ބާޒާރުމަތީގައި މީހަކު ބިސް ކޭހެއް ހިފައިގެން ދަނީ: ބާޒާރުން ބިހާއި ފިޔާ ވަނީ ހުސްވެފައި.
02 އޯގަސްޓް 2018 - 23:12
26 comments
އިންޑިއާގެ ލޮރީ ޑްރައިވަރުން މިދިޔަ ހަފުތާގައި ހަޅުތާލުކުރުމުން، ކުކުޅު ބިހާއި ފިޔާ ރާއްޖެއަށް ނުގެނެވި، އެ ބާވަތްތައް ބާޒާރުން ހުސްވެއްޖެ އެވެ.
ރާއްޖެއަށް ފުޅާ ދާއިރާއެއްގައި ފިޔާ އާއި އަލުވި ގެންނަ ކުންފުންޏެއްގެ ވެރިއަކު މިރޭ ވިދާޅުވީ އެންމެ ފަހުން މި ބާވަތްތައް ގެނައީ މިދިޔަ އަންގާރަ ދުވަހު ކަމަށެވެ. އޭގެ ފަހުން ނުގެނެވުމުން ބާޒާރުން އެ ތަކެތި ހުސްވެފައިވާ ކަމަށް ވެސް އޭނާ ވިދާޅުވި އެވެ.
ބާޒާރުގައި އެންމެ ފަހުން ފިޔާ ބަސްތާއެއް ވިއްކީ 240ރ. އަށެވެ. އަދި ބިސް ކޭހެއް ވިއްކީ 360ރ. އަށެވެ.
އެ ކުންފުނިން ބުނީ ފިޔާ އާއި ބިސް ހިފައިގެން އަންނަ ބޯޓެއް މާދަމާ މާލެ އަންނާނެ ކަމަށެވެ. އަދި އިތުރު ބޯޓެއް އާދީއްތަ ދުވަހު ވެސް އަންނާނެ ކަމަށް އޭނާ ވިދާޅުވި އެވެ.
"އެކަމަކު ބާޒާރަށް ނެރޭވަރުވާނީ ހޮނިހިރު ދުވަހުގެ ރޭ ނުވަތަ އާދިއްތަ ދުވަހު. އިންޑިއާގައި ދިމާވި މައްސަލަ މިހާރު ހައްލުވުމުން ދެން ބާޒާރުން ހުސްނުވެ ލިބެން ހުންނާނެ،" އެ ކުންފުނިން ވާހަކަދެއްކެވި ބޭފުޅާ ވިދާޅުވި އެވެ.
ބައެއް ވިޔަފާރިވެރިން ބުނީ ފިޔާ ބަސްތާއެއް އަދި ބިސް ކޭހެއް 1،000ރ. އަށް ވެސް ގަންނަން ނުލިބޭ ކަމަށެވެ.
"މުޅި ބާޒާރުގައި ހިނގާފައި މިއައީ ފިޔާ، ބިސް ލިބޭތޯ. އެއްވެސް ތަނެއްގައި ނެތް މިހާރު ލިބެން،" އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެންް
04 August 2018
އެމް.ޑީ.ޕީ ސަރުކާރުގައި ފިޔާ ނުއިންދީމާ ވީގޮތް.
ދޮނާ
04 August 2018
ތީ ވިޔަފާރިވެރިންނަށް ވަރަށްވެސް އުފާވެރި ކަމެއް........އަވަހަށް ބިހެއް 10ރ ހަދާލާ......
ޅަބޭ
04 August 2018
ސާބަހޭ ޔާމީނު. ދެން ގެނޭ ޕުލާސްޓިކު ފިޔައާއި ޕުލާސްޓިކު ބިސް.
ފާއިޒްގެ ކޮއްކޮ
03 August 2018
ފިޔާ އަކީ ކާން ޖެހޭ އެއްޗެއް ނޫން
މަރޭމިތުރާ
03 August 2018
އަޑު މިސަރުކާރުގެ ހުރިވަރަށް ކަމެއް އެބަވޭތޯ! ދަނޑުފިޔާ ނެތް ބިމެއްގައި ފުއްޕަނީކީއްވެތޯ!
މާލޭ މީހާ
03 August 2018
ބަލަ ވިޔަފާރިވެރިން އެތެރެ ކުރާ މުދަލަކީ ، ވިޔަފާރިވެރިން އަމިއްލައަށް ކުރާކަމެއް ، އެއީ ރައީސް ޔާމީން ބުނެގެން ކުރާކަމެއްނޫން. އިންޑިއާގައި މުޒާހަރާ ކުރުމުން އެކަން ހުއްޓުވަން ޖެހޭ މީހަކީ ރައީސް ޔާމީން އެއްނޫން.
ގުރައިދޫ ސެންޓަރު
03 August 2018
ފިޔާ ކޮޅެއް ނުލިބިގެން ބަނޑަށް ޖެހުން ދެން ހާދަ ހެއްވައޭ. ފިޔާވެސް ބިސް ވެސް ބާޒާރުގައި ހުސްނުވެ ހުރި. ބޯޓެއް ފުރުން ލަސްވީކަމަށް ބުނެ ވިޔަފާރިވެރިންގެ ޖީބުތައް ފުރާލަން ކުރިކަމެއް. ކޮންމެހެން ފިޔާ ބިހުގެ ކަންކަމުގައި އިންޑިއާއަށް ބަރޯސާވާކަށް ނުޖެހޭ. އެއީ ރިޒުގު ދޭ ފަރާތްކަމަށް ބަލާބަޔަކު އަހަރެމެންގެ ތެރޭގައި އުޅޭކަން ހިތާމައަކީ.
އަލައްތަ
03 August 2018
މީގެ ކުރިން ކިތައް އަހަރު ކިތައް ފަހަރު މިކަން ވެފައި ހުރީ؟ މިކަން މާ އާވެގެން ބަޔަކު އުޅުނަސް މިއީކީ މި ގައުމުގައި އަލަށް ވީ ކަމެއްނޫން. ކޮންމެ ސަރުކާރެއް އޮތަސް ބޭރު ކޮންމެ ގައުމަކުން ގެންނަ ކޮންމެ އެއްޗަކީ ކޮންމެވެސް ކަހަލަ ތާއްޓެއް އަރައިގެން ކޮންމެވެސް އިރެއްގައި ނުލިބި ހިނގައިދާނެ ތަކެތި. މާ ކުރީ އަހަރެއްގައިވެސް ފިޔާ ނުލިބިގެން މީހުން ލީކްސް ގަނެއުޅުނު ދުވަސްކޮޅެއްވެސް ދިޔަ.
ތުނިޔަ
03 August 2018
ތީއެއްވެސް ކަމެއްނޫން ރަސްފަންނާ ދިމާލުން ޖައްވުގަ ތިތަކެތި އުފެއްދިދާނެ ފޯމިއުލާއެއް މުއިއްޒު ކިޔާ ދެއްވަފާނެ!
ޅަބޭ
03 August 2018
ތީކީ އެއްވެސް މުހިންމު ކަމެއް ނޫން. ޕިންކީ ޕާޓީއައް މުހިންމީ ގުންޑާއިންނައް ލާރިދީގެން މުޅި މާލޭ އާއި ހުޅުމާލެ، ވިލިގިލި ތެރޭ ދިދަދަމާ، ފޮޓޯހިއްޕާ ރަށުތެރެ ގޮނޑުކުރުން؛
ދޮށީބޭ
03 August 2018
ރާއްޖޭގެ އެއްވެސް ޕާޓީއަކަށް ހުއްޓުވޭނެތަ އިންޑިއާގެ ލޮރީ ޑްރައިވަރުން މުޒާހަރާކުރުމުގެ ސަބަބުން ވެދާނެ ގެއްލުމެއް؟