ޒާކިރު ނައިކް އަށް މެލޭޝިއާ އިން ހިމާޔަތް ދިން ކަމަށް އެ ގައުމުން ދޮގު ކުރޭ.
28 ނޮވެމްބަރ 2016 - 16:45
4 comments
ކުއާލަ ލަމްޕޫރު (ނޮވެމްބަރު 28) - އިންޑިއާގެ އިލްމުވެެރިޔާ ޒާކިރު ނައިކް އަށް މެލޭޝިއާ އިން ރައްވެހިކަމާއި ހިމާޔަތް ދީފައިވާ ކަމަށް އާއްމުވި ރިޕޯޓްތައް އެ ގައުމުން ދޮގު ކޮށްފި އެވެ.
ހޯމް މިނިސްޓަރުގެ ނައިބް ނޫރު ޖަޒްލާން މުހައްމަދު ވިދާޅުވީ މެލޭޝިއާގެ ރައްޔިތަކަށް ވުމަކީ އެހާ ފަސޭހަ އިން ވާނެ ކަމެއް ނޫން ކަމަށާއި އެއީ އޮޓޮމެޓިކުން ވާ ކަމެއް ނޫން ކަމަށެވެ. މެލޭޝިއާގެ ރައްވެއްސަކަށް ވާނީ މެލޭޝިއާގެ ދެމަފިރިއަކަށް އުފަން މީހުންނަށް ކަމަށް އޭނާ ވިދާޅުވި އެވެ.
"ވަރަށް ގިނަ ކަންކަން ފުރިހަމަ ވާން ޖެހޭ. އޭގެ ތެރޭގައި މެލޭޝިއާގައި ވަރަށް ދިގު މުއްދަތެއްގައި ދިރިއުޅެން ޖެހޭ. މީގެ އިތުރުން މެލޭޝިއާ އަކީ މެދު މިނުގެ އިސްލާމީ އުސްލޫތައް ހިފަހައްޓާ ގައުމަކަށް ވާތީ ޒާކިރު ނައިކް އަކީ އެހާ މުހިންމު ދީނީ ޝަޚުސިއްޔަތެއް ނޫން،" ސްޓާ ނޫހަށް ދެއްވި އިންޓަވިއުއެއްގައި ނޫރް ވިދާޅުވި އެވެ.
އިންޑިއާގެ ނޭޝަނަލް އިންވެސްޓިގޭޝަން އެޖެންސީން ވަނީ ޒާކިރު ނައިކް ހިންގާ އިސްލާމިކް ރިސާޗް ފައުންޑޭޝަން (އައިއާރުއެފް) ފަސް އަހަރަށް މަނާކޮށްފަ އެވެ. ޒާކިރު ނައިކް މިހާރު ދިރިއުޅުއްވަނީ އިންޑިއާ އިން ބޭރުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޙްސާންތެރިޔާ
29 November 2016
ޒާކިރު ނައިކުގެ ކުށަކީ ކޮބާބާ؟ އިސްލާމް ދީނަށް މީހުން ވެއްދުންތަ؟ ނޫނީ މުސްލިމުންނަކީ ޓެރަރިސްޓުންނެއް ނޫނޭ ބުނެގެންތަ؟
ޖާބިރު
28 November 2016
މީޑިޔާގެ ސަމާލުކަން ލިބޭނީ ވަކި ކަހަލަ އިލްމްވެރިންނަށް. ހަގީގީ އިލްމްވެރިންނަށް މީޑިޔާގެ މާ ބޮޑު ސަމާލުކަމެއް ނުލިބޭނެ.
ޙަވާރިޖް
28 November 2016
މެލޭސިޔާގެ ސަރުކާރަށް މީނައަކީ ކާކުކަން އެގުނަސް މުސްލިމުންގެ ތެރޭގައި މީނައަކީ ކާކުކަން ނޭގޭ ބައިވަރު މީހުން ތިބީތީ ހިތާމަ ކުރަމެވެ.
އުދުހޭ
28 November 2016
އިސްލާމް ދީން ފެތުރުމަކީ ހުރިހާ ޒަމާނެއްގައިވެސް ގޮންޖެހުން ބޮޑު މަސައްކަތެއް އަދި ފަހު ޒަމާނަކީ އިންތިހާއަށް ފިތުނަވެރި ޒަމާނެއްކަމަށް ބުނެވޭ. ޔާ ﷲ ޒާކިރުނައިކުގެ މަސައްކަތުގައި ބަރަކާތް ލައްވާ އަޅަމެން އެންމެ ފާފަ ފުއްސަވާފާންދޭވެ!