ގަދަ ނުވަޔަކުން ޖާގަ ނުލިބި ރޭ މޯލްޑިވިއަން އައިޑޮލް ތިނަކުން ކެޓި މުރުޝިދު --ފޮޓޯ: ފީއެސްއެމް
25 މާޗް 2018 - 10:55
8 comments
ޓީވީއެމުން ދައްކާ މޯލްޑިވިއަން އައިޑޮލްގެ ސީޒަން ތިނެއްގެ ގަދަ 10 އާ އެކު، ރޭ ދެއްކި އެލިމިނޭޝަން ޝޯގައި، އަބްދުﷲ މުރުޝިދް ކަޓައި ޝޯގެ ގަދަ ނުވައެއް ކަށަވަރުވެއްޖެ އެވެ.
މުރުޝިދާ އެކު ރޭ އެންމެ ދަށްކޮށް މާކްސް ލިބގެން ބޮޓަމް ތުރީ އަށް ވެއްޓުނު ބައިވެރިންގެ ތެރޭގައި ހިމެނެނީ ގޯލްޑެން މައިކު ވެސް ހާސިލްކޮށްފައިވާ ހަސަން ޝަހުދާން އާއި އިބްރާހީމް ޝަމްވީލެވެ.
ބޮޑުބެރު ލަވަތަކުގެ ތެރެއިން އައިޑޮލްއާ ގުޅުނު މުރުޝިދަކީ ވެސް މިދިޔަ ހަފުތާގައި އެންމެ ދަށްކޮށް މާކްސް ލިބިގެން ބޮޓަމް ތުރީ އަށް ވެއްޓުނު ބައިވެރިއެކެވެ.
އެކަމަކު ހޮނިހިރު ދުވަހުގެ ރޭ އޭނާ ހުށަހަޅައި ދިން ލަވަޔަށް، ޝޯގެ ހަތަރު ޖަޖުން ކަމަށްވާ މަރިޔަމް އުނޫޝާ (ކިޑީ) އާއި އަހުމަދު އިބްރާހީމް (އައްމަޑޭ)ގެ އިތުރުން އިސްމާއީލް އައްފާނާއި ޒާރާ މުޖުތަބާގެ ފަރާތުން ރަނގަޅު ކޮމެންޓްތަކެއް ލިބުނެވެ.
ރޭގެ އެލިމިނޭޝަން ޝޯގައި އެއް ބައިވެރިޔަކު ކެޓީ، ހުކުރު ދުވަހުގެ ރޭގެ ޝޯގައި ބައިވެރިން ހުށަހަޅައި ދިން ލަވަތަކަށް ޖަޖުންނާއި އާންމުން ދިން ވޯޓް އެއްކޮށްލައިގެން ނެރުނު ނަތީޖާ އިންނެވެ. މޯލްޑިވިއަން އައިޑޮލްގެ ހަރުފަތްތައް ބައިވެރިންނަށް ގިރާކުރެވެނީ އާންމުން ދޭ 50 ޕަސަންޓް ވޯޓާއި ހަތަރު ޖަޖުންގެ 50 ޕަސަންޓް މާކްސްއާ އެކުގަ އެވެ.
އައިޑޮލް އިން ކެޓި މުރްޝިދު ރޭ އޭނާއާ އެކު ލަވަ ހުށަހެޅި މައީޝާއާ އެކު.
މުބާރާތުން މުރުޝިދު ވަކިވެގެން ދިޔުމާ އެކު އަންނަ ހަފުތާއަކީ ގަދަ ނުވައެއްގެ ވާދަވެރިކަން ފެނިގެން ދާނެ ޝޯއެކެވެ.
މޯލްޑިވިއަން އައިޑޮލް ގަދަ 9:
* ހަސަން ޝަހްދާން * ސައިނާ މުހައްމަދު ރަޝީދު * އިބްރާހީމް ޝަމީލް * ތަލްސީމް އަބްދުލް ކަރީމް * މަރިޔަމް މައީޝާ * ނައުޝާދު އަބްދުއްލަތީފް * ރައިހާން އާދަމް * އަބްދުﷲ މުނާޒް * އައިޝަތު އަޒަލް ޒާހިރު
ރޭގެ ޝޯގައި ބައިވެރިން ލަވަ ހުށަހެޅީ އެކޯސްޓިކް ތީމަށެވެ. އެ ތީމަށް ބައިވެރިން މަޑުމައިތިރި ރާގުތަކުގެ ހިތްގައިމު ގްރޫޕް ފަފޯމަންސްތަކެއް ވެސް ފެނުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އއއއިބްރާހިމް
26 March 2018
ޕަބްލިކަށް އެސްއެމްއެސް ކުރުމަށް ދޫކޮށްލާފަވާ އަދަދު މައްސަލައަކީ. ފައިސާ ގިނައިން ގެންގުޅޭ ބަޔަކަށް ވެއްޖިއްޔާ އެބަޔަކު ބޭނުންމީހަކަށް މެސެޖް ކުރާނީ. އެމީހުން ނުބަލާނެ މޮޅަށް ކިޔާމީހާއެއް ނުވަތަ ދެރަކޮށް ކިޔާމީހާއެއ. މިޝޯގަ އެއްމެ ރަނގަޅަށް ލަވަކިޔާ ހުރިހާ ކުދިން ކަޓާނެހެން ވަރަށް ބޮޑަށް ބެލެވޭ. ޖަޖުންވެސް ޖަޖުކުރުމުގަ ވަރަށް ބޭއިންސާފު. ވަރަށް ހަޑިކޮށް ފިޗްއައުޓްވެގެން ލަވަކީމަވެސް ހުރިހާ ޖަޖުން އެބަހުރި ވަރަށް ފުރިހަމަކަމަށް ބުނެފަ. އެހެންވީމަ މިބުނީ. މަށަކީވެސް މޯލްޑިވިޔަން އައިޑަލް ވަރަށް ބަލާ މީހެއް. ވަރަށް ބަލާހިތުން. އެކަމަކު ޖަޖުންވެސް އެބަޖެހޭ ތަންކޮޅެއް ތެދުވެރިކަމާއެކު ރަނގަޅަށް އިންސާފު ކުރަން. އަދި އެސްއެމްއެސްގެ އަދަދު ކޮންމެ ނަންބަރަކުން 50 ގަ ބަދަލުގަ 1 މެސެޖް ކުރެވޭގޮތް ހަދަން. އެމެރިކަން އައިޑަލްގަވެސް ކުރަން ޖެހެނީ އެއްމެ އެސްއެމްއެސްއެއް.
ސފދސ
25 March 2018
ތީ އެންމެ ފުރަތަމަ ވެސް ކަޓަން ޖެހޭ މީހާ.
ބަމް
25 March 2018
ހަމަ ހަގީގަތުގަވެސް މުރުޝިދަކީ ލަވަ ކިޔަން އެހާ ރަނގަޅު އަޑެއްގެ މީހެއް ނޫން. އޭނާ ގެ ޓެކްނިކަލީ ވަރަށް ދެރަ. ޑައިނަމިކްސް އާއި ވޭރިއޭޝަންސް އެއްކިބާކޮށް ޕިޗިން އަކީ ލަވަކިޔުމުގެ އެންމެ ބޭސިކް އެއްކަންތައް. ނަމަވެސް މުރުޝިދަށް ޝާޕް ނުވެ އެންމެ ލައިނެއްވެސް ނުކިޔޭ. މުރުޝިދު ގަދަ 16 އަށްވެސް އަސްލު އަރާވަރެއްނުވޭ.
ދޮން އާމިރު
25 March 2018
މުރު ކެޓީމަ ދެރަވޭ..
ޓރޫ
25 March 2018
ޖަޖުންގެ ޕެނަލް ވަރަށް ސަޅި... އެކަމަކު މާރކްސް ވަގުތުން އިއުލާން ކުރާނަމަ އަދި މާ ޓްރާންސްޕޭރަންޓްވާނެ.. ކުރީ ޒަމާންތަކުގައި މޮޅެތި މިއުޒިޝަނުން އުޅުނު... އެކަމަކު މިހާރުގެ ޓްރެއިން މިއުޒިޝަނުންނައް މާ ބައިވަރު އެއްޗެތި ދަސްވެ މާމޮޅު...
ހަސަންފުތު
25 March 2018
ކުރިން ހުންނަހާ ފޯރިއެއް ނުހުރޭ އައިޑަލް ބަލާކައް .. ސީޒަން 1 ގަ ފޫހިކަމެއް ނެތި ބެލިން .. މިހާރު ބޭނުންވަނީ ބޭރުގެ އާ ފްރެންޗައިޒް ޝޯއެއް .. އަބަދު އެއްލަވައެއް ކިޔާފަ އެވައްތަރެއް ޖައްސާތީ ފޫހި.. އެއް ޖަޖައް ވުރެ އަނެއް ޖަޖު ވެސް އުޅެނީ މޮޅުވާން .. ޓޮޕް 3 އަކައް ދިޔަޔަސް ލަވަކިޔާ ކުދިންގެ ކޮންމެވެސް ކަމެއްގަ ހިފާނެ .. މައިކްބެލެންސް .. ލަވަ ޗޮއިސް ، މާފަސޭހަ ލަވައެއް.. އަލީ ރަމީޒުގެ ލަވައެއް ކިޔާފިޔާ އަދި ޒާރާ އައްފާނު ހާއްސަކޮއް ލަވަ ޗޮއިސް ކަޑަ ވާނެ.. މާ ޗަކަޗަކަ ވެފަ ޖަޖުން ތިބެނީ .. ފިނޭލީ ޕާރފޯރމަންސްގަވެސް ފާޑު ކިޔާނެ މި ޖަޖުން !! ދުވަހަކު ރަގަޅު ނުވާނެ!! ޖަޖުކުރަން ޖެހޭ އެކަމް މާ އޯވާރ ވަނީ ..
ވިސްނާލީމާ
25 March 2018
ކަމެއް ރަނގަޅަށް ކުރަން ބޭނުމިއްޔާ ފުރަތަމަވެސް ޖަޖުންގެ ލިސްޓަށް ކުޑަނަމަވެސް ބަދަލެއް ނެނޭ.! އެގޮތުން އުމަރުޒާހިރު، ޝިފާތައުފީގް، ހަންނާނު، ދެން އޭގެ ފަހުގާ އުނޫޝާ، ޒާރާ އޯކޭވާނެ.! މިހާރުގެ ދެޖަޖަކާ ކުރީގެ ލަވަކިޔުންތެރީންގެ ތެރެއިން ދެޖަޖެއް އޯކޭވާނެ.! މިހާރު ވާގޮތަކީ ފަޅާލަވަނޫނީ ކަމަކުނުދޭ. ދެންޖެހެނީ ހަމަ އަޑުގަނެތްވަރު ދައްކަން އޭރުން ހަމަ އޯކޭ.! މީކީ ކަންކަން ވެގެންވާންވީ ގޮތެއްނޫން.! ޖަޖުންނަށްވެސް ބަދަލެއް ގެނެސް، ފައިސާ ޚަރަދުނުކޮށް ވޯޓު ދެވޭގޮތް ހަދަންވީ.! އަދި ޖަޖުންގެ މާކްސް ލަވަކިޔާ ނިމޭއިރަށް އެނގޭގޮތް ހަދަންވީ.! އިންސާފުންނޭ މިކުރަނީ ބުންޏަސް، އިންސާފުން ބޭރުވާތަން ބައެއް ފަހަރުނަމަވެސް ފެންނަމުންއެބަދޭ.! ކިޔަނީ ލަވަ.! އެކަމަކު ޖެހެނީ ނަށަން.! މީތި ސަޅިނުވެގެން މިއުޅެނީ.! އުނޫޝާ ކިޔާފާއިން ރީތި ހިތްގައިމު ލަވައެއް، ހަމަ އުނޫޝާ ކިޔާލާފާ އިންގޮތަށް ކިޔާލީމާ މަށަށް ރީތިވަނީ.! އޭގެ ތެރެއަށް އިތުރަށް އެއްޗެތިއަޅާ މޮޑުނީމާ، ދެން ހަމަ ރަހަޔަކުން ރަހައެއް ނުލާ.! -އިބްރާހީމް-
ޢަހު
25 March 2018
ޚޮންމެވެސް މީހަކު ބުނެދީބަލާ. މިޝޯގެ ހަގީގީ މާގުސަދަކީ ކޮބަ؟ މިހެން މިބުނެލީ ޒުވާނުންތަކެއް މިތަނުގަ ކުރަނީ ކޮންކަމެއްކަން ނޭގޭތީވެ. އެކްޓްކޮށްގެން ތިމާމީހާއަކީ ލަވަކިތުންޔެރިއެއްކަން ދައްކަން ތިކުރާ ކަންކަން ޕްރޮފެޝަނަލް މިއުޒީޝަނުން ބަލައެއް ނުގަންނާނެ. ކުރާނީ މަލާމާތް. ޙޭޖެހޭ މީހުން ކުރާކަހަލަ ކަންކަމެއް ނޫން ތީކީ.