ކަޅުދިޔަފުށީގެ ފޮޓޯއެއް. މި ރަށް ރިސޯޓެއްގެ ގޮތުގައި ތަރައްގީ ކުރުމަށް ހަވާލުކުރީ 2015 ވަނަ އަހަރު-- ފޮޓޯ:ގޫގުލް މެޕް.
19 ސެޕްޓެމްބަރ 2019 - 13:40
ބޭންކް އޮފް މޯލްޑިވްސް (ބީއެމްއެލް) އިން ނެގި ކްރެޑިޓް ފެސިލިޓީ ނުދައްކައިގެން ތ. ކަޅުދިޔަފުށި ވިއްކާލަން އިއުލާންކޮށްފި އެވެ.
ރިސޯޓެއްގެ ގޮތުގައި ތަރައްގީ ކުރާ މި ރަށް ވިއްކާލުމަށް ނިންމާފައި ވަނީ 29.5 މިލިއަން ޑޮލަރު (454.9 މިލިއަން ރުފިޔާ) އަށެވެ.
ތ. ގުރައިދޫ ދާއިރާގެ ކުރީގެ މެމްބަރު ހުސައިން މަނިކު ދޮންމަނިކުގެ ހިއްސާ އޮންނަ ހުރަވީ އިންވެސްޓްމެންޓުން މި ކްރެޑިޓް ފެސިލިޓީ ބީއެމްއެލުން ނެގީ 2016 ވަނަ އަހަރު އެވެ.
ބީއެމްއެލް އަށް އެ ރަށް ނަގާފައި ވަނީ މި އަހަރުގެ ފެބްރުއަރީ މަހު ސިވިލް ކޯޓުން ކުރި ހުކުމުގެ ދަށުންނެވެ.
މީގެ ކުރިން، އެމްއެމްޕީއާރްސީ މެދުވެރިކޮށް ކަޅުދިޔަފުށި ރިސޯޓެއްގެ ގޮތުގައި ތަރައްގީ ކުރަން ދިން މައްސަލައިގައި އެންޓި ކޮރަޕްޝަން ކޮމިޝަން (އޭސީސީ) އިން މައްސަލައެއް ބެލި އެވެ. އެ މައްސަލައާ ގުޅިގެން ކުރީގެ ރައީސް އަބްދުﷲ ޔާމީން ސަރުކާރުގެ ޓޫރިޒަމް މިނިސްޓަރު މޫސާ ޒަމީރު އޭރު ވިދާޅުވެފައި ވަނީ އެ ރަށް ރިސޯޓެއްގެ ގޮތުގައި ތަރައްގީ ކުރުމަށް ދިނީ އުސޫލާ އެއްގޮތަށް ކަމަށެވެ.
ރިސޯޓެއްގެ ގޮތުގައި، ކަޅުދިޔަފުށި ތަރައްގީ ކުރުމަށް ޓޫރިޒަމް މިނިސްޓްރީއާ އެކު ސޮއިކޮށްފައިވަނީ އޮގަސްޓް 24، 2015 ވަނަ އަހަރު އެވެ. އަދި އެކަމާ ގުޅޭ އެއްބަސްވުމުގައި ސޮއި ކުރީ އޭރުގެ ޓޫރިޒަމް މިނިސްޓަރު އަހުމަދު އަދީބެވެ.
ތ. ގާދިއްފުށި ކައިރީ އޮންނަ މި ރަށް ރިސޯޓެއްގެ ގޮތުގައި ތަރައްގީކޮށް ހުޅުވަން ނިންމާފައި އޮތީ 2017 ވަނަ އަހަރު އެވެ. ބައިނަލްއަގްވާމީ ހޮޓެލް ޗެއިނެއް ކަމުގައިވާ މެލިއާ ހޮޓެލްސްއާ ގުޅިގެން އެ ރަށުގައި 97 ޕްރައިވެޓް ވިލާ އާއި 100 ކޮޓަރި އަދި ތިން ރެސްޓޯރެންޓް އެޅުމަށް ޕްލޭންކޮށްފައިވެ އެވެ.
ނަމަވެސް އަދިވެސް އެރަށުގައި ކުރަމުންދަނީ ކޮންސްޓްރަކްޝަންގެ މަސައްކަތްތަކެވެ.
ބިޑް އުސޫލުން ކަޅުދިޔަފުށި ވިއްކުމަށް ބިއެމްއެލް އިން އިއުލާން ކޮށްފައިވާ އިރު އެ ރަށުގެ ބިޑް ސެކިއުރިޓީގެ ގޮތުގައި ނޮން-ރީފަންޑަބަލް އަދަދެއްގެ ގޮތުގައި އެއް ލައްކަ ޑޮލަރު ދައްކަން ޖެހެ އެވެ. އެ ރަށް ގަތުމަށް ބޭނުންވާ މީހުން އަންނަ އޮކްޓޫބަރު 20 ވަނަ ދުވަހުގެ ކުރިން ޕްރޮޕޯސަލް ހުށަހަޅަންޖެހެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ޝިންނި
19 September 2019
ވަރަށް ބޭނުން އެކަމަކު ތިވަރަކަށް ލާރިއެއް އަދި ދުވަހަކުވެސް ނުލިބޭ
Ahmed Azim
19 September 2019
އެމްއެމްޕީއާރުސީ އަށް ލާރި ދެއްކީ ކަޅުދިޔަ ފުއްޓަށް އެވެސް 150،000.00ޑޮލަރ ރިސޯޓް ތަރައްގީކުރަން ފެށީ ޖެހިގެން އޮތް ބޮޑު ރަށެއް ކަމުގަވާ ކޮޅުފުށީގަ މިކަން ވަރަށް ސާފުކޮއް ތިމަރަފުށި މުސްތޮފާއަށް އިނގޭނެ
ާަަަަޢަލިި
20 September 2019
ޜަގަލަން ތިބުނި
ޝައިޚް.
19 September 2019
ކަޅުދިއަފުއްޓެއްނޫން، ކަޅުފަހަލަފުށި އިނގޭތޯ.؟ އޭރު ރާއްޖޭގަހުރި ހުރިހާރޭތިރަށްތައް ނެގީ ޔާމީނުގެ އައުވާނުން ނުއަގުގަ، ރ. އޯލުގިރި ރިޔާޒް ރަޝީދަށް، ކޮބާ ރެސޯރޓް ، އެއްކަމެއްނުވޭ، ދައުލަތަށް ލިބުނީ ގެއްލުން، މުޅިން ޔާމީން ސަރުކާރުން ކުރީ ވައްކަން،
ޢެނގިގެން ކޮމެންޓް ކުރޭ
19 September 2019
ކަޅުދިޔަފުށި ކަޅުފަހަލަ ފުށި އެއީ އެހެން ފަޅެއްގަ އޮންނަ އެހެން ރަށެއް
ސަންގޯރު
19 September 2019
ކަޅުދިޔަފުށި ކިޔާ ރަށެއް ދިނީ. އެއީ ކުޑަރަށެއް. ނަމަވެސް ހަދަންފެށީ ކައިރީގާ އޮތް އެހެން ރަށެއް. މިހާރު ރައްތަކުގެ ނަންތައްވެސް ހުރީ އޮޅުވާލާފަ.
އިބްރާ
20 September 2019
މިސަރުކާރުން ވައްކަމެއް ނުކުރޭ. ރައްޔިތުން ހަނާވަނީ. ކުންފުނިތަށް ބަނގުރޫޓްވަނީ. މަސްވެރިން މަސްނުކިރިގެން މަސްދުވަހު މަސްގަންނަ ފަރާތްތަކަށް އާދޭސްކުރަންޖެހެނީ. ދޮންބިލެތަށް ރަށްތަކެއްދީ ބަދަލުގައި ފެރީކުރުން އެމްޓީސީސީއަށް މިކަހަލަ ވައްކަންވެސް ކުރަނީ އެމްޑީޕީ ސަރުކާރުން
ދެއްތޯ
19 September 2019
ރިޒޯޓް ހަދަން ނޫޅުނިއްޔާ މާރަގަޅެއްނު..ކޮންމެ ކޮހަކުވެސް ބޭނުންވާނީ ރިޒޯޓެއް ހަދާ ށެވެ.