މައިކްރޮސޮފްޓް ކުންފުނީގެ 37 އަހަރުވީ ގޭމް ސީރީޒް "ފްލައިޓް ސިމިއުލޭޓާ" ގެ އާ ވާޝަން އަންނަ މަހުގެ 18 ގައި ލޯންޗްކުރަން ނިންމައި ޕްރި-އޯޑަރަށް ހުޅުވާލައިފި އެވެ.
މި ގޭމަކީ މަތިންދާބޯޓް ދުއްވުމުގެ ތަޖުރިބާކޮށްލެވޭ ގޮތަށް ފަރުމާކޮށްފައި ގޭމް ސީރީޒްގެ ތިން ވަނަ އެޑިޝަނެވެ. އެންމެ ފަހުން ނެރުނު ވާޝަނަކީ 2014 ގެ މައިކްރޮސޮފްޓް ސިމިއުލޭޓާ އެކްސް: ސްޓްރީމް އެޑިޝަނެވެ. ފްލައިޓް ސިމިއުލޭޓާގެ ފުރަތަމަ ވާޝަން ނެރުނީ 1982 ގަ އެވެ.
3⃣️...2⃣...1⃣
— Microsoft Flight Simulator (@MSFSofficial) July 13, 2020
𝑷𝒓𝒆𝒑𝒂𝒓𝒆 𝒇𝒐𝒓 𝒕𝒂𝒌𝒆-𝒐𝒇𝒇! ✈️
You can now pre-order #MicrosoftFlightSimulator on Windows 10 and Xbox Game Pass for PC (Beta) today.
For more info on our launch date, editions, and exclusive content, head over to https://t.co/VOSKlCHcay! pic.twitter.com/mtlr8KgFJ1
މައިކްރޮސޮފްޓުން ބުނި ގޮތުގައި ޕީސީ އާއި އެކްސް ބޮކްސް ކޮންސޯލް ވެސް ކުޅެވޭ ގޮތަށް ފަރުމާކޮށްފައިވާ ގޭމްގެ އެންމެ ފަހުގެ ވާޝަން، އަލަށް ފަށައިގަންނަ މީހުންނާއި ޕްރޮފެޝަނަލްކޮށް ގޭމް ކުޅޭ މީހުންނަށް ވެސް ވަރަށް ހާއްސަ ގޭމަކަށްވާނެ އެވެ. އަދި މި ގޭމް ވިންޑޯސް 10 ގައި ކުޅެލަން ވަރަށް ޗާލުވާނެ ކަމަށް ވެސް ބުންޏެވެ.
އާ ގޭމްގައި އާ ފީޗާތަކެއް ވެސް ހުންނާނެ އެވެ. އޭގެ ތެރޭގައި ދުވާލާއި ރޭގަނޑު ވެސް ބޯޓު ދުއްވައިލެވުން ހިމެނެ އެވެ.
"ފްލައިޓް ސިމިއުލޭޓާ" ގެ އަގުތައް އުޅެނީ ތިން ރޭޓެއްގަ އެވެ. އެގޮތުން 20 މަތިންދާ ބޯޓާއި 30 އެއާޕޯޓާ އެކު ސްޓެންޑާޑް އެޑިޝަންގެ އަގަކީ 59.99 ޑޮލަރެވެ. އަދި 25 ބޯޓާއި 35 އެއާޕޯޓާ އެކު ޑިލަކްސް އެޑިޝަންގެ އަގަކީ 89.99 ޑޮލަރެވެ. މީގެ އިތުރުން 30 ބޯޓާއި 40 އެއާޕޯޓާ އެކު ޕްރިމިއަމް ޑިލަކްސް އެޑިޝަންގެ އަގަކީ 119.99 ޑޮލަރެވެ.
