ގާޑިއަންގެ މޮޅު 100 ފިލްމުގެ ލިސްޓްގައި ހިންދީ ފިލްމެއް

"ގޭންގް އޮފް ވަސޭޕޫރް"ގެ ޕޯސްޓަރެއް.

އަހުމަދު އަދްޝަން، މިހާރު

16 ސެޕްޓެމްބަރ 2019 - 08:33

އިނގިރޭސިވިލާތުގެ މަޝްހޫރު ނޫސް ދަ ގާޑިއަން އިން 21 ވަނަ ގަރުނުގެ އެންމެ މޮޅު 100 ފިލްމުގެ ލިސްޓެއް އެކުލަވައިލި އިރު، އޭގައި އިންޑިއާގެ ފިލްމެއް ވެސް ހިމެނިއްޖެ އެވެ.

މުޅިންހެން ގޮތަކަށް ހޮލީވުޑްގެ ފިލްމުތައް ހިމެނޭ ލިސްޓުން ޖާގަ ލިބުނު ހިންދީ ފިލްމަކީ 2012 ގައި ޑައިރެކްޓަރު އަނޫރާގެ ކެޝަޕް ދެ ބަޔަކަށް ގެނެސްދިން ކްރައިމް ފިލްމު "ގޭންގް އޮފް ވަސޭޕޫރް" އެވެ. މިއީ ލިސްޓުން ޖާގަ ލިބުނު ހަމައެކަނި ހިންދީ ފިލްމު ވެސް މެ އެވެ.

"ގޭންގް އޮފް ވަސޭޕޫރް" މައިގަނޑު ކާސްޓުންނަކީ މަނޯޖް ބަޖްޕާއީ، ހުމާ ގްރޭޝީ، ނަވާޒުއްދީން ސިއްދީގީ، ރިޗާ ޗައްޑާ އަދި ޓިގްމާންޝޫ ދޫލިއާ އެވެ.

ގާޑިއަން އިން އެކުލަވައިލި އެންމެ މޮޅު 100 ފިލްމުގެ ތެރޭގައި "ގޭންގް އޮފް ވަސޭޕޫރް" ހިމެނުމާ ގުޅިގެން އަނޫރާގް ވަނީ އެ ވާހަކަ ސޯޝަލް މީޑިއާގައި ވެސް ހިއްސާކޮށްފަ އެވެ. ލިސްޓްގެ 59 ވަނަ އިން ޖާގަ ލިބުނު އެ ފިލްމަކީ "ހޮލީވުޑް" ގެ ކަލްޓް "ގޯޑްފާދާ" އަށް އިންޑިއާ އިން ދިން ރައްދެއްގެ ގޮތުގައި ވެސް ލިސްޓް އެކުލަވައިލި ޓީމުން ސިފަކޮށްފައިވެ އެވެ.

View this post on Instagram

Guardian’s list of 100 best film of 21st century . Proud to be here but this wouldn’t be my list.So many films which are my favourites can’t be below my film.. and “the Dark Knight” deserves to be way up. The number 1 film in the list I totally agree with. That’s my absolute favourite of the 21st century. Here is the list https://www.theguardian.com/film https://www.theguardian.com/film/2019/sep/13/100-best-films-movies-of-the-21st-century/2019/sep/13/100-best-films-movies-of-the-21st-century .... link also in bio. P.S. this is also is that film of mine that totally destroyed my filmmaking life by the expectations it sets from me as a filmmaker and has been continuously so , and I have forever been trying to break away from it. Hopefully someday that will happen .

A post shared by Anurag Kashyap (@anuragkashyap10) on Sep 13, 2019 at 5:46pm PDT

އަބަދު ވެސް ތަފާތު ސްޓައިލްތަކެއްގެ ފިލްމުތައް ހަދާ ޑައިރެކްޓަރެއްގެ ގޮތުގައި މަޝްހޫރުވެފައިވާ އަނޫރާގް ބުނިގޮތުގައި "ދާ ޑާކް ނައިޓް" ފަދަ ފިލްމުތައް ވެސް ހިމެނޭ ލިސްޓްގައި އޭނާގެ "ގޭންގް އޮފް ވަސޭޕޫރް" ހިމެނުނަސް އެ ފިލްމަކީ އޭނާ އަށް އެންމެ މޮޅު ފިލްމު ނޫން ކަމަށެވެ. "ދޭވް ޑީ" އާއި "މުއްކަބާޒް" އަދި "ގުލާލް" އާއި "ރާމަން ރަގަވް" ފަދަ ފިލްމުތައް ގެނެސްދިން އަނޫރާގް އެންމެ ފަހުން ޑައިރެކްޓްކުރި ފިލްމަކީ މިދިޔަ އަހަރު ރިލީޒްކުރި "މަންމަރުޒިޔާ" އެވެ.

The 100 best films of the 21st century

Gangsters, superheroes, schoolkids, lovers, slaves, peasants, techies, Tenenbaums and freefalling astronauts – they’re all here in our countdown of cinema’s best movies since 2000

the Guardian

އެންމެ މޮޅު 100 ފިލްމުގެ ލިސްޓް.

ގާޑިއަން އިން 21 ވަނަ ގަރުނުގެ އެންމެ މޮޅު 100 ފިލްމުގެ ލިސްޓެއް އެކުލަވަލައިވީ 2000 ވަނަ އަހަރުން ފެށިގެން މިހާތަނަށް ރިލީޒްކުރި ފިލްމުތައް ހިމަނައިގެންނެވެ.

ލިސްޓްގެ އެއްވަނައިގައި އޮތީ ޑައިރެކްޓަރު ޕޯލް ތޯމަސް އެންޑަސަން 2007 ގައި ގެނެސްދިން "ދެއާ ވިލް ބީ ބްލަޑް" އެވެ. ލިސްޓް 100 ވަނައިގައި އޮތީ މިދިޔަ ޖުލައި މަހު ރިލީޒްކުރި ޑައިރެކްޓަރު ކްއެންޓިން ޓެރަންޓީނޯގެ "ވަންސް އަޕޮން އަ ޓައިމް އިން ހޮލީވުޑް" އެވެ.