ފިނޭންސް މިނިސްޓަރު އިބްރާހިމް އަމީރު ބަޖެޓް ކޮމިޓީގައި ވާހަކަދައްކަނީ--ފޮޓޯ:ނިޝާން އަލީ/މިހާރު
14 ޖޫން 2019 - 13:30
5 comments
މި އަހަރު ރާއްޖޭގެ އިގްތިސާދީ ކުރިއެރުން 6.5 ޕަސެންޓަށް ވުރެ މަތީގައި ހިފެހެއްޓޭނެ ކަމުގެ ޔަގީންކަން އެބަ އޮތް ކަމަށް ފިނޭންސް މިނިސްޓަރު އިބްރާހިމް އަމީރު ރޭ ވިދާޅުވެއްޖެ އެވެ.
ދައުލަތުގެ މީޑިއާ، ޕީއެސްއެމްގެ "ރާއްޖެ މިއަދު" ޕްރޮގްރާމުގައި މިނިސްޓަރު ވިދާޅުވީ ރާއްޖޭގެ އިގްތިސާދީ ދުވެލި، މާލީ އިދާރާތަކުން އަންދާޒާ ކުރަނީ ވޭތުވެދިޔަ ދުވަސްތަކުގައި އޮތް ހާލަތަށް ބަލައިގެން ކަމަށް ވިޔަސް މަޝްރޫއުތައް ފެށުމުން އިގްތިސާދު ކުރިއަރައިގެންދާނެ ކަމަށެވެ.
މިނިސްޓަރު މިހެން ވިދާޅުވި އިރު، ވޯލްޑް ބޭންކުން ދާދި ފަހުން އާއްމުކުރި ރިޕޯޓުގައި ވަނީ، ކުރިއަށް އޮތް ތިން އަހަރު ރާއްޖޭގެ އިގްތިސާދީ ކުރިއެރުން ހުންނާނީ އެވްރެޖްކޮށް ފަސް ޕަސެންޓުގަ އެވެ. އިންޓަނޭޝަނަލް މަނިޓަރީ ފަންޑު (އައިއެމްއެފް) އިން ވެސް ބުނެފައި ވަނީ ރާއްޖޭގެ އިގްތިސާދީ ކުރިއެރުން މިއަހަރު ނިމޭ އިރު ހުންނާނީ 6.5 ޕަސެންޓްގަ އެވެ.
ރާއްޖޭގެ އިގްތިސާދީ ކުރިއެރުން މިދިޔަ އަހަރު ހުރީ 7.5 ޕަސެންޓްގަ އެވެ.
މިނިސްޓަރު ވިދާޅުވި އަމީރު ވިދާޅުވި ގޮތުގައި ކުރިއަށް އޮތް ދެ މަހެއްހާ ދުވަހުގެ ތެރޭގައި ތަރައްގީގެ ގިނަ މަޝްރޫއުތަކުގެ އަމަލީ މަސައްކަތް ފެށޭނެ އެވެ. ބަޖެޓްގައި ހިމެނި ގިނަ މަޝްރޫއުތަކެއް މިހާރު ހުރީ ބީލަމަށް ލުމުގެ މަރުހަލާގައި ކަމަށް ވިދާޅުވި އެވެ.
އޭނާ ވިދާޅިވި ގޮތުގައި ބަޖެޓްގައި ހުރި ހުރިހާ މަޝްރޫއުއެއް ވެސް މި އަހަރު ކުރިއަށް ގެންދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖީއެސްޓީއޭދައްކަނީ
14 June 2019
މި އަހަރު ނިމޭ އިރު އުފެއްދުންތެރިކަން 6.5 ޕަސެންޓަށް ވުރެ މަތިވާނެ ކަމަށް ފިނޭންސް މިނިސްޓަރު ބުނި ނަމަވެސް އެކަން އެއީ ގަބޫލުކުރެވޭނެ އުސޫލުން މިނިސްޓަރު ދައްކާ ވާހަކަ ތަކެއް ނަމަ މިއަހަރުގެ 6 މަހާއި އަދި މިދިޔަ އަހަރު ހަ މަސްދުވަހު ސަރުކާރަށް ހުންނާނެއޭ މަސައްކަތް ތަކެއް ކުރެވި އަދި އެއިން ނަތީޖާ ނެރެދޭ ތަން އިގްތިސާދީ ގޮތުން ފެނިފައޭ މިހާރުވެސް ކުދި އަދި މެދު ފަންތީގެ ވިޔަފާރި ތައް ބޭންކްރަޕްޓް ވަނީއޭ ބިލް ހަދާ ކޮންމެ ބިލެއްގައި ހުންނަ
މުނާ
14 June 2019
ކޮންގޮތަކުން ތިޔަ ބައްލަވަނީ. އެއޮތްގެން ވޯލްޑް ބޭންކާއި ސަރަހައްދީ އިދާރާތަކުން އެބުނަނީ ރާއްޖޭގެ ކުރިއެރުން ލަފާކުރިވަރަށް ކުރިނާރާނެ ކަމަށް. ހަމަ ނަމްބަރެއް ކަޔާލަނީ ދޯ.
ފަރީދުސް
14 June 2019
މުނާ މެންނަކައް ނޭނގޭނެ މިސަރުކާރުން ހަދާލާނެ އުކުޅުތަކެއް. ހަމަ ކުއްލިޔަކައް އިންޑިޔާއައް 4 އަތޮޅުވިއްކާލާއިރައް ތިޔަބުނާ އަދަދުތައް ހުންނާނީ އުޑުގަޖެހިފަ.. ކޮންކަމަކާތަ ތިޔަ ހާސްވަނީ..
ލަންބެ
14 June 2019
އެނގިދާނެތާ، އިކޮނޮމީ މެޝަރކުރަން އިކޮނޮމިސްޓުންނާއި، ސްޓެޓިސްޓުން، ބޭނުންކުރާ މިންގަނޑަކީ ގްރޮސް ޑޮމެސްޓިކް ޕްރޮޑަކްޓް، ޕޮލިސީ މޭކަރުންނާއި، އިންވެސްޓަރުން، ސްޓްރެޓެޖިކް ޑެސިސަން މޭކްކުރަން ބޭނުންކުރާ ކީ ޓޫލްއަކީވެސް، ޖީ.ޑީ.ޕީ މި ކްއާޓަރގައި ލަފާކުރާ ޖީ.ޑީ.ޕީ އަކީ 4.90 ބިލިއަން ޑޮލަރު، ލޯންގް ޓާމްއަކަށް 2020 ބެލެވެނީ 5.50 ބިލިއަން ޑޮލަރު
ބަބުރަންޖީ ހާޖީ
14 June 2019
ޖީޑީޕީ މަތިވިޔަކަސް ރައްޔިތުން ވަނީ ހަނާ. ކަރަންޓުވަނީ އަގުބޮޑު. ފުލެޓުތައް ދަނީ މައްޗަށް ކޮންޓުރޯލުން ނައްޓައިގެން. މީތޯ އެބުނާ ޖަޒީރާވަންތަކަމަކީ.