މުނިފޫހިފިލުވުން / އިސްލާމް

ސަނާ ފިލްމު ކުޅުން ހުއްޓާލީ ކައްވަޅުގައި އަނދާތަން ހުވަފެނުން ފެނުމުން!

ސަނާ ހާން މައްކާގައި.

25 ޖުލައި 2022 - 07:01

14 comments

ބޮލީވުޑްގެ ތަރި ސަނާ ޚާން ފިލްމު ކުޅުން ހުއްޓާލައި، ބުރުގާ އަޅައި ދިރިއުޅުން އެއްކޮށް ބަދަލުކޮށްލީ، ހުވަފެނުގައި ފެނުނު ބިރުވެރި މަންޒަރުތަކެއްގެ ސަބަބުން ކަމަށް އޭނާ ބުނެފި އެވެ.

"ވަޖާ ތުމް ހޯ" އާއި "ޖެއި ހޯ" ފަދަ ފިލްމުތަކުގައި މަސައްކަތްކުރި ސަނާ ފިލްމު ކުޅުން ހުއްޓާލިކަން އިއުލާންކުރިތާ އަހަރަކަށް ވުރެ ގިނަ ދުވަސްވެއްޖެ އެވެ.

އޭރު އޭނާ ބުނީ، ފިލްމީ ދާއިރާއާ ދުރަށް ދަނީ އިންސާނިއްޔަތަށް ހިދުމަތް ކުރުމުގެ އަޒުމުގައި ކަމަށާއި ދިރިއުޅުމަށް ގެންނަ ބަދަލުގެ ސަބަބުން އޭނާގެ ހަޔާތް އެއްކޮށް ބަދަލުވާނެ ކަމަށެވެ.

އެކަމަކު، ސައުތު އޭޝިއާގެ ނޫހަކަށް ދިން އިންޓަވިއުއެއްގައި އޭނާ ވަނީ ފިލްމީ ދުނިޔެއާ ދުރަށް ޖެހުނު ސަބަބު ވަރަށް ތަފުސީލުކޮށް ކިޔައިދީފަ އެވެ.

ސަނާ ބުނީ އޭނާގެ ކުރީގެ ދިރިއުޅުމުގައި ހުރިހާ އެއްޗެއް ލިބުނު ކަމަށެވެ. މަޝްހޫރުކަމާއި ނަމާއި ފައިސާ އޭނާ އަށް ލިބި، ބޭނުން ކަމެއް ކުރުމުގެ ފުރުސަތު އޭރު އޮތަސް ހިތުން ބައެއް މަދު ކަމުގެ އިހުސާސް އޭރު ވެސް ކުރެވޭ ކަމަށް ބުންޏެވެ.

"އަހަރެންނަށް ހުރިހާ އެއްޗެއް ލިބުނަސް އުފަލެއް ނުލިބޭތީ ސުވާލު އުފެދޭ. އެއީ ވަރަށް ޓަފް ދުވަސްތަކެއް. މީހާ ޑިޕްރެސްވޭ. ބައެއް ދުވަސްތަކުގައި މާތްﷲ ގެ ކިބަފުޅުން އެކި ސައިންތައް ފެނޭ،" ސަނާ ބުންޏެވެ.

އޭނާ ބުނިގޮތުގައި 2019 ވަނަ އަހަރުގެ ރޯދަ މަހު އޭނާ އަށް ހުވަފެނުގައި ފެންނަން ފެށީ ކައްވަޅުގައި އަނދައަނދައި ހުންނަ މަންޒަރެވެ. އަދި ކައްވަޅުގައި އޭނާގެ ހަށިގަނޑު އަނދާ މަންޒަރު ވެސް ފެންނަން ފެށި ކަމަށް ބުންޏެވެ.

"އެ ހިސާބުން ހިތަށް އެރީ އަހަރެން ބަދަލު ނުވެއްޖިއްޔާ އެއީ އަހަރެންގެ ނިމުން އަންނާނެ ގޮތޭ. މީހާ ބިރުގަންނަން ފެށި،" ފިލްމު ކުޅުން ހުއްޓާލައި އިސްލާމްދީނުގެ ކަންކަމަށް ސަމާލުކަން ދޭން ފެށުނު ސަބަބާ ގުޅޭ ގޮތުން ސަނާ ބުންޏެވެ.

ރޮމުންރޮމުން ސަނާ ބުނީ ބުރުގާ އެޅީ އެއްވެސް މީހަކު އޭނާގެ ފަހު ދުވަހަކީ ބުރުގާ އަޅާ އެންމެ ފުރަތަމަ ދުވަހަށް ވުމަށް ނޭދޭނެތީ ކަމަށެވެ. އެހެންވެ، އޭނާ ފެށީ އިސްލާމްދީނަށް މީހާގެ ހިތް ޖައްސާ ދަރުސްތައް އަޑުއަހާށެވެ. އޭގެ ނަތީޖާއަކީ އެ ދަރުސްތަކުން ބޮޑެތި އިބުރަތްތައް ލިބި ބުރުގާ އަޅަން ނިންމުމެވެ. އޭގެ ފަހުން ދުވަހަކު ވެސް ބުރުގާ ނުބާލާނެ ކަމުގެ އަޒުމާ އެކު ކުރިއަށް ދާން ނިންމީ ކަމަށް ސަނާ ބުންޏެވެެ.

ސަނާ ބުނިގޮތުގައި އޭނާ އަބަދުވެސް ހައްޖުގެ އަޅުކަން އަދާކުރަން ބޭނުންވެ އެވެ. އެހެންވެ، އެ ކަން މި އަހަރު ހަގީގަތަކަށް ވުމުން އޭނާ ހުރީ ވަރަށް އުފަލުންނެވެ.

ސަނާ ބުނީ، ފިލްމު ކުޅެން އުޅުނުއިރު ވެސް އޭނާ އުމްރާގެ އަޅުކަން އަދާކުރެ އެވެ. އޭރު މައްކާ އަށް ގޮސް އުމްރާގެ އަޅުކަމުގައި އުޅޭއިރު، ހިޖާބު ލައިގެން އުޅުނަސް އަނބުރާ ގައުމަށް ދާ ގޮތަށް ކުރު ހެދުންތަކަށް ބަދަލުކުރެވޭ ކަމަށް ބުންޏެވެ. އެކަަމަކު ދެން އެ މަގުން ދުވަހަކު ވެސް ނުދާން އޭނާ ހުރީ އަޒުމު ކަނޑައަޅައިގެންނެެވެ.

ސަނާ އެކްޓިންއާ ދުރަށް ދިޔައިރު ކުޅެން ފަށާފައި އޮތް ފިލްމެއް ވެސް އޮތެވެ. އެއީ "ޓޮމް، ޑިކް އެންޑް ހެރީ 2" އެވެ. ސަނާ ވަނީ ބައެއް ރިއަލިޓީ ޝޯތަކުގައި ވެސް ވާދަކޮށްފަ އެވެ. އޭގެ ތެރޭގައި "ބިގް ބޮސް" އާއި "ހަތުރޯން ކޭ ކިލާޅީ" އަދި "ޖަލަކް ދިކްލާޖާ" ހިމެނެ އެވެ.

14 ކޮމެންޓް, 73 ރިއެކްޝަންސް

icon happy icon happy 12%
icon sad icon sad 5%
icon angry icon angry 5%
icon wow icon wow 0%
icon inlove icon inlove 77%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ޙިނި

25 July 2022

ފުރާނަޔަކީ ކޯޗެއް؟ މިދުނިޔެހަކީ އިމްތިހާނެއް، ނަރަކައިގެ އަލިފާނުން ސަލާމަތްވާން އެންމެންވެސް މަސައްކަތް ކުރަންވީ އަދި ބަރާބަރައް ނަމާދު ކޮއް ދުޢާކުރަންވީ.

The name is already taken The name is available. Register?

ވަތަނަބޭ

25 July 2022

ބްރޯ ރަދީފް. އަހަރެންވެސް އަދި ކަލޭ ވެސް އަދި ﷲ ހެއްދެވި ހުރިހާ މަޚުލޫގުންވެސް މަރުވާނެ. އެކަމަކު ދީން ކިޔަވައިގެން ތިބި ޝޭޚް އިމްރާން ޝޭޚް އިލްޔާސް އަދި ޑޮކްޓަރ ކޅބ ،،،މެންވެސް އެތިބީ މިދުނިޔެ އަކީ އަބަދު އުޅެވޭނެ ތަނެއް ކަމައް ހީކޮށް. އެމިޙުން ވެސް މަރުވީމަ ރަނގަޅައް ތެތްކަން ފެންނާނެ ކަން އެނގޭ އިރު އެތިބީ ހަވާ ނަފްސައް ހެއްލިފައި. އަދި މިލިސްޓައް ޑރ. ޝަހީމް އަދި ޝޭޚް ހުސެއިން ރަޝީދު މެންފަދަ ދިނީ އިލްމުވެރިން އިތުރޮކޮށްލަން.

The name is already taken The name is available. Register?

ރަދީފްއޮފިޝަލް

25 July 2022

އެހެންމީހުންގެ ވާހަކަ ދެއްކުމުގެ ބޭނުމެއް ނެތް.އަހަރުމެން ބަލަންވީ ހެޔޮއަމަލުކޮށް ތަގްވާވެރި އަޅުންގެގޮތުގަ ދުނިޔޭގެ ދަންފަޅި ހަމަކޮށް އާޙިރަތަށް ދަތުރުކުރެވޭތޯ. @ވަތަނަބޭ އާއި އަދި ޖުމްލަކޮށް ހުރިހާ ރައްޔަތުންނަށް ހެޔޮވިސްނުން މިންވަރުކުރައްވައި ފާފާ ފުއްސަވާށި.އާމީން.ވ.ވެދުން

The name is already taken The name is available. Register?

ވަތަނަބޭ

25 July 2022

ސަނާ ތިހިރީ އަލީ ރަމީޒު ކޮޕީކޮށްފައި . އަލި ރަމީޒައް ހުވަފެނުން ފެނުނީ އަނދައަނދާ ހުރި ގިޓައެއް. ދެން ސަނާ ކުރަން އޮތް އެންމެ ރަނގަޅު ކަމަކީ މަނީ ލޯންޑާ އެއް ނުވަތަ ޑްރަގް ޑީލަރެއް ލައްވާ ސަނާ ގެ ނުވަތަ މައިންބަފައިންގެ ވިއްކާލަ އެއަށްވުރެ ފެންވަރު ރަނގަޅު ގެއެއް ގަތުން. ފޮޓޯ އިން ފެންނަ ސަނާ ގެ މިހާރުގެ ފިރިމީ އަދި ކުރީގެ ބީޓް ތިހިރީ ސަނާ ގެ ބޯކާލާފައި. ބޮލުގެ ތެތްކަން ނުހުންނަ ސަނާ މެން ކަހަލަ ކުދިން ގެ ބޯކާލަން ވަރަށް ފަސޭހަވާނެ.

The name is already taken The name is available. Register?

ރަދީފްއޮފިޝަލް

25 July 2022

ބްރޯ.ކަލޭ ހިތުން ދުނިޔެ އެއީ ދާއިމަށް އުޅެވެން އޮތްތަނެއް ދޯ؟؟؟ ކަލޭ މަރުވީމަ ރަނގަޅަށް ތެތްކަން ފެންނާނެ.

The name is already taken The name is available. Register?

ރަދީފްއޮފިޝަލް

25 July 2022

އަހަރެން ވެސް ބޭނުންވަނީ މިކަހަލަ ކަނބަލެއް.މިކަލަހަ ދީނީ ކުއްޖެއް.

The name is already taken The name is available. Register?

ރަދީފް ބައްޕަ

25 July 2022

ކލޭ އަދިވެސް މީހަކާ ނީންނަންތަ

The name is already taken The name is available. Register?

ރަދީފްއޮފިޝަލް

25 July 2022

ނޫނޭ ބައްޕާ.އަޅުގަނޑު މިހާރު ސިންގަލް. ހެހެހެހެހެހެހެ

The name is already taken The name is available. Register?

ސަނާން

25 July 2022

ސަނާ ފިރިމީހާ އަތުގަ ހުރިވަރަށް ފައިސާ ހުރިއްޔާ، ބޭނުން ކޮންމެ ކެރެކްޓަރ އަކަށް ދިވެހި ކުދިން ޗޭންޖްވެދާނެ. ކުރިން ބުނި އެތި ކެންސަލް ކޮށްފައި.

The name is already taken The name is available. Register?

ދަލޭކަ ދައިތަ

25 July 2022

ހުރިހާކުދިން ރަދީފް އަށް ހެޔޮލަފާ ދީންވެރި، ގެވެހި، މަންޖެއެއް ލިބޭތޯ ދުޢާކޮށްދީ.

The name is already taken The name is available. Register?

ތެސޯރަސް

25 July 2022

ކަލޭގެ އުޅުން އިސްލާހު ނުކޮށް ކިހިނެއް ހެޔޮލަފާ އަންބެއް ލިބޭނީ!؟

The name is already taken The name is available. Register?

އިބުރާ

25 July 2022

ދެން އުޅޭ ދަރިއަކު ހޯދަން

The name is already taken The name is available. Register?

ޢިބްރާގެ ބޭބެ

25 July 2022

ކަލޭމެން ދިވެހިން ބެހޭތި ހުރިހާ ކަމަކާވެސް

The name is already taken The name is available. Register?

މަބަލްދީބް

25 July 2022

ކަލެއަށްތަ އެނގެނީ އޭނަ ދަރިން ހޯދަންވީމަ؟

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454