ހަނގުރާމަވެރިންނަށް ހިމާޔަތްދޭ ކަމަށް އެމެރިކާ އިން ކުރާ ތުހުމަތު ޕާކިސްތާނުން ދޮގު ކުރޭ. --ފޮޓޯ:ގެޓީ އިމޭޖަސް
02 ސެޕްޓެމްބަރ 2018 - 10:38
ވޮޝިންޓަން (ސެޕްޓެމްބަރު 2) - އެމެރިކާ އިން ޕާކިސްތާނަށް ދޭ 300 މިލިއަން ޑޮލަރުގެ އެހީ ކަނޑާލަން ނިންމައިފި ކަމަށް ޕެންޓަގަނުން ބުނެފި އެވެ.
އެމެރިކާ އިން ބުނީ އެހީ ކަނޑާލަނީ ހަރުކަށި ހަނގުރާމަވެރިންނާ ދެކޮޅަށް ފިޔަވަޅު އަޅަން ޕާކިސްތާން ނުކުޅެދިފައިވާތީ ކަމަށެވެ. ރައީސް ޑޮނަލްޑް ޓްރަމްޕް ކުރިން ވަނީ އެމެރިކާ އިން ބިލިއަން ޑޮލަރުގެ އެހީ ހޯދައިގެން ޕާކިސްތާނުން މަކަރު ހަދަމުންދާ ކަމަށް ވިދާޅުވެފަ އެވެ.
"ޕާކިސްތާނުގެ ބިމުގައި ޓެރަރިސްޓް ނެޓްވޯކްތައް ހުއްޓުވުމަށް އެ ގައުމަށް ވަރަށް ބޮޑަށް ބާރު އަޅަމުން ދިޔައިން،" ޑިފެންސް ޑިޕާޓްމަންޓުގެ ތަރުޖަމާން ލެފްޓިނެންޓް ކާނަލް ކޯން ފައުލްކްނާ ވިދާޅުވި އެވެ.
ހަނގުރާމަވެރިންނަށް ހިމާޔަތްދޭ ކަމަށް އެމެރިކާ އިން ކުރާ ތުހުމަތު ޕާކިސްތާނުން ދޮގު ކުރެ އެވެ.
އެމެރިކާ އިން އެހީ ކަނޑާލާފައި މި ވަނީ ޚާރިޖީ ވަޒީރު މައިކް ޕޮމްޕެއޯ ޕާކިސްތާނަށް ވަޑައިގެން އާ ބޮޑު ވަޒީރު އިމްރާން ޚާންއާ ބައްދަލު ކުރެއްވުމަށް ހަމަޖެހިފައި ވަނިކޮށެވެ.
އެމެރިކާ އިން މިހާރު ވަނީ ފަލަސްތީނުގެ ރެފިއުޖީ އެޖެންސީ އަށް ދޭ އެހީ ވެސް ކަނޑާލައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ފަޤީރުކަލޯ!
02 September 2018
އެއީ ބުސްގެ ދުވަސްވަރު ޓެރަރިސްޓުންނާ ދެކޮޅަށް ހަނގުރާމަ ކުރުމުގެ ނަމުގައި ޕާކިސްތާނުގެ ތެރެއަށް ވަދެގަންނަށް ވެގެން އޭރުދިން ރިޝްވަތުގެ ފައިސާ އެކެވެ. މިހާރު ހުރިމީހާ އެރިޝްވަތުގައި ހިފާނެ ހެނެއް ހީއެއް ނުވޭ!
ޅަވިޔަނިނއ
02 September 2018
އެމެރިކާގެ އެހީ ބޭނުންތަ ޕާކިސްތާން. މަހީކުރީ....
އަހުމަދުބޭ
02 September 2018
މިޓްރަޕް ކަލޭގެ ނިމިދާނީ ހިތިގިތަކެށެވެ، މީނަހިތުގައިއެބައޮތް، މުޅިދުނިޔެ ތިމަންނާގެ މުށުތެރެއަށް ލާނަމޭ، އެކަމަކު އެމަގުން ކަންކަން ނުދާތީ ހިއްދަތިވެގެން ކުރާކަންކަން..
އަލިފް
02 September 2018
ޕާކިސްތާނައް އެހީވީ ހަނގުރާމަ ކާމިޔާބު ކުރަން ބޭނުން ވާތީއެވެ. ހަނގުރާމަ ނިމުނީމަ އެހީ ކަނޑާލީއެވެ.
މެރީ
02 September 2018
ޓްރަމްޕް އެވެ. މާގިނަ ދުވަހެއް ނެތެވެ.އިންޝާ ﷲ