އަނޫރާގް ކެޝަޕްގެ އާ ކުންފުންޏަކީ ގުޑް ބޭޑް ފިލްމްސް

އަނޫރާގް.

އަހުމަދު އަދްޝަން، މިހާރު

03 ޖޫން 2020 - 09:23

ބޮލީވުޑްގެ ޑައިރެކްޓަރު/ޕްރޮޑިއުސަރު އަނޫރާގް ކެޝަޕް އަނެއްކާ ވެސް އަމިއްލަ ފިލްމު ކުންފުންޏެއް އުފައްދައިފި އެވެ.

"ގުޑް ބޭޑް ފިލްމްސް" ގެ ނަމުގައި އަމިއްލަ އާ ޕްރޮޑްކްޝަން ހައުސްއެއް، މިހާތަނަށް ކާމިޔާބު އުފެއްދުންތަކެއް ގެނެސްދީފައިވާ ޑައިރެކްޓަރު އުފައްދާފައި ވަނީ އޭނާ އާއި އިތުރު ތިން އެކުވެރިއަކު ހިއްސާވެގެން އުފެއްދި ފިލްމު ކުންފުނި ފޭންޓަމް ފިލްމްސް 2018 ގައި އުވާލާފައި ވަނިކޮށެވެ.

އަނޫރާގް ވަނީ އާ ކުންފުނީގެ ލޯގޯ އާއި ކުންފުނީގައި އޭނާއާ އެކު ހިއްސާވާ މީހުންގެ މައުލޫމާތު ވެސް ސޯޝަލް މީޑިއާގައި ހިއްސާކޮށްފަ އެވެ. އެގޮތުން "ގުޑް ބޭޑް ފިލްމްސް" ގައި އަނޫރާގާ އެކު ހިއްސާވަނީ ދުރޫވް ޖަގައިސް އާއި އަކްޝޭ ތައްކަރު އެވެ.

އަނޫރާހް ބުނީ އެ ދެ މީހުންނަކީ އޭނާ ވަރަށް އިތުބާރުކުރާ ގާތް ދެ ތަނބުކަމަށާއި ކުރިއަށް އޮތް ދުވަސްތަކުގައި އެކަން ވަޒަންކޮށްލަން އާންމުންނަށް ދޫކޮށްލާ ކަމަށެވެ.

View this post on Instagram

So here it is .. our new company @goodbadfilmsofficial . Introducing the good, the bad and the films of the @goodbadfilmsofficial on the Monday of the release of our first production #chokedpaisaboltahai on @netflix_in . @jagasiadhruv in black and white and @akshaythakker . My two pillars of support. Only thing I can’t figure is that which one of my two producers is good and who is bad .. so leaving it to you all to decide .. let’s have fun #chokedpaisaboltahai releasing June 5th Logo design by @sam_madhu pics by @khamkhaphotoartist

A post shared by Anurag Kashyap (@anuragkashyap10) on May 31, 2020 at 10:01pm PDT

އަލަށް އުފެއްދި ކުންފުނި "ގުޑް ބޭޑް ފިލްމްސް" އިން ބެލުންތެރިންނަށް ގެނެސްދޭ ފުރަތަމަ ފިލްމަކީ އަންނަ ހުކުރު ދުވަހު ނެޓްފްލިކްސް އިން ސްޓްރީމްކުރަން ފަށާ "ޗޯކްޑް: ޕައިސާ ބޯލްތާ ހޭ" އެވެ. މިއީ 2018 ގައި ރިލީޒްކުރި "މަންމަރުޒިޔާ" އަށް ފަހު، އަނޫރާގް ޑައިރެކްޓްކޮށް ގެނެސްދޭ ފުރަތަމަ ފިލްމެވެ.

.@anuragkashyap72 is cooking up something unusual in the Netflix kitchen.@SaiyamiKher #RoshanMatthew pic.twitter.com/QKsK1QTb4A
— Netflix India (@NetflixIndia) May 21, 2020

އޭނާގެ ކުރީގެ ފިލްމު ކުންފުނި ފެންޓަމްގައި ހިއްސާވެފައި ވަނީ ޑައިރެކްޓަރު ވިކާސް ބާލް އާއި މަދޫ މަންޓޭނާގެ އިތުރުން ވިކްރަމަދިޔާ މޮޓްވާނާ އެވެ.

އެ ކުންފުނީގެ ތައްގަނޑުގައި އެންމެ ފަހުން ގެނެސްދިން ފިލްމަކީ ކުންފުނި އުވައިލުމުގެ ކުރިން މަސައްކަތް ފަށާފައި އޮތް އަދި މިދިޔަ އަހަރު ރިލީޒްކުރި ރިތިކް ރޯޝަންގެ "ސުޕަ 30" އެވެ.

ފޭންޓަމުން ގެނެސްދިން އިތުރު ފިލްމުތަކުގެ ތެރޭގައި ރަންވީރު ސިންގްގެ "ލުޓޭރާ" އާއި ކަންގަނާ ރަނާވަތުގެ "ކްއީން" އާއި އާލިއާ ބަޓްގެ "ޝާންދާރު" އާއި ރަންބީރް ކަޕޫރްގެ "ބޮމްވޭ ވެލްވެޓް" އާއި ވިކީ ކޯޝަލްގެ "މަސާން" ގެ އިތުރުން ޝާހިދު ކަޕޫރްގެ "އުޅުތާ ޕަންޖާބު" ފަދަ އެތައް ފިލްމެއް ހިމެނެ އެވެ.

Phantom Films gai bandu board alhuvaifi

The most trusted news source in the Maldives

Mihaaru