ބެއިޖިންގެ ސަބްވޭ ސްޓޭޝަނެއްގައި ޕަސެންޖަރެއްގެ ޓެމްޕަރޭޗަރު ސެކިއުރިޓީ އޮފިސަރަކު އިއްޔެ ޗެކް ކުރަނީ. --ފޮޓޯ:އޭއެފްޕީ
28 ޖެނުއަރީ 2020 - 11:03
6 comments
ބެއިޖިން (ޖެނުއަރީ 28) - ޗައިނާގައި މިހާރު ފެތުރެމުންދާ ނޮވެލް ކޮރޯނާވައިރަސް ޖެހިގެން މިހާތަނަށް 106 މީހުން މަރުވި އިރު އެ ބަލި އިއްޔެގެ ނިޔަލަށް 4،515 މީހުންނަށް ޖެހިއްޖެ އެވެ.
އެހެންކަމުން އެއް ދުވަސްތެރޭ ކޮރޯނާވައިރަސް ވަނީ އަލަށް 1680 މީހުންނަށް ޖެހިފަ އެވެ.
ވައިރަސް އެންމެ ބޮޑަށް ފެތުރޭ ޗައިނާގެ ވުހާން އާއި އެ ސިޓީ ހިމެނޭ ހުބެއި ޕްރޮވިންސް މިހާރު ވަނީ ބަންދުކޮށްފަ އެވެ. ވެރިރަށް ބެއިޖިން އިން ވަނީ ހުބެއި ޕްރޮވިންސަށް ބަހުގެ ޚިދުމަތް ހުއްޓާލައިފަ އެވެ. އަދި ބެއިޖިން އާއި ޝެންހާއީގައި ވަނީ ހުބެއި ޕްރޮވިންސް އިން އަންނަ މީހުންނަށް 14 ދުވަހުގެ އޮބްޒަވޭޝަން މުއްދަތެއް ތައާރަފްކޮށްފަ އެވެ.
ބަލި ޖެހިގެން މަރުވި 106 މީހުންގެ ތެރޭން 100 މީހުން މަރުވެފައި ވަނީ ހުބެއި ޕްރޮވިންސް އިންނެވެ. އެ ޕްރޮވިންސްގެ 2،714 މީހުންނަށް ވަނީ ބަލިޖެހިފަ އެވެ.
ޗައިނާގެ ކަމާބެހޭ އިދާރާތަކުން މިހާރު ވަނީ ސްކޫލްތަކާއި ޔުނިވާސިޓީތަކުގެ އާ ސެމިސްޓާ ފެށުން ފަސްކޮށްފަ އެވެ.
ދުނިޔޭގެ ސިއްހަތު ޖަމިއްޔާ އިން ބުނެފައި ވަނީ ޗައިނާ ފިޔަވައި އެހެން ގައުމުތަކުން ކޮރޯނާވައިރަސް 47 މީހަކަށް ޖެހިފައިވާ ކަމަށެވެ. ނަމަވެސް ޗައިނާ ފިޔަވައި އެހެން ގައުމަކުން އަދި މިހާތަނަށް އެ ބަލީގައި މީހަކު މަރުވެފައެއް ނުވެ އެވެ.
ބައެއް ގައުމުތަކުން މިހާރު ވަނީ ޗައިނާ މީހުންނަށް ވިސާ ދިނުން ހުއްޓާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
28 January 2020
ޗައިނާ މީހުން ވަގުތުން ގެނައުން ހުއްޓާލަންވީ، ގިނަ ލާރި ހޯދަން އުޅެގެން ބަލިވެއޖެއްޔާ ލާރިވެސް ސިއްޚަތުވެސް ދިޔައީ. ދުޅަހެޔޮ ސިއްޚަތެއްގައި ހުރިއްޔާ ފަހުންވެސް ލާރި ލިބިދާނެ. ސަރުކާރުން އިތުރަށް ނުވިސްނާ ވަގުތުފާއިތު ނުވަނީސް ފިޔަވަޅު އެޅުމަށް ގޮވާލަން
ހަކީމް
28 January 2020
ޗައިނާ މީހުންނަށް އެެތެރިވުން ވަގުތުން ހުއްޓާލަން ޖެހޭ. ލަސްކުރަނީ އެމީހުންގެ އާއަހަރާ ދިމާކޮއް ޗުއްޓީހޭދަ ކުރަން އަންނަ މީހުންގެ އަތުން ރިސޯޓު ތަކަށް ލިބޭ ލާރިގަނޑު މަދުވާނެތީ ހިފަހައްޓަނީ. މިހެން ތިއްބާ މިރޯގާ ރާއްޖޭގައި ފެތުރެން ފެށީމަ ތިބޭނެ ޓްވީޓް ކޮށްކޮށް. އިބޫ ސޯލިހޫ ތިހެން ނަހަދާ.
އަދިކޮބާ
28 January 2020
ރިޒޯޓްތަކަށް އެކަނިތަ ލާރިގަނޑު ލިބެނީ؟ ފަތުރުވެރިން ނުދާ ރަށެއް މިހާރު މިގައުމުގައި މަދުވާނެ. އެންމެން ގެސްޓްހައުސް ހަދައިގެން ފަތުރުވެރިންތައް ގެންނަނީ. ކުރީގައިނަމަ ރިޒޯޓްތަކާ ހަމައިން ކޮންޓްރޯލްވާން އޮތްކަމެއް މިހާރު މުޅި ގައުމުގައި ހަލުވިކޮށް ފެތުރޭނެ ޖާގަ ލިބިއްޖެ.
ދެރަވ
28 January 2020
ޗައިނާ މީހުންނަށް ވިސާ ދިނުން ހުއްޓާލުމަށް ގޮވާލަން. އެއީ ރައްކާތެރިކަމުގެ ގޮތުން. މިއީ ނުރައްކާތެރި އަދި އަވަހަށް ފެތުރިގަންނަ ބައްޔެއް. ޗައިނާއަށްވެސް އެއުޅެނީ ހަދާނެގޮތްބޮޑުވެގެން. ކޮންޓްރޯލްނުވެގެން.
ތުއްތުނާ
28 January 2020
ބަލި ޖެހިފައިވާ މީހަކު ފެންނަންދެން ހަމަ ޗައިނާގެ ފަތުރުވެރިން ގެންނަންވީ .....ބަލި ފެތުރެމުންދާ ސްޕީޑަށް ބަލާއިރު އެއީ ވަރަށް ގާތްކަމެއް ..... ހަމަ މިހާރު ޗައިނާ އިން ފަތުރުވެރިން ގެނައުން ވަގުތީގޮތުން ހުއްޓާލާ ........ ފައިސާ އަށްވުރެ އިންސާނުންގެ ފުރާނަ ސަލާމަތް ކުރުމަކީ މުހިއްމުކަމެއް....... ތޮއްޖެހިފައިވާ މާލޭގައި މި ބަލި ފެތުރިގެން ގޮސްފިނަމަ ކޮންޓްރޯލް ކުރުމަކީ ކުރެވޭނެ ކަމެއްނޫން.......
އިސްމާލި
28 January 2020
މިނިސްޓަރ ބުނާ ގޮތުން ސައިބޯނި ލައިގެން އަތް ދޮވުނީމަ ރަނގަޅުވާނެ. ޗައިނާ ފަތުރުވެރިން ގިނައިން އައި ވަރަކަށް ސައިބޯނި ގަންނަން ގިނަ ޑޮލަރު ލިބޭނެ.