ނީލް ނިތިން މުކޭޝްގެ އުންމީދަކީ "ޖެއިިލް" ގެ ދެވަނަ ބައި

ނީލް.

އަހުމަދު އަދްޝަން، މިހާރު

09 ނޮވެމްބަރ 2020 - 08:03

މީގެ 11 އަހަރު ކުރިން ރިލީޒްކުރި ޑައިރެކްޓަރު މަދޫރް ބަންޑާރްކަރްގެ ފިލްމު "ޖެއިލް" ކުޅެން ލިބުމަކީ ކެރިއަރުގެ އެންމެ ބޮޑު އެއް ކާމިޔާބީ ކަމަށާއި އޭގެ ދެވަނަ ބަޔަކަށް އުންމީދުކުރެވޭ ކަމަށް ފިލްމުގެ ލީޑް ބަތަކު ނީލް ނިތިން މުކޭޝް ބުނެފި އެވެ.

ޕްރިޒަމް ޑްރާމާއެއްގެ ގޮތުގައި 2009 ގައި ގެނެސްދިން ފިލްމު ރިލީޒްކުރިތާ ހުކުރު ދުވަހު 11 އަހަރުވުމާ ގުޅިގެން ފިލްމުގެ ހަނދާންތައް އާކޮށް އިންސްޓަގްރާމްގައި ނީލް އާންމުކުރި ޕޯސްޓެއްގައި ބުނީ މަދޫރާ އެކު މަސައްކަތްކުރަން ލިބުމަކީ ވަރަށް ބޮޑު ޝަރަފެއް ކަމަށާއި "ޖެއިލް" އަކީ ކެރިއަރުގައި މިހާތަނަށް މެތަޑް އެކްޓިން ތަޖުރިބާކުރަން ލިބުނު ފިލްމު ވެސް ކަމަށެވެ.

"މިއީ އަހަރެންގެ ކެރިއަރުގެ އެންމެ ހާއްސަ އެއް ފިލްމު. އަދި އެންމެ ވަރުގަދަ އެއް ފިލްމު. މި ފިލްމާ އެކު ވަރަށް އުފާވެރި ހަނދާންތަކެއް ގުޅިފައިވޭ،" ނީލް ބުންޏެވެ.

އޭނާ ވަނީ "ޖެއިލް" އިން ފުރުސަތު ދިން ކަމަށްޓަކައި ޕްރޮޑިއުސަރު ޝައިލެންދަރު ސިންގް އަށް ޝުކުރު ވެސް އަދާކޮށްފަ އެވެ. އަދި ޕޯސްޓްގައި އޭނާ ޓެގްކޮށް "ޖެއިލް 2" ވެސް ހަދަން ޖެހޭ ކަމަށް ބުންޏެވެ.

ނޮވެމްބަރު 6، 2009 ގައި ރިލީޒްކުރި "ޖެއިލް" ގައި ކިޔައި ދިނީ ޖަލުގެ ގައިދީންނަށް ފުލުހުން ކުރާ އަނިޔާތަކުގެ ވާހަކަ އެވެ. މި ފިލްމުގައި ނީލްއާ އެކު މުހިއްމު ރޯލްތައް ކުޅުނީ މުގްދާ ގޮޑްސޭ އާއި އަރިއާ ބައްބަރް އަދި މަނޯޖް ބަޖްޕާއީ އެވެ.

View this post on Instagram

A film , i always say is and shall remain very close to my heart. The only film in my career that I used the method acting approach for. @imbhandarkar sir gave me the wings to fly as an actor , guiding me through one of my most powerful portrayals on screen. @mugdhagodse was such a strong support to help me etch the innocent and vulnerable side of Parag Dixit. @bajpayee.manoj sir helped me with detailed nuances . only an actor of his caliber can understand and educate his co-actors with that knowledge. I made a brother for life in @aaryababbar222 a fab actor for sure. Thank you @shailendrasingh for this opportunity we must do JAIL2 Last but not the least . A Biggggg hug to all the cast and crew of the film. Each day is a memory etched in my heart forever . Thank you for the beautiful moments ❤️🙏🏻. Streaming on @netflix_in @netflix

A post shared by Neil Nitin Mukesh (@neilnitinmukesh) on Nov 5, 2020 at 8:56pm PST

"ޖެއިލް" ގެނެސްދިން މަދޫރަކީ އާންމުކޮށް ހަގީގީ ހާދިސާތަކަށް ފިލްމު ހަދާ ޑައިރެކްޓަރެކެވެ. އޭނާ ގެނެސްދިން ފިލްމުތަކުގެ ތެރޭގައި "ފެޝަން" އާއި "ޕޭޖް 3" އާއި "ޗާންދުނީ ބާ" އަދި "ހެރޮއިން" ފަދަ ފިލްމުތަކަކީ ވަރަށް ކާމިޔާބު ފިލްމުތަކެވެ.

"ޖެއިލް" އަށް ފަހު ވެސް ނީލް ވަނީ މަދޫރާ އެކު އެހެން ފިލްމެއްގައި މަސައްކަތްކޮށްފަ އެވެ. އެއީ 2017 ގައި ގެނެސްދިން ޕީރިއަޑް ޕޮލިޓިކަލް ތުރިލާ "އިންދޫ ސަރުކާރު" އެވެ.

ނީލް، 38، އެންމެ ފަހުން ފެނިފައި ވަނީ މިދިޔަ އަހަރު އޭނާގެ ކޮއްކޮ ނަމަން ނިތިން މުކޭޝް ޑައިރެކްޝަނަށް ނުކުތް ތުރިލާ "ބައިޕާސް ރޯޑް" އިންނެވެ. ނީލް ކުޅުނު ފިލްމުތަކުގެ ތެރޭގައި "ނިއު ޔޯކް" އާއި "ޕްރޭމް ރަތަން ދަން ޕާޔޯ" އާއި "ގޯލްމާލް އެގެއިން" އާއި "ސާތު ހޫ މާފް" އަދި "ސާހޯ" ފާހަގަކޮށްލެވެ އެވެ.