މަސްވެރިންގެ ދުވަހު މަސްވެރިންގެ އޮތީ ޝަކުވާ

މަސްވެރިއެއް "މިހާރު" އާ ވާހަދައްކަނީ--ފޮޓޯ: ނިޝާން އަލީ/ މިހާރު

ފާތިމަތު ޝަނާ މުހައްމަދު، މިހާރު

10 ޑިސެމްބަރ 2020 - 14:53

މިއަދު ރާއްޖޭގެ މަސްވެރިންގެ ދުވަސް ފާހަގަކުރާ އިރު، މަސްވެރިންގެ ގިނަ ބައެއްގެ ހިތުގައި އޮތީ ހުސް ޝަކުވާ އެވެ. އެއް ބަޔަކު ބުނާ ގޮތުން، "ރާއްޖޭގެ ލޭ ނާރު" ކަމަށް ސިފަކޮށްފައި އޮތް ސިނާއަތް މިއަދު އޮތީ "ލޭ ނެތް ނާރަކަށް ވެފަ" އެވެ. "ހަމަ އަގު" ނުލިބުމުން ފެށިގެން، މަސް ކިރުމުގައި ހުރި ދަތިތަކާ ހަމައަށް، ބައެއް މަސްވެރިންގެ އޮތީ ކަންބޮޑުވުމެވެ.

"މިހާރު"އާ ވާހަކަދެއްކި ރ. އިނގުރައިދޫ "މާދޫނި" ދޯނީގެ މަސްވެރިއެއް ކަމަށް ވާ މުހައްމަދު އަލިމަނިކު ބުނީ މަސްވެރިކަމުގެ ހަމަ އަގު ހޯދަން ކުރާ މަސައްކަތް އަދިވެސް ކާމިޔާބު ނުވާ ކަމަށެވެ.

މަސް ކިލޯއެއް މިދުވަސްވަރު އުޅެނީ 35ރ. އާއި 25ރ. އަށެވެ. އޭނާ ބުނި ގޮތުގައި އެ ވަރަށް އަގު ވެއްޓުމުން، މަސްވެރިންނަށް ގެއަށް ގެންދަން ލިބެނީ ގާތްގަނޑަކަށް 1،500 ރުފިޔާ އެވެ.

"އަޅުގަނޑުމެންނަކީ ކުރިން ދިވެހިންގެ ލޭ ނާރު. މިހާރު މީ ލޭ ނެތް ނާރު،" ހިތްހަމަނުޖެހުންތަކާ އެކު، މުހައްމަދު ބުންޏެވެ.

އޭނާ ގަބޫލުކުރަނީ މަސްވެރިން ކުރާ މަސައްކަތުގެ ބޮޑު ފައިދާ ނަގަނީ މަަސް ގަންނަ ވިޔަފާރިވެރިން ކަމަށެވެ.

"މަސްވެރިންނަށް ލިބެނީ އެއް ޕަސެންޓް،" އޭނާ ބުންޏެވެ.

މާލޭގެ މާރުކޭޓަށް ގެންދަން ވެގެން ކުޑަ ދޯންޏަކުން ކަންޏެއް އަރުވަނީ --ފޮޓޯ: ނިޝާން އަލީ/ މިހާރު

އޭނާ ބުނި ގޮތުގައި މަސްވެރިން ކަނޑުމަތީގައި ބުރަކޮށް އުޅެ، މަސް ބާނައިގެން ވިއްކަން ދާއިރު "އަގަކީ ފަސް ރުފިޔާއޭ ބުންޏަސް ކުރެވޭނެ ކަމެއް ނެތެ"ވެ.

"އެހާ ކުޑަ އަގެއްގައި މަސް ވިއްކާ ނަމަ ދާއިރާއަށް ދިވެހިންނެއް ނުނިކުންނާނެ،" ދިވެހި މަސްވެރިކަމުގައި ގިނަ ޒުވާނުންތަކެއް މިހާރު ބައިވެރިވަމުން އަޔަސް، ކުރިމަގު ގެއްލިދާނެކަމަށް އިޝާރަތްކަމުން، މުހައްމަދު ބުންޏެވެ.

ދ. ބަނޑިދޫގެ ދޯންޏަކަށް ނިސްބަތްވާ އީސާ އަބްދުﷲ ބުނާ ގޮތުގައި "ހަމަ އަގު" ދޭނެ ކަމަށް ބުނެ ސަރުކާރުން ވީ ދޮގު ވައުދެކެވެ. މަސްވެރިންނަށް ރަނގަޅު ގޮތް ހަދައިނުދެންޏާ، ކުރިއަށް އޮތް ތަނުގައި ވޯޓު ނުދޭނެ ކަމަށް ވެސް، އީސަ ބުންޏެވެ.

މަސްވެރިޔަކު "މިހާރު"އާ ވާހަދައްކަނީ: ޝަކުވާތައް ގިނަ --ފޮޓޯ: ނިޝާން އަލީ/ މިހާރު

"ސަރުކާރުން ވީ ވައުދު ތެދުކުރަން ޖެހޭ. އަޅުގަނޑުމެން ވޯޓު ދިނީ މަސްވެރިންގެ ހައްގުތައް ހޯދައިދޭނެ ކަމަށް ބުނުމުން،" އީސަ ބުންޏެވެ.

ކޮވިޑް-19އާ ގުޅިގެން ދުނިޔޭގެ ގައުމުތަކުގެ އިގުތިސާދަށް އައި ކުއްލި އަދި ބޮޑު ހުއްޓުމުގެ ނުބައި އަސަރު ރާއްޖޭގެ މަސްވެރިކަމަށް ވެސް ދަނީ ކުރަމުންނެވެ. މަސް އެކްސްޕޯޓްކުރާ ވިިޔަފާރިވެރިންނަށް ވެސް ބޮޑެތި ގެއްލުންތަކެއް ދަނީ ލިބެމުންނެވެ. ނަމަވެސް މަސްވެރިން އެވާހަކަ ގަބޫލެއް ނުކުރެ އެވެ. ބައެއް މަސްވެރިންގެ ނަޒަރުގައި މިހާރަށް ވުރެ މާ ރަނގަޅު އަގެއް، މަސްވެރިންނަށް ލިބެން ޖެހެ އެވެ.

އީސަ ދެކޭ ގޮތުގައި މިހާރު މަސްވެރިންގެ އާއިލާތައް ތިބީ "އެއް ފަހަރު ކައިފިއްޔާ އަނެއް ފަހަރު ނުކައި ހާލަތެއްގަ" އެވެ.

ބޮޑު ކަންނެލި މަސްވެރިންގެ ޔޫނިއަނުން ވެސް ފާޅުކުރީ ކަންބޮޑުވުންތަކެވެ.

ކަންނެލި ދޯނިތަކެއް މަސްވެރިންގެ ދުވަހުގެ ހާއްސަ ފޮޓޯއަކަށް، ކަނޑު މަތީ އެތުރިފައި: --ފޮޓޯ:ކަންނެލި މަސްވެރިންގެ ޔޫނިއަން

"ބާނާ މަސްކޮޅު ނުކިރުމާއި ކިރަން އެތައް ދުވަހެއް ނެގުމާއި ކުރާ ބުރަ މަސައްކަތަށް އެކަށީގެންވާ އުޖޫރައެއް ނުލިބުމާއި، ތަކެތީގެ އަގު ބޮޑުވުމާއި މި ސިނާއަތް މަދު ބައެއްގެ އަތް ދަށުވުމާއި އޮތުމަކީ،" އެ ޔޫނިއަންގެ ޝަކުވާ އެވެ.

މަސްވެރިކަން މަސްވެރިން މަސްވެރިކަން

19 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑު ބަންޑާރަ

11 December 2020

މަސްވެރިން ބާނާ މަސް ނުގަތު މަށް މުޅި ޔޫރަޕުގައި މީހަކު ގޮވައި އެކި ސަރުކާރު ތަކުގަޔާއި ބޮޑެތި ޖަ މާއަތްތަކަށް އާދޭސް ކުރަ މުން ދުވެ އުޅުނު މީހަކުގެ ބާރުހުރި ވެރިކަ މެއް މިހާރު މިއޮތީ. ދެން ކޮން ހަ މައަގެއް ހޯދައިދެވޭނީ. ޙައްތާވެސް އަތަށް ގޮވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ. ރާމީ ޙަސަން ވައިނުޖެހޭގެއާގެ

11 December 2020

މައުމޫން ގެ ބައްޕަ ޢަބްދުލްޤައްޔޫމް ސީދީ އަށް މުނިކާފަ ކިޔާ މީހެއް ޒަހާ އަކީ. މައުމޫނު އާއި ޒަހާ އާއި ތިމާގެ ވިޔަސް ނުހިންގޭ ނަމަ ހިންގޭ މީހަކާ ޙަވާލު ކުރަންޖެހޭނެ. ރާއްޖެތެރޭގެ އެކި ކަންކޮޅުތަކުގައި މަތިމައްޗަށް ޑިގްރީ ނަގައިގެން ތިބި ކުދީން ބައިވަރު. ސަރުކާރު ބޭނުންވާގޮތަށް، މަސްވެރިން އެދޭ ގޮތަށް ފިޝަރީސް މިނިސްޓްރީ ހިންގާދޭނެ ދިވެހިދަރިން ބައިވަރު. ރައްޔިތުން މިސަރުކާރު ހޮވީ މައުމޫނުގެ ދަރިންނަށާއި ނުހިންގޭ މުނިކާފަ ދަރިންނަށް ސްލޮޓް ދޭކަށްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޓޭ7

10 December 2020

މަސްވެރިންނަށް ހަމައަގު ހޯދާދެނޭނީ ޔާމީނަށް ވެރިކަން ލިބިގެން. ބެޔަސް ނުބެޔަސް 20 ހާސް ރުފިޔާވެސް ދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށާޑުބޭ

10 December 2020

ނުދިނެއްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮސެޖް

10 December 2020

ތި ސަކަރާތް ހުއްޓާލާފަ ކުނި ނުވާ މަހެއް ވިއްކޭތޯ ބެލިއްޔަ މާ ރަގަޅުވާނެ. މާރުކޭޓުގަ ފޮށި ބަހައްޓައިގެން 3 ދުވަސް ވަންދެން ކުނި ފެންގަޑުގަ ބަހައްޓައިގެން ވިއްކާމަސް ކޭމަ ގައިކަހަނީ ހިސްޓަމިން މާ މައްޗަށް ހުންނާތީ ކަމަށް ޑޮކްޓަރުން ބުނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑު ކަކުނި

11 December 2020

މަސްވެރިން ބާނާ މަސް ތާޒާ ކަ މާއެކު ވިއްކަން. މާރުކޭޓްގައި ޢައިސް މަސް ވިއްކަން ތާޒާ ކޮށް މަސް ރައްކާ ކުރާ ތަނެއް ހަދާދޭންވީއްނު. ޢޭރުން ޓެ މްޕަރޭޗަރ ހަނުވާނަ މަސް މާރުކޭޓަކަށް ނުވެސް އެރުވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

10 December 2020

މަސްވެރިންނަކީ އަބަދުވެސް ޝަކުވާކުރާބައެއް.. 'ހަމަ އަގު" މިއީ މާކެޓް ޕަރައިސްކަން ދަންނަންޖެހޭ.. ސަރުކާރުން އިތުރަށް ފައިސާ ދީގެން މަހުގެ އަގު ބޮޑުކޮށް ގަތުން ހުއްޓާލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮސެޖް

10 December 2020

ހަމައަގު ހޯދަން ހަފްތާއެއް ވަންދެން ކުނި ފެންގަޑުގަ ބަހައްޓައިގެން ވިއްކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައުރާ

10 December 2020

މަސްވެރިން ދުވަހަކު ހިތްނުފުރޭބައެއްތަ މީ ސަރުކާރުންތަ ރޯ މަސް ގަންނަނީ މަސްވެރިން އަމިއްލަޔައް ކުންފުންޏެއް ހަދައިގެން މަސްގަނެ ބޭރައް ވިއްކަބަލަ ކޮންހާ ކޮހެއް ގޮވާކައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްވެރިދިވެހިން

10 December 2020

މަސްވެރިން ރާއްޖޭގެ ކަނޑުގެ ސަރަހައްދުގެ ބޮޑު ބައެއް ބަލަހައްޓައިދޭ... ރަނގަޅު އަގު ހޯދައިދެންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

10 December 2020

މަށަަށް ނުވިސްނެނީ މި ވައިރަސް އާއި ހެދި މުޅި ދުނިޔެ ހުއްޓި ޓުއަރިސްޓް ހޮޓާތައް ބަންދުކޮށް، ފިހާރަތައް ބަންދުކޮށް ވިޔަފާރިތަށް ބަނގުރޫޓު ވެގެން ދިޔައިރު ހަމައެކަނި މަސްވެރިން "ހަމައަގު" ނުލިބިގެން، މަސް ނުކިރިގެން މި އުޅެނީ. ކުންފުނިތަކުން މަސް ގަންނާނީ އެ ބޭރުކުރެވޭ ވަރަކަށް ދޯ. އެމީހުންވެސް ކުރަނީ ވިޔަފާރި،. ގިނައިން ބޭރުކުރި ވަރަކަށް ގިނަ ފައިސާ ލިބޭނެ. އެމީހުވެސް ހަމަ ތިބެނީކީ ނޫނޭ މަސް ނުގަންނާނަމޭ ކިޔާފައި.