ޝޮހްރާތު ޒާކިރު ނޫސްވެރިންނާ ވާހަކަ ދައްކަވަނީ. --ފޮޓޯ:ރޮއިޓާސް
10 ޑިސެމްބަރ 2019 - 13:02
10 comments
ބެއިޖިން (ޑިސެމްބަރު 10) - ޗައިނާގެ ހުޅަނގުގެ ޝިންޖިއާން ސަރަހައްދުގެ ޖަލުތަކުގައި ބަންދުކުރި ވީގޫރު ދަރިކޮޅުގެ މުސްލިމުން "ގްރެޖުއޭޓްވުމުން" ދޫކޮށްލާފައިވާ ކަމަށް ސީނިއާ އޮފިޝަލަކު ވިދާޅުވެއްޖެ އެވެ.
ރީޖަނަލް ގަވަރްމެންޓް ޗެއާމަން ޝޮހްރާތު ޒާކިރު ވިދާޅުވީ ބެއިޖިން އިން ބުނާ "ތައުލީމީ މަރުކަޒުތަކުގައި" ބަންދުކުރި އެންމެން މިހާރު "ގްރެޖުއޭޓްވެއްޖެ" ކަމަށެވެ.
އިންސާނީ ހައްގުތަކަށް މަސައްކަތް ކުރާ ޖަމާއަތްތަކުން ބުނެފައި ވަނީ ތައުލީމީ މަރުކަޒުތަކެއް ކަމަށް ޗައިނާ އިން ބުނި ނަމަވެސް އެއީ ހުރަގެތަކެއް ކަމަށެވެ. ސަލާމަތީ ފިޔަވަޅުތައް ވަރުގަދަކޮށްފައިވާ ޖަލުތަކުގައި އެތައް ހާސް މުސްލިމުން ބަންދުކޮށްފައިވާ ކަމަށް ބުނެފައިވެ އެވެ.
ޗައިނާގެ ޝިންޖިއާންގެ ޖަލުތަކުގައި މިލިއަނެއްހާ މުސްލިމުން ގެންގުޅޭ ކަމަށްވޭ.
ބެއިޖިންގައި ނޫސްވެރިންނާ ވާހަކަ ދައްކަވަމުން ޒާކިރު ވިދާޅުވީ މަރުކަޒުތަކަށް ގެންދިޔަ އެންމެން މިހާރު ވަނީ "ކޯސް" ފުރިހަމަކޮށްފައިވާ ކަމަށެވެ. އޭނާ ވިދާޅުވީ ކުރިމަގުގައި އެ ސެންޓަރުތަކަށް މީހުން ގެންދާނީ އެއްވެސް މަޖްބޫރު ކުރުމެއް ނެތި، އެ މީހުންގެ އަމިއްލަ އިޚްތިޔާރުގައި ކަމަށެވެ. އަދި ސެންޓަރުތަކުން މީހުން ނެރުން ވެސް އެ މީހުންގެ އިޚްތިޔާރަށް ދޫކޮށްލާނެ ކަމަށް ވިދާޅުވި އެވެ.
މީހުން ބަންދުކުރާ މަރުކަޒުތަކުގައި ގިނަ ބަޔަކު ބަންދުކޮށްގެން ގެންގުޅޭ މައްސަލާގައި ޗައިނާ އަށް ވަނީ ފާޑުކިޔުންތައް އަމާޒުވެފަ އެވެ. ނިއު ޔޯކް ޓައިމްސް އާއި ކޮންސޯޓިއަމް އޮފް އިންވެސްޓިގޭޓިގޭޓިވް ޖާނަލިސްޓްސް (އައިސީއައއިޖޭ) އިން ދާދި ފަހުން ނެރުނު ރިޕޯޓެއްގައި ބުނެފައި ވަނީ މީހުން ބަންދުކުރާ މަރުކަޒުތަކަށް ގެންދާ މީހުންގެ "ސިކުނޑި ދޮވެލުމަށް" ޗައިނާ އިން މަސައްކަތްކުރަމުންދާ ކަމަށެވެ. އަދި އެ މީހުން ވަކި ގޮތަކަށް ގަބޫލްކުރަން މަޖްބޫރުކުރަމުންދާ ކަމަށް ވެސް ބުނެފައިވެ އެވެ.
ޝިންޖިއާންގެ ޖަލުތަކުގައި ވީގޫރް ދަރިކޮޅުގެ މިލިއަނެއްހާ މުސްލިމުން ގެންގުޅޭ ކަމަށް ޚަބަރުތައް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަން
12 December 2019
އެތަނުން ގްރެޖުއޭޓްވީ މީހުން ކަންކަން ވީ ގޮތް ހަގީގަތަށް ކިޔައިދިނީމަ ނޫނީ އެތަނުގެ ހަގީގަތެއް އަސްލު ނޭނގޭނެ. ހުޅަނގުން ޗައިނާއާ ޖައްސާލައިގެން ކިޔާނީ މުޅިން ތެދު މައުލޫމާތެއްނޫން. އަދި ޗައިނާއިން އެމީހުން ކުރާ ނުކިއްސަރުކަމެއް ދިފާއުކުރަން ދައްކާނީ މާ ތެދުވާހަކައެއް ނޫން. މިއީ މީޑިއާއަށް 100 ޕަސެންޓް އިތުބާރުކުރެވޭނެ ޒަމާނެއްނޫން.
ހަމަ އަހާލީ
10 December 2019
ސިކުނޑި ދޮވެގެން ނުވަތަ ބްރެއިން ވޮޝްކޮށްގެން ވަކިއަގީދާއަކަށް މީހުން މަޖުބޫރުން ވެއްދުން މިއީ ރަނގަޅު ކަމެއްބާ؟ ހާއްސަކޮށް ކުޑަކުދިން
ނަން
10 December 2019
ހުޅަނގުގެ ޕްރޮޕެގެންޑާގަ ޖެހި ގައުމު ހަލަބޮލިކޮށް ބައިބައިކޮށް ވަކި ދައުލަތެއް އުފައްދަން އުޅޭނަމަ ކޯހުގެ ދެންއޮތްބައި ފުރިހަމަކުރަން ގެންދާނެ އަނެއްކާވެސް.
ލައިސަންނު
10 December 2019
ބަންދު ކުރި ކުރީނުންތަ ގްރެޖުއޭޓްވީ؟
1122
10 December 2019
މޭޑް އަން ޗައިނާ!
ގޮއިދޫހަސަނު
10 December 2019
ތިކަމާއިގުޅޭގޮތުން ޗައިނާއިންބުނާ އެކައްޗެއްވެސް ޤަބޫލެއްނުކުރެވޭ! ތިކަމާއިހުރެ ޗައިނާގެ އުފެއްދުންތަކާއިދުރަށް ދުނިޔެދާކަންވިސްނިގެން ތިޖުވާގެ ކުޅިގަނޑު އެހެންގޮތަކަށް ބަދަލުކޮށްލީ. ޗައިނާގެ ކޮމިޔުނިސްޓު ވެރިކަން އެއްވެސް ދީނެއް ޤަބޫލެއްނުކުރާނެ. އެމީހުން ކުރިޔަސް އިޙުތިރާމްކުރާނީ ބުދަކަށް.
ހުން
12 December 2019
ދެން އެމެރިކާއާ ހުޅަނގު މީހުންނަކީ މާ ތެދު ހަދާ ބައެއްތަ؟ މުސްލިމުންނާ ބެހޭ ގިނަ ކަންކަން ނޭނގި މުސްލިމުން ބަދުނާމު ކުރާއިރު އެމީހުންނަކީވެސް މާ ހޭލުންތެރިބައެއް ނޫން.
ސަންޕަ އަހަންމަދު
10 December 2019
ރާއްޖޭގައި އުޅޭ ޑޮޓުގުރަުޕުވެސް ތިނަށް ފޮނުވާންއެބަޖެހޭ ގުރުޖުއޭޓުކުރާން.
ހަބޭސް2050
10 December 2019
ގުރެޖުއޭޓްވުމަކީ ދީންދޫކޮށްލައި އޫރުމަސްކައި ރާބުއިން ކަމުގައިވަނީނަމަ ތިކަން ހަންދާންނައްތާލާ ﷲ އިރާދަކުރެއްވިއްޔާ ކުއަށް އޮތް 20 އަހަރު ޗައިނާގެ މެޖޯރިޓީއަކީ އިސްލާމުން
ސަމްސު
10 December 2019
ޗައިނާވެސްމީ މަޖާތަނެއް އިގޭ.