"ހައްޔަރު" ގެ ޝޫޓިން އަށް މި މަހުގެ ފަހުކޮޅު ތ. އަތޮޅަށް ފުރާނެ.
ފައިސަލް: އޭނާ ޑައިރެކްޓް ކުރާ ފުރަތަމަ ފިލްމަކީ "ހައްޔަރު".
07 ނޮވެމްބަރ 2017 - 06:09
އެކްޓަރު މުހައްމަދު ފައިސަލް "ސޮރީ" ގެ ނަމުގައި ރޮމޭންޓިކް ކޮމެޑީއެއް ޑައިރެކްޓް ކުރަން ކުރިން ނިންމި ނަމަވެސް، މި ވަގުތަށް އެ މަސައްކަތް ބާއްވާފައި އޭނާގެ ފުރަތަމަ ޑައިރެކްޝަނަކަށް "ހައްޔަރު" ހެދުމުގެ މަސައްކަތް ފަށައިފި އެވެ.
މި ފިލްމަކީ ދާދި ފަހުން އަންނަ އަހަރަށް ލޯންޗް ކުރި ފިލްމްތަކުގެ ތެރެއިން ފިލްމެކެވެ.
ފައިސަލް ބުނީ އަހުމަދު ޒަރީރު ލިޔާ "ސޮރީ" އަކީ ހަތަރު ބަތަލާއަކު ހިމެނޭ ގޮތަށް އޮތް ސްކްރިޕްޓަކަށްވާތީ، އަންހެން ކާސްޓުން ހޯދުމުގައި ދިމާވި ދަތިތަކާ އެކު، އޭގެ ސްކްރިޕްޓަށް މިހާރު ބައެއް ބަދަލުތައް ގެންނަން ނިންމާފައިވާ ކަމަށެވެ. އެހެންވެ އޭގެ މަސައްކަތް ތަންކޮޅަށް ފަހަށް ބޭއްވި ނަމަވެސް ފިލްމް ހަމަ އަންނަ އަހަރު ރިލީޒް ކުރަން ބޭނުންވާ ކަމަށް ފައިސަލް ބުންޏެވެ.
"އެހެންވީމަ އަހަރެންގެ ފުރަތަމަ ޑައިރެކްޝަނަކަށް ފެންނާނީ ހައްޔަރު." ޔޫސުފް ޝަފީއު (ޔޫއްޕެ) ގެ ސްކްރީންޕްލޭއަކަށް ހަދާ ސަސްޕެންސް ތުރިލާއާ ބެހޭ ގޮތުން އޭނާ ބުންޏެވެ. "މިއީ ހަމަ ލޯބީގެ ވަރަށް ތަފާތު ސަސްޕެންސް ތުރިލާއަކަށް ވާނެ."
Sorry: Faisal directionakah thayyaru
The most trusted news source in the Maldives
Mihaaru
"ސޮރީ" އާ ބެހޭ ގޮތުން ފައިސަލް ދިން އިންޓަވިއު.
"ހައްޔަރު" ގެ ޝޫޓިން އަށް މި މަހުގެ ފަހުކޮޅު ތ. އަތޮޅަށް ކާސްޓާއި ކްރޫ ފުރާނެ އެވެ. މި ފިލްމްގައި ފައިސަލާ އެކު ލީޑް ރޯލުން ފެނިގެން ދާނީ ޔޫއްޕެ މިހާރު ޑައިރެކްޓް ކުރަމުން އަންނަ ފިލްމް "ދެވަންސޫރަ" އިން ފިލްމީ ދާއިރާ އަށް ތައާރަފުކުރާ ބަތަލާ މަރިޔަމް ޝިފާ އާއި އަލީ އާޒިމް (ދޮންއައްޔަ) އެވެ.
"ތިން މަސް ދުވަހު އަހަރެމެން ތ. އަތޮޅުގައި ޝޫޓް ކުރާނަން. ފިލްމުގެ ލޮކޭޝަން ހަންޓް ކުރަން އަންނަ ހަފުތާގެ ތެރޭގައި އެ އަތޮޅަށް ޓީމެއް ފުރާ ގޮތަށް ވެސް އޮތީ ހަމަޖެހިފައި،" ފައިސަލް ބުންޏެވެ.
"ހައްޔަރު" ގައި ހިމެނޭނީ ދެ ލަވަ އެވެ.
"މީ ދެ ލަވަ ވަރު އިންނާނީ. ލިޕް ސިންކް ކުރާ ކަހަލަ ލަވަތަކެއް ނުހުންނާނެ،" ފައިސަ؛ލް ބުންޏެވެ. "ސްޓޯރީއާ ގުޅިގެން އަންނަ ކަހަލަ ލަވަތަކެއް ފިލްމުން ފެންނާނީ."
އަލަތު ޑައިރެކްޝަނަކަށް ފައިސަލް ތައްޔާރުވަމުން އަންނަ އިރު، އޭނާ ބުނީ ފިލްމް ބެލުންތެރިންނަށް ކަމުދާނެ ފިލްމަކަށް ހެދުމަށް ވަރަށް ބޮޑަށް މަސައްކަތް ކުރާނެ ކަމަށެވެ.
"ފީޗާ ފިލްމެއްގެ ޑައިރެކްޝަނަކާ ހަމައަށް މިއާދެވުނީ މިހާތަނަށް ފިލްމީ މަސައްކަތްތަކުގެ ތެރެއިން ވަރަށް ގިނަ މަސައްކަތްތަކެއްގެ އެކްސްޕީރިއަންސާ ވެސް އެކު،" މަޖާ ރޯލްތައް ކުޅެން މޮޅު އެކްޓަރެއްގެ ގޮތުގައި ގިނަ ބަޔަކު ފާހަފަ ކުރާ އެކްޓަރު ބުންޏެވެ. "އެހެންވީމާ މިހާރު އެކުގައި މަސައްކަތް ވެސް ކުރާ ޓީމާ އެކު، ހަމަ ވަރަށް ރަނގަޅު، ފުރިހަމަ މަސައްކަތްތަކެއްކޮށްލެވޭނެ ކަމަށް ގަބޫލު ކުރަނީ. ޔަގީނުން ވެސް އެއްޗެހިތަކެއް ދަސްވެގެން މި މަސައްކަތަށް މި ނުކުންނަނީ."
ފައިސަލް ދެން އެންމެ އަވަހަށް ސްކްރީނުން ފެންނާނެ ފިލްމަކީ އޭނާ ފުލުހެއްގެ ރޯލުން ފެނިގެންދާ "ދެވަންސޫރަ" އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސަލްމާން ހާން
08 November 2017
ދެ ޑަރާމާ 1 ފިލްމް، ދެން މި ފެންނަނީ ކޮންމެ މީހަކު ޑައިރެކްޓަރަކަށް ވާތަން.. އަދި ބައެއް މީހުންނަކީ ބައެއް ފިލްމު ތަކުގެ އެކްޓަރު، ޕްރޮޑިއުސަރ، ޑައިރެކްޓަރ އަދި ނުވިތާކަށް ކެމެރާ މަނު.. ދެން މިހެންވީމަ މި ދާއިރާ ވަރަށް ކުރި އަރައިފި..
ކަމަނާ
07 November 2017
ޒަރީރުގެ ސްކްޕްޓެއް ވީމަ ވަރަށް އިންތިޒާރު ކުރިފިލްމެއް ސޮރީ އަކީ. ވަރަށް ދެރަ ލަސް ވީމަ. އެކަމަކުވެސް އަންނަ އަހަރު ފެންނާނެ ކަމަށް ހީކުރަން.
ވިސްނާލީމާ
07 November 2017
ފަރީލާއަކީ ވަރަށް ހުނަރުވެރި ބަތޮލާއެއް! ނެށުމުގާވެސް އެވަރެއް ނެތޭ ބުންޏަސް ދޮގަކަށް ނުވާނެ! އުންމީދަކީ ނަހޫގެ ފިލްމަކުން ފަރީއަށް ފުރުސަތެއް ދިނުން! ޔަގީނުންވެސް ފަރީ ވަރަށް ހަބޭސްވާނެ! އަދި އޭނާގެ އިތުރުހުނަރު ނެރެން ނަހޫއަށް އެނގޭނެ! -އިބްރާހީމް-
ތާއީދު
08 November 2017
ހެޔޮނުވާނެ ބެލިންތަ
އަބްޅޯ
07 November 2017
އެކްޓްކުރުމުން ފެއިލްވެފަ ހުރި މީހެއް. ޑައިރެކްޝަން ކިހާވަރަކުން ދާނެބާ؟
ދީބާ
07 November 2017
ރަނގަޅު ވާހަކައެއް
އެއްގޮތަކަށްވެސް ކަމަކުނުދޭ
07 November 2017
ދިވެހި ފިލްމީ ދާއިރާއަށް ނިކުންނަ މީހުން ދެތިން ހަތަރު ލަވައެއް ކުޅެލާފަ، ތިން ހަތަރު ފިލްމަކަށް އަރާފަ އެކްޓަކަށްވާކަހަލަ އެކްޓެއް ނުދެއްކި، ރޯ މަންޒަރެއްގަ ރޯން ނޭނގި، ހެއްވާ މަންޒަރެއްގަ އަމިއްލައަށް މަޖާވާން ހަދައިގެން އެވެސް މަޖާނުވެ، ސީރިއަސް މަންޒަރެއްގައި ބުދެއްހެން ހުރެ، ''ސުޕަރސްޓާރ'' ނުވަތަ ''މަޝްހޫރު ފިލްމީތަރި'' އަކަށް ލޭބަލްވެގެން ދެން ފެންނާނީ ''އަމިއްލައަށް އެދުރުވެގެން'' ކެމެރާގެ ފަހަތު ފިލްމު ޑައިރެކްޓްކުރަން އުޅޭ މަންޒަރު. މިހެންވާތީ މި ދިވެހިރާއްޖޭގައި އުފައްދާ ފިލްމެއްގައި ތަފާތުކަމެއް، ނުވަތަ ކޮލިޓީއެއްވެސް ނުހުންނަނީ. އެކްޓުކުރާ މީހާ އެކްޓުކުރަން އިނގޭ ފިކުރަށް ފިލްމުވެސް ހަދާ ނިންމާފަ އުޅެނީ.
ބުރުހާނު
08 November 2017
މިވަރު ވާތީ ވެސް ސުކުރު ކޮއްބަލަ...