އީރާނުން ބުނެފައި ވަނީ ބޯޓަށް މިސައިލް އެރީ އޮޅުމަކުން ކަމަށް.
15 ޖެނުއަރީ 2020 - 11:09
11 comments
ތެހެރާން (ޖެނުއަރީ 15) - އީރާނުން ފޮނުވާލި މިސައިލް ޔޫކްރޭނުގެ މަތިންދާ ބޯޓަށް އަރާ މަންޒަރު ވީޑިއޯ ކުރި މީހާ ހައްޔަރުކޮށްފި އެވެ.
ބެލެވޭ ގޮތުގައި ހައްޔަރު ކުރި މީހާގެ މައްޗަށް ގައުމީ ސަލާމަތީ ގުޅުން ހުރި ދައުވާއެއް ކުރާނެ އެވެ.
އީރާނުގެ މީޑިއާތަކުން ބުނެގައި ވަނީ ރިވޮލިއުޝަނަރީ ގާޑްސް އިން ހައްޔަރުކޮށްފައި ވަނީ ބޯޓަށް މިސައިލް އަރާ މަންޒަރު ސޯޝަލް މީޑިއާގައި ޕޯސްޓްކުރި މީހާ ކަމަށެވެ. ނަމަވެސް އެ މަންޒަރު ފުރަތަމަ ޕޯސްޓްކުރި، ލަންޑަނުގައި ދިރިއުޅޭ އީރާނުގެ ނޫސްވެރިޔާ ބުނީ އޭނާ އަށް އެ ވީޑިއޯ ދިން މީހާ ހުރީ ސަލާމަތުން ކަމަށެވެ. އަދި އީރާނުން ހައްޔަރު ކުރީ ނުބައި މީހެއް ކަމަށް އޭނާ ބުންޏެވެ.
ޔުކްރޭން އެއާލައިންސްގެ ފްލައިޓް ޕީއެސް752 ވައްޓާލާފައި ވަނީ ތެހެރާން އެއާޕޯޓުން މިދިޔަ ހަފުތާގެ ބުދަ ދުވަހު ފުރިތާ ކުޑައިރުކޮޅެއް ފަހުންނެވެ. އެ ހާދިސާގައި ވަނީ ބޯޓުން ދަތުރުކުރި 176 މީހުން މަރުވެފަ އެވެ. އީރާނުން ބުނެފައި ވަނީ ބޯޓަށް މިސައިލް އެރީ އޮޅުމަކުން ކަމަށެވެ. އަދި އެކަމުގައި ޒިންމާވާ މީހުން ހައްޔަރު ކުރަމުންދާ ކަމަށް ވަނީ ބުނެފަ އެވެ.
އީރާންގެ ރައީސް ހަސަން ރޫހާނީ ވިދާޅުވީ ބޯޓު ވައްޓާލި ހާދިސާގައި ޒިންމާވާ މީހުންގެ ތަހުގީގު ކުރިއަށްދާ އިރު އެކަން "ޚާއްސަ ކޯޓަކުން" ބަލާނެ ކަމަށެވެ.
"މިއީ އާދައިގެ މައްސަލައެއް ނޫން. މި މައްސަލަ މުޅި ދުނިޔެއިން ބަލަމުންދާނެ،" ރޫހާނީ ދެއްވި ތަގްރީރުގައި ވިދާޅުވި އެވެ.
ރޫހާނީ ވިދާޅުވީ އެ ހިތާމަވެރި ހާދިސާގެ ޒިންމާ އެންމެ މީހެއްގެ ބޮލުގައި ނޭޅުވޭނެ ކަމަށެވެ.
އީރާނުން ފުރަތަމަ ވަނީ ބޯޓު ވެއްޓުނީ މިސައިލެއް އަރައިގެން ކަމަށް އެއްބަސްވާން ދެކޮޅު ހަދައިފަ އެވެ. ނަމަވެސް ބޯޓަށް މިސައިލް އަރާ މަންޒަރު ސޯޝަލް މީޑިއާގައި ޝެއާ ކުރުމުން އީރާނުން އެންމެ ފަހުން ވަނީ ބޯޓު ވެއްޓުނީ މިސައިލެއް އަރައިގެން ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޛ
15 January 2020
ޢަފްގާނިސްތާނުގެ ތާލިބާނުން ބަލިނުވި އެމަރިކާ ތީ. އަދި އެވެސް އެކަންޏެއް ނޫން އެއޮތް ބޮޑު ނޭޓޯ ގޮވައިގެން އަތުހުރި އެންމެ ޒަމާނީ ހަތިޔާރު ބޭނުން ކޮއްގެން...ދެން ކިހިނަކުން އީރާނާ ދިމާކޮއްލަން ކެރޭނީ....އަހަރެން ގަބޫލު ކުރަން ފްލައިޓް ވެއްޓުނު ވީޑިއޯ ސޯޝަލް މީޑިއާ އަށް ލިމީހާ ހައްޔަރު ކޮއްގެން ނުވާނެކަން...
މަފް
16 January 2020
އަދިވެސް އިރާނުވަރެއް ނެތްދޯ! ކުށެއްނެތް އެތައް ބައެއް އެމަރާލީ، ދެން އެވަރު ބައެއް ކިހިނެތް އެމެރިކާއާ ދިމާކުރާނީ.
ލެއްގި ކޮމިޝަނަރ
16 January 2020
ޢަފްޣާނިސްތާނުގެ ވެރިކަމުން ތާލިބާނުން ބޭލީ އެމެރިކާއިން. ބަލިވީމަދޯ ވެރިކަން ލުހެލެވޭނީ. އމެރިކާއިން ދިޔައީ އެމީހުން ބޭނުންވާކަންކަން ކޮށްފަ. ޛ މެންއަދިޅަވީމަ ވާނުވާ ނޭންގެނީދޯ؟
ހެހެހެ
15 January 2020
އެއްބަސްނުވެ އަނގާން ހިފެހެއްޓިނަމަ.ޕުޓިންމެންވެސް އެއްބަހެއްނުވި ޔޫކްރެއިން މަތިން ވެއްޓުނު ބޯޓުގެ މައްސަލާގަ.އެމެރިކާ ބޮލަށް ބިންދާލިނަމަ
ޙިނި
15 January 2020
މިވަރު ބަޔަކައް މިތާއީދުމިކުރަނީ
މުގުރި
15 January 2020
ކިހިނަކުން އެވަގުތާ ދިމާވީ
ވަކުންޖު
15 January 2020
ވަރަށް އަވަހަށް ޕާލިމެންޓުން ބިލެއް ފާސް ކުރާނެ ކަންނޭގޭ އެއާރޕޯޓުއާ 100 މޭލުގެ ރޭޑިއަސްއަށްވުރެ ކައިރިން ވީޑިއޯކޮށްފިއްޔާ އުމުރުދުވަހުގެ ޖަލުހުކުމެއް އަންނަގޮތަށް. ވެރީ ބޭޑް!
ދޮންހަސަނު
15 January 2020
ތިކަމުގައި ތި ގޮސްވީ ވީޑިޔޯ ކުރިމީހާތާ އެހެންވީމާ. އީރާންގެ ފެންވަރު. ދެން ކިހިނެތް އެމެރިކާ އާއި ދިމާކުރާނީ.
ހަސަނު
15 January 2020
ގޯސް މިވީ މިމީހުން އަތަށް ގޮވާ މަންޒަރު ވީޑިޔޯ ކުރިމީހާއެވެ. މިއީ މިވަގުތު ދުނިޔޭގައި އޮތް އެންމެ ނުލަފާ ރެޖީމެވެ. މުޅި މެދުއިރުމަތި ހަލަބޮލިކޮށް ފަސާދަކުރާ ގައުމެވެ. މިމީހުންގެ މަޒްހަބުފުޅާކުރުމަށެވެ. އަގައިން ކޮންމެ އެއްޗެއް ކިޔަސް ކާފަރުންނަކާ މިމީހުން ނުބެހޭނެއެވެ.
އިލްޔާސް
15 January 2020
އީރާނުގައުޅޭ ރާފިިލީންނަކީ މުސްލިމުންނައް އެމެރިކާމީހުންނަށްވުރެންވެސްނުބައިބައެއް ނުލަފާބައެއް
ރާމިޒު
16 January 2020
ވަރަށް ބޮޑު ހަގީގަތެއް، އަނގައިން ކިޔާނީ ގަދަ ބަސް ކާފަރުންނާ ދިމާއަށް އާންމު މުސްލިމުންގެ ބޮލަށް ޗިޕު ޖަހަން، އެމީހުން ހަނގުރާމަ ކުރާނީ މުސްލިމުންނާ، މަރަނީ ސުންނީ މުސްލިމުން. ޔަހޫދީންނާ ނަސާރާއިންނަށްވުރެ ކާފަރުކަންަ ބޮޑު މުސްލިމުންގެ މައްޗަށް އަދާވާތްތެރި ބައެއް