަރަކު ރަސްގެފާން ސަލްމާންގެ އަމުރަށް ހައްޔަރުކޮށްފި އެވެ.

ސައުދީ ޕްރިންސް ސައުދު ބިން އަބްދުލް އަޒީޒް ބިން މުސައިދު ބިން ސައުދު ބިން އަބްދުލް އަޒީޒް އަލް ސައުދުގެ އަނިޔާވެރި އަމަލުތަކުގެ ވީޑިއޯ ވަނީ ވޭތުވެދިޔަ ދުވަސްތަކުގައި ސޯޝަލް މީޑިއާގައި ވަރަށް ހަލުވިކަމާ އެކު ދައުރުވާން ފަށައިފަ އެވެ. ސައުދީގެ ބައެއް މީޑިއާތަކުން ބުނެފައިވާ ގޮތުގައި ރަސްގެފާނު ވަނީ އަނިޔާ ލިބުނު މީހުންގެ ހެކި ބަސް ނަގާ ނިމުމުން ނޫނީ ޕްރިންސް ދޫކޮށްނުލުމަށް އަންގަވައިފަ އެވެ.

ޕްރިންސް ބިރު ދައްކާ އަނިޔާކުރި މަންޒަރު ފެންނަ ވީޑިއޯގައި ތިބި ބައެއް މީހުންގެ ހެދުމުން ލޭ ވެސް ފެންނަން ހުއްޓެވެ. ކަޅު ޓީޝާޓެއް ލައިގެން ހުރި ޕްރިންސް ގޮނޑިއެއްގައި އިށީނދެ އިން މީހެއްގެ ގައިގައި ކޮޅުފައިން ޖަހާ މަންޒަރު ވެސް ވީޑިއޯ އިން ފެނެ އެވެ. އަނެއް ވީޑިއޯއެއްގައި ޕްރިންސްގެ ގޭ ކައިރީ ޕާކް ކުރި މީހަކަށް އަނިޔާކޮށްފައިވާ މަންޒަރު ފެނެ އެވެ. މީގެ އިތުރުން ޕްރިންސްގެ ރަހުމަތްތެރިން މަސްތުވެގެން އުޅޭ މަންޒަރު ވެސް ފެނެ އެވެ. ޕްރިންސްއާ އެކު ވަނީ އަނިޔާކުރުމުގައި ބައިވެރިވި އޭނާގެ ރަހުމަތްތެރިން ވެސް ހައްޔަރުކޮށްފަ އެވެ. ކޯޓުން އަންގައިގެން ނޫނީ މި އެންމެން ދޫނުކުރުމަށް ރަސްގެފާނުގެ އަމުރުގައިވެ އެވެ.

ސައޫދީ އަރަބިއްޔާ ސަލްމާން ރަސްގެފާނު

8 ކޮމެންޓް, 131 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢައްޑޫ ކުއްދާ

23 July 2017

ޙައްޔަރުކޮށްގެން އެއުޅެނީ ތިޔަ ވީޑިއޯއެއް އާއްމު ވީމަ އެހެން ނޫންނަމަ އަޅާވެސް ނުލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުމްބުލި

20 July 2017

ސާހީ މީހަކަސް އާޢިލާ މީހަކަސް ކުށެއްކޮށްފިއްޔާ ހައްޔަރުކޮށް އަދަބު ދޭންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

20 July 2017

ޝާހީ ބޭފުޅުންގެ އަމަލުތައް މިހާހާމަކަންބޮޑުކޮށް ފެންނައިރު އަދި ނުފެންނަ ހާދަކަމެއް ހިނގާނެއޭދޯ. އިހައްދުވަހު މިސުރުގަ ޖުވާކުޅެގެންވެސް ތިއިން ޕްރިންސަކު 300 މިލިޔަންޑޮލަރާ 9 އަނބިން ދޫކޮށްލަންޖެހުުނު ވާހަކައެއްވެސް އެހިން. ކީކޭބުނާނީ.