އަމީތާބް ބައްޗަން ކޮވިޑް-19 އިން ރަނގަޅުވެއްޖެ

އަމީތާބާ އެކު އެޑްމިޓްކުރި އަބީޝެކަށް އަދިވެސް އަންނަނީ ފަރުވާދެމުން.

އަހުމަދު އަދްޝަން، މިހާރު

02 އޯގަސްޓް 2020 - 20:48

ކޮވިޑް-19 އަށް ފަރުވާ ހޯދަމުން ދިޔަ ބޮލީވުޑްގެ އެކްޓަރު އަމީތާބް ބައްޗަން ބަލިން ރަނގަޅުވެ، މިއަދު ހޮސްޕިޓަލުން ދޫކޮށްލައިފި އެވެ.

އަމީތާބް، 77، ބައްޔަށް ޕޮޒިޓިވްވެގެން މުމްބާއީގެ ނަނަވާތީ ހޮސްޕިޓަލްގައި އެޑްމިޓްކުރީ މިދިޔަ މަހުގެ 11 ވަނަ ދުވަހު އެވެ. އޭނާއާ އެކު ދަރިފުޅު އަބީޝެކް ބައްޗަން ވެސް ހަމަ އެ ދުވަހު ކޮވިޑް-19 އަށް ޕޮޒިޓިވްވެގެން އެ ހޮސްޕިޓަލްގައި އެޑްމިޓްކުރި އެވެ. އޭނާ އަށް އަދިވެސް އަންނަނީ ފަރުވާ ދެމުންނެވެ.

T 3613 - I have tested CoVid- have been discharged. I am back home in solitary quarantine.
Grace of the Almighty, blessings of Ma Babuji, prayers & duas of near & dear & friends fans EF .. and the excellent care and nursing at Nanavati made it possible for me to see this day . pic.twitter.com/76jWbN5hvM
— Amitabh Bachchan (@SrBachchan) August 2, 2020

ބަލިން ރަނގަޅު، ގެއަށް ދޫކޮށްލުމާ އެކު އަމީތާބް މިއަދު ކުރި ޓްވީޓެއްގައި ބުނީ އޭނާ މި ވަގުތު ހުރީ ހޯމް ކަރަންޓީނުގައި ކަމަށެވެ. އަދި ފަރުވާދިން ހޮސްޕިޓަލްގެ މުވައްޒަފުންނާއި ހެޔޮދުއާކޮށް ދިން އެންމެންނަށް ޝުކުރު އަދާކޮށްފައިވެ އެވެ.

I, Unfortunately due to some comorbidities remain Covid-19 positive and remain in hospital. Again, thank you all for your continued wishes and prayers for my family. Very humbled and indebted. 🙏🏽
I’ll beat this and come back healthier! Promise. 💪🏽
— Abhishek Bachchan (@juniorbachchan) August 2, 2020

އެޑްމިޓްކުރިތާ 23 ދުވަސް ފަހުން އަމީތާބް ހޮސްޕިޓަލުން ދޫކޮށްލި އިރު، ކޮވިޑް-19 އަށް ޕޮޒިޓިވް އޭނާގެ ޅީ ދަރިފުޅު އަދި ބަތަލާ އައިޝްވާރިއާ ރާއީ އާއި ކާފަ ދަރިފުޅު އަރާދިއާ ބައްޗަށް ބަލިން ފަސޭހަވެގެން ނަނަވާތީ ހޮސްޕިޓަލުން ދޫކޮށްލީ މިދިޔަ މަހުގެ 27 ވަނަ ދުވަހު އެވެ. އެ ދެމައިން ބައްޔަށް ޕޮޒިޓްވްވީ މިދިޔަ މަހުގެ 12 ވަނަ ދުވަހު އެވެ.

ބައްޗަން އާއިލާވެގެން ދިޔައީ ބޮލީވުޑްގެ އޭ-ލިސްޓް ތަރިންތަކެއް ކޮވިޑް-19 އަށް ޕޮޒިޓިވްވި ފުރަތަމަ ފަހަރަށެވެ. މިކަމާ ގުޅިގެން އެ މީހުން ދިރިއުޅެމުން އަންނަ ގެ ޖަލްސާ ހުރި ސަރަހައްދު ކޮންޓައިމަންޓް ޒޯނެއްގެ ގޮތުގައި ކަނޑައަޅައި، ހާއްސަ ފިޔަވަޅުތަކެއް އަޅާފައިވެ އެވެ. ނަމަވެސް މިދިޔަ ހަފުތާގައި ވަނީ ޖަލްސާ އަށް އެޅި ފިޔަވަޅުތައް ނަގައިފަ އެވެ.

Aishwarya Rai aai dharifulhu covid-19 in rangalhu vejje

އަމީތާބާއި އަބީޝެކަށް އަދިވެސް އަންނަނީ ފަރުވާ ދެމުން.

Mihaaru